San Juan 7:12 - Li Santil hu

¹² Nabaleb li cuanqueb aran yo̱queb chixcuechꞌinquil rib chirix li Jesús. Cuan yo̱queb chi yehoc re: —Cha̱bil cui̱nk aꞌan, chanqueb. Ut cuan cuiꞌchic yo̱queb chi yehoc: —Incꞌaꞌ. Li cui̱nk aꞌan naxbalakꞌiheb li tenamit, chanqueb.

Q'eqchi Bible

¹² Ut q'axal neke'hashotk eb' li poyanam chirix a'an. Wan te'yehoq: “Chaab'il winq a'an”. Wankeb' chik neke'xye: “Ink'a', naxb'alaq'iheb' b'an li tenamit”.

San Juan 7:12 ပူးပေါင်းရင်းမြစ်များ

San Juan 9:16

Cuanqueb laj fariseo queꞌxye: —Li cui̱nk aꞌan, li Jesús xcꞌabaꞌ, moco taklanbil ta chak xban li Dios xban nak incꞌaꞌ naxqꞌue xlokꞌal li hiloba̱l cutan, chanqueb. Ut cuanqueb cuiꞌchic queꞌyehoc re: —¿Chanru nak tixba̱nu li milagro junak cui̱nk aj ma̱c? chanqueb. Xban nak jalan jala̱nk nequeꞌxcꞌoxla chirix li Jesús, incꞌaꞌ chic junajeb xchꞌo̱leb.

San Juan 7:47

Ut eb laj fariseo queꞌxye reheb: —¿Ma xeqꞌue ajcuiꞌ e̱rib la̱ex chixbalakꞌi li cui̱nk aꞌan?

San Juan 7:32

Eb laj fariseo queꞌrabi li yo̱queb chixyebal chirix li Jesús. Joꞌcan nak eb aꞌan, rochbeneb li xbe̱nil aj tij, queꞌxtakla li nequeꞌcꞌacꞌalen saꞌ li templo chixchapbal li Jesús re teꞌxqꞌue saꞌ tzꞌalam.

Filipenses 2:14

Me̱choki e̱rib ut me̱cuechꞌi e̱rib. Cheba̱nuhak ban chixjunil saꞌ xya̱lal.

Romanos 5:7

Moco yalak ani ta tixqꞌue rib chi ca̱mc saꞌ xcꞌabaꞌ junak ras ri̱tzꞌin usta cha̱bil li ras ri̱tzꞌin chiru. Abanan cui kꞌaxal ti̱c xchꞌo̱l li ras ri̱tzꞌin, ma̱re cuan ajcuiꞌ junak tixqꞌue rib chi ca̱mc saꞌ xcꞌabaꞌ aꞌan.

Hechos 11:24

Laj Bernabé, aꞌan jun cui̱nk cha̱bil ut cuan xpa̱ba̱l. Nujenak chi Santil Musikꞌej. Ut chiru aꞌan nabaleb queꞌxpa̱b li Ka̱cuaꞌ.

San Juan 7:52

Queꞌchakꞌoc ut queꞌxye re: —¿Ma la̱at ajcuiꞌ aj Galilea la̱at? Tzol a̱cuib chi us saꞌ li Santil Hu re ta̱qꞌue retal nak ma̱ jun profeta chalenak chak Galilea, chanqueb.

San Juan 6:14

Nak queꞌril li milagro li quixba̱nu li Jesús, eb li cuanqueb aran queꞌxye: —Relic chi ya̱l li cui̱nk aꞌin, aꞌan li profeta li quiyeheꞌ chak resil junxil nak ta̱cha̱lk saꞌ ruchichꞌochꞌ, chanqueb.

San Lucas 23:50

Quicuan jun li cui̱nk aj José xcꞌabaꞌ. Arimatea xtenamit li cuan saꞌ xcue̱nt Judea. Laj José, aꞌan jun xcomoneb li nequeꞌtaklan saꞌ xbe̱neb laj judío. Ti̱c xchꞌo̱l ut cha̱bil.

San Lucas 23:47

Li capitán aj Roma quixqꞌue retal li quicꞌulman. Quixlokꞌoni li Dios ut quixye: —Relic chi ya̱l nak li cui̱nk aꞌin ti̱c xchꞌo̱l, chan.

San Lucas 18:19

Li Jesús quixye re: —¿Cꞌaꞌut nak nacaye cha̱bil cue cui incꞌaꞌ nacanau anihin la̱in? Jun ajcuiꞌ li cha̱bil ut aꞌan li Dios.

San Lucas 7:16

Nak queꞌril li cꞌaꞌru quicꞌulman chixjunileb li cuanqueb aran, cꞌajoꞌ nak queꞌxucuac ut queꞌoc chixqꞌuebal xlokꞌal li Dios. Ut queꞌxye: —Jun xnimal ru profeta xcꞌulun saꞌ kaya̱nk.— Ut queꞌxye ajcuiꞌ: —Li Dios xchal chixtenkꞌanquil lix tenamit, chanqueb.

San Lucas 6:45

Joꞌcan ajcuiꞌ riqꞌuin li cristian. Li ani cha̱bil, cha̱bil ajcuiꞌ lix yehom xba̱nuhom xban nak cuan li cha̱bilal riqꞌuin. Ut li ani incꞌaꞌ cha̱bil, incꞌaꞌ cha̱bil lix yehom xba̱nuhom xban nak ma̱cꞌaꞌ li cha̱bilal riqꞌuin. Riqꞌuin li ra̱tin li junju̱nk nacꞌutun chanru li ra̱m.

San Mateo 27:63

Ut queꞌxye re: —Ka̱cuaꞌ, xjulticoꞌ ke li a̱tin quixye laj balakꞌ nak toj yoꞌyo̱k. Quixye nak saꞌ rox li cutan ta̱cuacli̱k cuiꞌchic chi yoꞌyo.

San Mateo 21:46

Ut queꞌxcꞌoxla raj xchapbal li Jesús, abanan queꞌxucuac xbaneb li qꞌuila tenamit xban nak profeta nak cuan chiruheb.

San Mateo 10:25

Chicꞌojla̱k xchꞌo̱l li yo̱ chi tzoloc nak ta̱cuulak joꞌ laj tzolol re, ut li mo̱s joꞌcak lix patrón. Cui aj tza nayeheꞌ re laj e̱chal cab, ¿ma tojaꞌ ta chic incꞌaꞌ teꞌyehekꞌ aj tza reheb li ralal xcꞌajol?