San Juan 7:19 - Li Santil hu

¹⁹ ¿Ma incꞌaꞌ ta biꞌ quixqꞌue e̱re li chakꞌrab laj Moisés? ¿Cꞌaꞌut nak ma̱ jun saꞌ e̱ya̱nk naxba̱nu chi tzꞌakal li cꞌaꞌru naxye li chakꞌrab? Ut, ¿cꞌaꞌut nak te̱raj incamsinquil? chan li Jesús.

Q'eqchi Bible

¹⁹ “Ma maawa' tab'i' laj Moisés li kik'ehok eere li Chaq'rab'? Ut maajun eere napaab'ank re li Chaq'rab'. K'a'ut naq teeraj inkamsinkil?”.

San Juan 7:19 ပူးပေါင်းရင်းမြစ်များ

San Juan 1:17

Li Dios quixqꞌue li chakꞌrab re laj Moisés re nak tixcꞌut chiku. Aban lix ya̱lal chirix li Dios ut li rusilal quixcꞌutbesi chiku li Jesucristo.

San Juan 11:53

Ut chalen saꞌ li cutan aꞌan, eb li nequeꞌtaklan saꞌ xya̱nkeb laj judío queꞌoc xcꞌu̱banquil ru saꞌ comonil chanru nak teꞌxcamsi li Jesús.

San Juan 7:1

Chirix chic aꞌan, li Jesús yo̱ chixbeninquileb li naꞌajej li cuanqueb Galilea. Incꞌaꞌ quiraj xic Judea xban nak eb li nequeꞌtaklan saꞌ xya̱nkeb laj judío teꞌraj xcamsinquil.

San Mateo 12:14

Ut eb laj fariseo queꞌel aran ut queꞌoc chixcꞌu̱banquil chanru nak teꞌxcamsi li Jesús.

Gálatas 6:13

Ma̱ jun reheb li nequeꞌcꞌuluc re li circuncisión nequeꞌxba̱nu ta chi tzꞌakal li naxye saꞌ li najter chakꞌrab. Abanan eb aꞌan teꞌraj nak la̱ex te̱cꞌul li circuncisión ut nequeꞌxmin e̱ru chixcꞌulbal. Cui te̱ba̱nu li cꞌaꞌru nequeꞌxye, teꞌxnimobresi ribeb xban nak teꞌxcꞌoxla nak cuan xcuanquileb saꞌ e̱be̱n.

Deuteronomio 33:4

La̱in laj Moisés quinqꞌue e̱re lix chakꞌrab li Dios, li kꞌaxal lokꞌ chiku la̱o li ralal xcꞌajol laj Jacob.

Deuteronomio 1:17

Incꞌaꞌ te̱sicꞌ ru li ani te̱col rix. Texrakok ban a̱tin saꞌ ti̱quilal saꞌ xbe̱neb li ma̱cꞌaꞌeb xcuanquil joꞌ eb ajcuiꞌ li cuanqueb xcuanquil. Ma̱ ani te̱xucua ru xban nak li tzꞌakal aj rakol a̱tin, aꞌan li Dios. Cui kꞌaxal nim li chꞌaꞌajquilal ut incꞌaꞌ texru̱k chixyi̱banquil, te̱cꞌameb chak cuiqꞌuin ut la̱in tinrakok a̱tin saꞌ xbe̱neb,” chanquin reheb.

Gálatas 3:19

¿Cꞌaꞌru aj e nak quiqꞌueheꞌ li chakꞌrab? Aꞌan quiqꞌueheꞌ re nak tixcꞌut chiruheb li tenamit nak aꞌaneb aj kꞌetol chakꞌrab. Ut li chakꞌrab aꞌan quicuan xcuanquil toj quicꞌulun li Jesucristo li quiyoꞌla saꞌ xya̱nkeb li ralal xcꞌajol laj Abraham, li yechiꞌinbil xban li Dios. Eb li ángel queꞌcꞌanjelac chiru li Dios nak queꞌxye li chakꞌrab re laj Moisés; ut laj Moisés, aꞌan li quiyehoc re chiruheb li tenamit.

Hechos 7:38

Aꞌan li quicuan rochbeneb laj Israel nak queꞌxchꞌutub ribeb saꞌ li chaki chꞌochꞌ. Quicuan rochbeneb li kaxeꞌto̱nil yucuaꞌ ut rochben ajcuiꞌ li ángel li quia̱tinac riqꞌuin saꞌ li tzu̱l Sinaí nak quixye re li ra̱tin li Dios li naqꞌuehoc yuꞌam re nak aꞌan chic ta̱yehok ke la̱o.

San Juan 10:39

Ut queꞌxyal cuiꞌchic xchapbal, abanan li Jesús qui-el chiruheb.

San Juan 7:25

Cuanqueb aj Jerusalén queꞌxye: —¿Ma ma̱cuaꞌ ta biꞌ aꞌin li cui̱nk li teꞌraj xcamsinquil eb li nequeꞌtaklan saꞌ kaya̱nk la̱o aj judío?

San Juan 5:45

Me̱cꞌoxla nak la̱in tinjitok e̱re chiru lin Yucuaꞌ. Cuan jun li ta̱jitok e̱re. Aꞌan li chakꞌrab li quiqꞌueheꞌ re laj Moisés li cꞌojcꞌo cuiꞌ e̱chꞌo̱l.

San Juan 5:18

Kꞌaxal cuiꞌchic queꞌjoskꞌoꞌ laj judío riqꞌuin aꞌin. Joꞌcan nak queꞌraj xcamsinquil xban nak moco caꞌaj ta cuiꞌ naxkꞌet lix chakꞌrabeb nak naqꞌuirtesin chiru li hiloba̱l cutan; riqꞌuin aj ban cuiꞌ nak naxjuntakꞌe̱ta rib riqꞌuin li Dios nak naxye nak li Dios, aꞌan lix Yucuaꞌ.

San Juan 5:16

Eb li nequeꞌtaklan saꞌ xya̱nkeb laj judío xicꞌ queꞌril li Jesús xban nak naqꞌuirtesin saꞌ li hiloba̱l cutan. Ut queꞌraj xcamsinquil.

San Marcos 3:6

Tojoꞌnak eb laj fariseo queꞌel riqꞌuin li Jesús. Queꞌco̱eb riqꞌuineb li nequeꞌoquen chirix laj Herodes. Ut queꞌoc xcꞌu̱banquil chanru nak teꞌxcamsi li Jesús.

San Marcos 3:4

Tojoꞌnak li Jesús quixpatzꞌ reheb laj fariseo: —¿Cꞌaꞌru us xba̱nunquil saꞌ li hiloba̱l cutan? ¿Ma naru xba̱nunquil li us malaj ut li incꞌaꞌ us? ¿Ma us xcolbal xyuꞌam junak malaj ut xsachbal? chan cuiꞌchic reheb. Ut eb aꞌan mem queꞌcana. Incꞌaꞌ chic queꞌxtau cꞌaꞌru queꞌxye.

San Mateo 21:38

Ut nak queꞌril li ralal, eb laj ilol re li acui̱mk queꞌxye chi ribileb rib, “Aꞌan li ralal li ta̱e̱chani̱nk re li naꞌajej. Kachapak ut kacamsihak, ut la̱o chic toe̱chani̱nk re.”

San Marcos 11:18

Eb li xbe̱nil aj tij ut eb laj tzꞌi̱b nak queꞌrabi aꞌan queꞌoc chixcꞌu̱banquil chanru nak teꞌxcamsi li Jesús. Cꞌajoꞌ nak queꞌxucuac xban nak queꞌril nak sachso̱queb xchꞌo̱l li qꞌuila tenamit chirabinquil li tijleb li yo̱ chixyebal li Jesús.