San Juan 6:71 - Li Santil hu

⁷¹ Yo̱ chi a̱tinac chirix laj Judas Iscariote, li ralal laj Simón. Usta aꞌan jun reheb li cablaju, mokon laj Judas Iscariote quixkꞌaxtesi li Jesús saꞌ rukꞌeb li xicꞌ nequeꞌiloc re.

Q'eqchi Bible

⁷¹ A' laj Judas, ralal laj Simón Iskariote, yo chi xyeeb'al xb'aan naq a'an taaq'axtesinq re, ut a'an jun reheb' li Kab'laju!

San Juan 6:71 ပူးပေါင်းရင်းမြစ်များ

San Judas 1:4

Nintzꞌi̱ba li hu aꞌin xban nak cuanqueb aj balakꞌ queꞌxchꞌic rib saꞌ e̱ya̱nk chi mukmu. Eb aꞌan nequeꞌxye nak laj pa̱banel naru teꞌxba̱nu yalak cꞌaꞌru chi ma̱usilal ut xban li rusilal li kaDios, ma̱cꞌaꞌ teꞌxcꞌul. Nequeꞌxsach xcuanquil li Ka̱cuaꞌ Jesucristo, laj e̱chal ke. Eb aꞌan aj kꞌetoleb ra̱tin li Dios ut chalen chak junxil cutan ac xakabanbil chak li rakba a̱tin saꞌ xbe̱neb.

Hechos 2:23

Li Jesús quikꞌaxtesi̱c saꞌ e̱rukꞌ la̱ex xban nak ac joꞌcan chak saꞌ xchꞌo̱l li Dios nak joꞌcan tixcꞌul. Ut la̱ex quechap ut quekꞌaxtesi saꞌ rukꞌeb li cui̱nk li incꞌaꞌ useb xnaꞌleb. Ut eb aꞌan queꞌxcamsi chiru cruz.

San Juan 13:26

Li Jesús quixye re: —Li ani tinqꞌue cuiꞌ li caxlan cua aꞌin nak acak xintzꞌa saꞌ li secꞌ, aꞌan li cui̱nk li ta̱kꞌaxtesi̱nk cue saꞌ rukꞌeb li xicꞌ nequeꞌiloc cue, chan. Ut li Jesús quixtzꞌa li caxlan cua saꞌ li secꞌ ut quixqꞌue re laj Judas li ralal laj Simón Iscariote.

Salmos 41:9

Li tzꞌakal cuami̱g xinixtzꞌekta̱na ajcuiꞌ, li tzꞌakal cuami̱g li cꞌojcꞌo raj inchꞌo̱l riqꞌuin. Xinixtzꞌekta̱na li cuami̱g li quicuaꞌac cuochben.

San Mateo 10:2

Aꞌan aꞌin lix cꞌabaꞌeb lix tzolom cablaju, li quixxakab chokꞌ x-apóstol: li xbe̱n, aꞌan laj Simón, Pedro nayeman re; ut laj Andrés li ri̱tzꞌin; laj Jacobo ut laj Juan li ri̱tzꞌin. Laj Zebedeo, aꞌan lix yucuaꞌeb;

San Mateo 10:4

laj Simón aj Canaán, ut laj Judas Iscariote, aꞌ li quikꞌaxtesin re li Jesús saꞌ rukꞌeb li xicꞌ nequeꞌiloc re.

San Marcos 14:10

Ut laj Judas Iscariote, xcomoneb li cablaju, co̱ riqꞌuineb lix be̱nil aj tij chixyebal reheb nak tixkꞌaxtesi li Jesús saꞌ rukꞌeb.

San Juan 2:2

Ut quibokeꞌ saꞌ li sumla̱c li Jesús rochbeneb lix tzolom.

San Juan 6:64

Abanan toj cuanqueb ajcuiꞌ saꞌ e̱ya̱nk li incꞌaꞌ nequeꞌpa̱ban, chan li Jesús. Chalen saꞌ xticlajic li Jesús quixnau aniheb li incꞌaꞌ teꞌpa̱ba̱nk re. Ut quixnau ajcuiꞌ ani li ta̱kꞌaxtesi̱nk re saꞌ rukꞌeb li xicꞌ queꞌiloc re.

San Juan 6:70

Quixye li Jesús: —¿Ma ma̱cuaꞌ ta biꞌ la̱in xinsicꞌoc e̱ru la̱ex li cablaju? La̱in xinsicꞌoc e̱ru ut jun saꞌ e̱ya̱nk xkꞌaxtesi rib re laj tza, chan.

San Juan 12:4

Laj Judas Iscariote li ralal laj Simón, aꞌan jun reheb lix tzolom. Aꞌan li ta̱kꞌaxtesi̱nk re li Jesús saꞌ rukꞌeb li xicꞌ nequeꞌiloc re.

San Juan 13:2

Li Jesús yo̱ chi cuaꞌac rochbeneb lix tzolom. Laj tza ac xqꞌue saꞌ xchꞌo̱l laj Judas li ralal laj Simón Iscariote nak tixkꞌaxtesi li Jesús saꞌ rukꞌeb li xicꞌ nequeꞌiloc re.

San Juan 20:24

Laj Tomás, aꞌan jun reheb lix tzolom cablaju, li nequeꞌxye ajcuiꞌ lut re. Aꞌan ma̱ ani saꞌ xya̱nkeb nak quixcꞌutbesi rib li Jesús chiruheb.