San Juan 7:28 - Li Santil hu

²⁸ Nak li Jesús yo̱ chixchꞌolobanquil lix ya̱lal saꞌ li templo, quixye chi cau xya̱b xcux: —Ya̱l nak nequenau cuu. Ut nequenau bar intenamit. Abanan incꞌaꞌ nequenau chi tzꞌakal bar xinchal chak. La̱in incꞌaꞌ xintakla chak cuib yal injunes. Li Dios, li ti̱c xchꞌo̱l, aꞌan li xtaklan chak cue. La̱ex incꞌaꞌ nequenau ru aꞌan.

Q'eqchi Bible

²⁸ Toja' naq li Jesus, naq yo chi xtzolb'aleb' li tenamit sa' rochoch li Yos, kixye chi kaw xyaab' xkux: —Yaal naq nekenaw wu ut nekenaw b'ar xinchalk chaq, ab'an ink'a' xinchalk injunes wib', wank b'an li tz'aqal kitaqlank chaq we, a' li ink'a' nekenaw ru laa'ex.

San Juan 7:28 ပူးပေါင်းရင်းမြစ်များ

San Juan 8:42

Li Jesús quixye reheb: —Cui ta ya̱l nak li Dios e̱yucuaꞌ, niquine̱ra raj la̱in xban nak riqꞌuin li Dios quinchal chak. Cuanquin arin saꞌ e̱ya̱nk. Incꞌaꞌ quintakla chak cuib injunes. Aꞌ li Dios, aꞌan li quitaklan chak cue.

San Juan 8:19

Eb laj fariseo queꞌchakꞌoc ut queꞌxye re: —¿Ani la̱ yucuaꞌ? chanqueb re. Li Jesús quixye reheb: —La̱ex incꞌaꞌ nequenau ani lin Yucuaꞌ xban nak incꞌaꞌ nequenau cuu la̱in. Cui ta nequenau cuu la̱in, nequenau aj raj cuiꞌ ru lin Yucuaꞌ, chan reheb.

San Juan 8:26

Nabal li cꞌaꞌak re ru naru tinye raj e̱re re xrakbal a̱tin saꞌ e̱be̱n. Li ani quitaklan chak cue, aꞌan ti̱c xchꞌo̱l ut naxye li ya̱l. Li cꞌaꞌru xcꞌut chicuu li quitaklan chak cue, aꞌan li ninye e̱re la̱ex li cuanquex saꞌ ruchichꞌochꞌ, chan.

San Juan 8:14

Li Jesús quixye reheb: —Cuan xcuanquil li ninye usta yo̱quin chi a̱tinac chicuix la̱in xban nak tzꞌakal ya̱l li ninye. La̱ex incꞌaꞌ nequenau bar xinchal chak, chi moco nequenau bar tinxic. Caꞌaj cuiꞌ la̱in ninnaꞌoc re bar xinchal chak ut bar tinxic.

Jeremías 9:6

Cꞌajoꞌ li rahobtesi̱c nequeꞌxba̱nu. Xban nak xnumta li balakꞌic nequeꞌxba̱nu, joꞌcan nak incꞌaꞌ chic nequeꞌraj xpa̱banquil nak la̱in li Dios.—

San Juan 17:3

Li junelic yuꞌam, aꞌan nak teꞌxnau a̱cuu la̱at li junajat chi tzꞌakal Dios ut teꞌxnau ajcuiꞌ cuu la̱in li Jesucristo li quina̱takla chak.

San Juan 12:49

Li cꞌaꞌru yo̱quin chixyebal, aꞌan tzꞌakal ya̱l xban nak moco injunes ta yo̱quin chi a̱tinac. Li Yucuaꞌbej li quitaklan chak cue, aꞌan li nayehoc cue cꞌaꞌru tinye.

San Juan 5:43

La̱in xinchal saꞌ xcꞌabaꞌ lin Yucuaꞌ. Abanan incꞌaꞌ xeraj incꞌulbal. Cui ut ani ta chic junak ta̱cha̱lk yal naxtakla chak rib xjunes, la̱ex te̱cꞌul raj aꞌan.

San Mateo 11:27

Ut quixye reheb li tenamit: —Chixjunil li cꞌaꞌak re ru xkꞌaxtesi saꞌ cuukꞌ lin Yucuaꞌ. Ma̱ ani nanaꞌoc cuu la̱in li Cꞌajolbej, caꞌaj cuiꞌ li Acuabej Dios. Ma̱ ani nanaꞌoc ru li Acuabej Dios, caꞌaj cuiꞌ la̱in li Cꞌajolbej. Ut ta̱naꞌekꞌ ajcuiꞌ ru xbaneb li ani tincꞌut cuiꞌ lix ya̱lal, la̱in li Cꞌajolbej.

1 Juan 5:10

Li ani napa̱ban re li Ralal li Dios, aꞌan naxnau tzꞌakal lix ya̱lal. Aꞌut li incꞌaꞌ napa̱ban re li Dios, naxqꞌue li Dios chokꞌ aj ticꞌtiꞌ xban nak incꞌaꞌ naxpa̱b lix ya̱lal li quixchꞌolob li Dios nak quixye re li Jesús: La̱at li cualal, chan.

Hebreos 6:18

Joꞌcan utan nak li cuib chi naꞌleb aꞌin incꞌaꞌ naru xjalbal ru. Aꞌaneb aꞌin: xbe̱n, nak li Dios quixyechiꞌi li ma̱tan; ut xcab, nak quixba̱nu li juramento. Riqꞌuin aꞌan nakanau nak li Dios incꞌaꞌ naticꞌtiꞌic. Joꞌcan nak cauhak taxak li kachꞌo̱l. La̱o xkasicꞌ li kacolbal riqꞌuin li Dios ut nakanau nak take̱chani li quixyechiꞌi ke. Aꞌan li nakayoꞌoni.

Tito 1:2

Ninchꞌolob lix ya̱lal aꞌin chiruheb re nak teꞌpa̱ba̱nk ut teꞌxyoꞌoni li junelic yuꞌam. Najter kꞌe cutan li Dios quixyechiꞌi chak li junelic yuꞌam. Li Dios incꞌaꞌ naticꞌtiꞌic.

2 Corintios 4:6

Nak toj kꞌojyi̱n chak ru li ruchichꞌochꞌ, li Dios quixye, “Chicua̱nk li cutan re xcutanobresinquil ru li ruchichꞌochꞌ.” Ut aꞌan ajcuiꞌ li nacutanobresin re li kacꞌaꞌux re nak naru takanau chanru lix lokꞌal li Dios. Ut li Jesucristo naxcꞌut chiku lix lokꞌal li Dios.

2 Corintios 1:18

Li Dios naxnau nak incꞌaꞌ yo̱quin chixyebal e̱re us cui nacuecꞌa nak incꞌaꞌ ta̱ru̱k tinba̱nu.

Romanos 3:4

¡Ma̱ jokꞌe biꞌan! Li Dios ya̱l naa̱tinac usta chixjunileb li cristian aj ticꞌtiꞌeb. Joꞌ tzꞌi̱banbil saꞌ li Santil Hu li quixye laj David re li Dios. Quixye chi joꞌcaꞌin: Junelic ya̱l nacat-a̱tinac. Usta nacateꞌxkꞌaba, aban ma̱cꞌaꞌ a̱ma̱c.

Romanos 1:28

Xban nak incꞌaꞌ nequeꞌxcꞌoxla li Dios, joꞌcan nak queꞌtzꞌekta̱na̱c xban li Dios saꞌ li tzꞌekbe̱tal aj naꞌleb chixba̱nunquil li moco uxc ta naraj.

Hechos 17:23

Nak yo̱quin chi be̱c saꞌ le̱ tenamit xebinqꞌue retal li cꞌaꞌru nequelokꞌoni ut xintau ajcuiꞌ jun li artal tzꞌi̱banbil chiru “Re li Dios li Incꞌaꞌ Naubil Ru”. Li Dios li nequelokꞌoni la̱ex chi incꞌaꞌ nequenau ru, aꞌan ajcuiꞌ li yo̱quin chixchꞌolobanquil xya̱lal che̱ru.

San Juan 17:25

At inYucuaꞌ, la̱at ti̱c a̱chꞌo̱l. Eb li incꞌaꞌ nequeꞌpa̱ban incꞌaꞌ nequeꞌxnau a̱cuu. Abanan la̱in ninnau a̱cuu ut eb lin tzolom nequeꞌxnau chic nak la̱at xattaklan chak cue.

San Juan 16:3

Teꞌxba̱nu li raylal aꞌin e̱re xban nak incꞌaꞌ nequeꞌxnau ru lin Yucuaꞌ chi moco nequeꞌxnau cuu la̱in.

San Juan 14:31

La̱in yo̱quin chixba̱nunquil chixjunil li quixye cue lin Yucuaꞌ re nak chixjunileb li cuanqueb saꞌ ruchichꞌochꞌ teꞌxqꞌue retal nak la̱in ninra li Yucuaꞌbej. Anakcuan yoꞌkeb. E̱lko saꞌ li naꞌajej aꞌin, chan li Jesús.

San Juan 14:10

Felipe, ¿ma incꞌaꞌ nacapa̱b nak la̱in ut li Yucuaꞌbej junaj ku chi kibil kib? Li cꞌaꞌru xinye e̱re moco yal injunes ta xinye. Li Yucuaꞌbej cuan cuiqꞌuin, ut aꞌan nacꞌutuc chicuu li cꞌaꞌru ninba̱nu.

San Juan 10:36

Li Acuabej Dios xsicꞌoc cuu ut xinixtakla chak saꞌ ruchichꞌochꞌ. ¿Cꞌaꞌut nak nequeye la̱ex nak yo̱quin chixmajecuanquil li Dios riqꞌuin nak ninye nak la̱in li Ralal?

San Juan 8:16

Abanan cui tinrakok a̱tin, tinba̱nu saꞌ ti̱quilal xban nak incꞌaꞌ ninrakoc a̱tin injunes. Ninba̱nu ban joꞌ naraj lin Yucuaꞌ li quitaklan chak cue.

San Juan 5:32

Abanan cuan jun chic li naxchꞌolob xya̱lal che̱ru anihin tzꞌakal la̱in ut la̱in ninnau nak ya̱l li yo̱ chixyebal chicuix.

San Juan 3:33

Abanan li ani naxpa̱b li cꞌaꞌru naxye, riqꞌuin aꞌan naxcꞌut nak naxpa̱b nak tzꞌakal ya̱l li cꞌaꞌru yebil xban li Dios.

San Juan 3:2

Saꞌ jun li kꞌojyi̱n laj Nicodemo quicuulac chi a̱tinac riqꞌuin li Jesús ut quixye re: —At tzolonel, la̱o nakanau nak riqꞌuin li Dios chalenakat chak chokꞌ aj tzolol ke xban nak ma̱ ani ta̱ru̱k tixba̱nu li milagros li nacaba̱nu la̱at cui ta ma̱cuaꞌ riqꞌuin xcuanquil li Dios, chan.

San Juan 1:46

Laj Natanael quixye re: —¿Ma cuan ta biꞌ junak cha̱bil ta̱cha̱lk chak Nazaret? chan. Ut laj Felipe quixye re: —Yoꞌo rilbal re nak ta̱pa̱b, chan.

San Lucas 10:22

Ut quixye reheb li cuanqueb aran: —Chixjunil li cꞌaꞌak re ru xkꞌaxtesi saꞌ cuukꞌ lin Yucuaꞌ. Ma̱ ani nanaꞌoc cuu la̱in li Cꞌajolbej, caꞌaj cuiꞌ li Acuabej Dios. Ma̱ ani nanaꞌoc ru li Acuabej Dios, caꞌaj cuiꞌ la̱in li Cꞌajolbej. Ut ta̱naꞌekꞌ ajcuiꞌ ru xbaneb li ani tincꞌut cuiꞌ lix ya̱lal, chan li Jesús.

San Lucas 2:51

Li Jesús quisukꞌi Jerusalén rochbeneb lix naꞌ xyucuaꞌ ut na-abin chiruheb. Ut lix naꞌ quixcꞌu̱la saꞌ xchꞌo̱l chixjunil li quicꞌulman.

San Lucas 2:39

Nak ac queꞌxba̱nu chixjunil li naxye saꞌ li chakꞌrab li quixqꞌue li Ka̱cuaꞌ, laj José ut lix María queꞌsukꞌi saꞌ li tenamit Nazaret li cuan saꞌ xcue̱nt Galilea.

San Lucas 2:11

Anakcuan xyoꞌla jun laj Colol e̱re saꞌ lix tenamit laj David ut aꞌan li Cristo li Ka̱cuaꞌ li yechiꞌinbil xban li Dios.

San Lucas 2:4

Laj José qui-el saꞌ li tenamit Nazaret li cuan saꞌ xcue̱nt Galilea ut co̱ Belén li cuan xcue̱nt Judea. Aꞌan xtenamit li rey David. Aran co̱ xban nak aꞌan xcomoneb li ralal xcꞌajol laj David.

San Mateo 2:23

Queꞌchal ut queꞌcuan saꞌ jun li tenamit Nazaret xcꞌabaꞌ xcue̱nt Galilea. Aꞌin quicꞌulman joꞌ queꞌxye li profeta nak queꞌxye nak aj Nazaret tixcꞌabaꞌin.

Oseas 5:4

Xban le̱ ma̱usilal incꞌaꞌ chic nequecꞌoxla sukꞌi̱c cuiqꞌuin la̱in le̱ Dios. Nequeqꞌue ban e̱chꞌo̱l chixlokꞌoninquil li yi̱banquil dios. Joꞌcan nak incꞌaꞌ naru te̱nau cuu nak la̱in li Ka̱cuaꞌ.

Oseas 4:1

Abihomak ra̱tin li Ka̱cuaꞌ, ex ralal xcꞌajol laj Israel, xban nak yo̱ xjoskꞌil saꞌ e̱be̱n la̱ex li cuanquex saꞌ li naꞌajej aꞌin. Joꞌcaꞌin yo̱ chixyebal li Ka̱cuaꞌ Dios: —Ma̱ ani ti̱c xchꞌo̱l ut ma̱ ani na-uxta̱nan u ut ma̱ ani naqꞌuehoc retal nak La̱in li Ka̱cuaꞌ Dios.

Jeremías 31:34

Moco tento ta nak toj teꞌxye re li ras ri̱tzꞌin “¿Ma nacanau ani li tzꞌakal Dios?” xban nak chixjunileb, joꞌ cocꞌ joꞌ ni̱nk, teꞌxnau nak la̱in li Ka̱cuaꞌ Dios. Ut la̱in tincuyeb tinsacheb lix ma̱queb ut incꞌaꞌ chic ta̱nak saꞌ inchꞌo̱l lix ma̱usilaleb, chan li Ka̱cuaꞌ.

Salmos 9:10

Li ac xeꞌpa̱ban cha̱cuu, cauheb xchꞌo̱l a̱cuiqꞌuin. La̱at, at Ka̱cuaꞌ, incꞌaꞌ nacatzꞌekta̱na li ani naxtzꞌa̱ma xtenkꞌanquil a̱cue.

1 Samuel 2:12

Eb li ralal laj Elí incꞌaꞌ useb xnaꞌleb ut incꞌaꞌ queꞌxqꞌue xlokꞌal li Ka̱cuaꞌ Dios.

San Juan 7:14

Nak ac yo̱ li ninkꞌe li Jesús co̱ saꞌ li templo ut qui-oc chixchꞌolobanquil lix ya̱lal chiruheb li cuanqueb aran.

San Mateo 26:55

Ut saꞌ li ho̱nal aꞌan li Jesús quixye reheb li qꞌuila tenamit, —¿Ma la̱in ta biꞌ aj e̱lkꞌ nak xexchal chinchapbal riqꞌuin cheꞌ ut riqꞌuin chꞌi̱chꞌ? Rajlal cutan nincꞌojla saꞌ e̱ya̱nk che̱tzolbal saꞌ li rochoch li Dios ut incꞌaꞌ quine̱chap aran.

San Juan 6:42

Queꞌxye chi ribileb rib: —¿Ma ma̱cuaꞌ ta biꞌ aꞌin li Jesús li ralal laj José? La̱o nakanau ruheb lix naꞌ xyucuaꞌ. ¿Cꞌaꞌut nak naxye nak saꞌ choxa xchal chak? chanqueb.

San Juan 9:29

—La̱o nakanau nak li Dios quia̱tinac riqꞌuin laj Moisés; abanan li cui̱nk aꞌan incꞌaꞌ nakanau bar xchal chak, chanqueb.