San Juan 6:70 - Li Santil hu

⁷⁰ Quixye li Jesús: —¿Ma ma̱cuaꞌ ta biꞌ la̱in xinsicꞌoc e̱ru la̱ex li cablaju? La̱in xinsicꞌoc e̱ru ut jun saꞌ e̱ya̱nk xkꞌaxtesi rib re laj tza, chan.

Q'eqchi Bible

⁷⁰ Li Jesus kixsumeheb': —Ma ink'a' tab'i' laa'in xinsik'ok eeru laa'ex li Kab'laju? Ut jun eere laa'ex, a'an aj tza.

San Juan 6:70 ပူးပေါင်းရင်းမြစ်များ

San Juan 13:27

Ut laj Judas quixcꞌul li caxlan cua ut saꞌ ajcuiꞌ li ho̱nal aꞌan quixkꞌaxtesi rib chixba̱nunquil li cꞌaꞌru naraj laj tza. Ut li Jesús quixye re: —Li cꞌaꞌru yo̱cat chixcꞌoxlanquil xba̱nunquil, ba̱nu chi junpa̱t, chan.

San Juan 13:2

Li Jesús yo̱ chi cuaꞌac rochbeneb lix tzolom. Laj tza ac xqꞌue saꞌ xchꞌo̱l laj Judas li ralal laj Simón Iscariote nak tixkꞌaxtesi li Jesús saꞌ rukꞌeb li xicꞌ nequeꞌiloc re.

San Juan 17:12

Nak cuanquin saꞌ xya̱nkeb, riqꞌuin xnimal la̱ cuanquil xincuileb lin tzolom li xakꞌaxtesiheb cue ut ma̱ jun xsach chicuu. Caꞌaj cuiꞌ li jun xsach li ac qꞌuebil chak re sachc. Aꞌin xcꞌulman re nak ta̱tzꞌaklok ru li tzꞌi̱banbil saꞌ li Santil Hu.

San Juan 13:18

Incꞌaꞌ yo̱quin chi a̱tinac che̱rix che̱junilex. La̱in ninnau chanru le̱ naꞌleb xban nak la̱in xinsicꞌoc e̱ru. Abanan tento nak ta̱tzꞌaklok ru li tzꞌi̱banbil saꞌ li Santil Hu li naxye chi joꞌcaꞌin: Li jun li nacuaꞌac cuochben, aꞌan li ta̱tzꞌekta̱na̱nk cue.

San Juan 6:64

Abanan toj cuanqueb ajcuiꞌ saꞌ e̱ya̱nk li incꞌaꞌ nequeꞌpa̱ban, chan li Jesús. Chalen saꞌ xticlajic li Jesús quixnau aniheb li incꞌaꞌ teꞌpa̱ba̱nk re. Ut quixnau ajcuiꞌ ani li ta̱kꞌaxtesi̱nk re saꞌ rukꞌeb li xicꞌ queꞌiloc re.

1 Juan 3:8

Li ani yo̱ chi ma̱cobc, aꞌan re laj tza xban nak laj tza aꞌan aj ma̱c chalen chak saꞌ xticlajic li ruchichꞌochꞌ. Aꞌan aj e nak col-e̱lk li Ralal li Dios re xsachbal xcꞌanjel laj tza.

1 Timoteo 3:11

Joꞌcan ajcuiꞌ li rixakileb li nequeꞌcꞌanjelac saꞌ xya̱nkeb laj pa̱banel. Cha̱bilakeb lix naꞌleb. Ma̱cuaꞌakeb aj molol a̱tin. Ma̱cuaꞌakeb aj calajenak. Ti̱cakeb ban xchꞌo̱l ut ti̱cakeb lix cꞌaꞌux riqꞌuin chixjunil.

Hechos 1:17

Laj Judas, aꞌan raj jun saꞌ kaya̱nk saꞌ li cꞌanjel aꞌin.

San Juan 15:19

Cui ta la̱ex incꞌaꞌ xine̱pa̱b la̱in, raro̱kex raj xbaneb li incꞌaꞌ nequeꞌpa̱ban. Abanan la̱ex ma̱cuaꞌex chic jun saꞌ xya̱nkeb xban nak la̱in xinsicꞌoc e̱ru. Joꞌcan nak xicꞌ nequex-ileꞌ xbaneb.

San Juan 15:16

Ma̱cuaꞌ la̱ex xexsicꞌoc cuu la̱in. La̱in ban xinsicꞌoc e̱ru la̱ex ut xexinxakab chixba̱nunquil li ti̱quilal. Le̱ ti̱quilal incꞌaꞌ ta̱osokꞌ. Ta̱cua̱nk ban chi junelic. Ut lin Yucuaꞌ tixqꞌue e̱re chixjunil li te̱tzꞌa̱ma saꞌ incꞌabaꞌ la̱in.

San Juan 13:21

Nak ac xye chixjunil li cꞌaꞌak re ru aꞌin, li Jesús quiyotꞌeꞌ xchꞌo̱l. Ut quixye chi tzꞌakal reheb: —Relic chi ya̱l ninye e̱re nak jun saꞌ e̱ya̱nk la̱ex ta̱kꞌaxtesi̱nk cue saꞌ rukꞌeb li xicꞌ nequeꞌiloc cue, chan.

San Juan 8:44

La̱ex ralal xcꞌajol laj tza. Aꞌan li nataklan saꞌ e̱be̱n. La̱ex nequeba̱nu li cꞌaꞌru naraj aꞌan xban nak cuanquex rubel xcuanquil. Aꞌan aj camsinel chalen saꞌ xticlajic. Incꞌaꞌ nacuulac chiru li ya̱l xban nak aꞌan aj ticꞌtiꞌ. Ac re nak naticꞌtiꞌic. Aꞌan li xyucuaꞌil li ticꞌtiꞌ.

Tito 2:3

Ut chaqꞌueheb ajcuiꞌ xnaꞌlebeb li che̱quel ixk. Chicꞌutu̱nk lix lokꞌaleb riqꞌuin lix ti̱quilal xchꞌo̱leb. Incꞌaꞌ teꞌxyoꞌob a̱tin chirixeb li ras ri̱tzꞌin ut incꞌaꞌ teꞌcala̱k. Aꞌanakeb ban chic aj cꞌamol be saꞌ li ti̱quilal.

Hechos 13:10

Ut quixye re: —La̱at chanchanat laj tza. La̱at aj ticꞌtiꞌ. Xicꞌ nacacuil li ti̱quilal. Junes balakꞌic ut ma̱usilal nacaba̱nu. La̱at nacapoꞌ ru li rusilal li Ka̱cuaꞌ.

San Juan 2:2

Ut quibokeꞌ saꞌ li sumla̱c li Jesús rochbeneb lix tzolom.

San Juan 6:67

Ut li Jesús quixye reheb lix tzolom cablaju: —¿Ma te̱raj ajcuiꞌ xic la̱ex? ¿Ma tine̱canab ajcuiꞌ la̱ex? chan reheb.

San Juan 6:71

Yo̱ chi a̱tinac chirix laj Judas Iscariote, li ralal laj Simón. Usta aꞌan jun reheb li cablaju, mokon laj Judas Iscariote quixkꞌaxtesi li Jesús saꞌ rukꞌeb li xicꞌ nequeꞌiloc re.

San Juan 20:24

Laj Tomás, aꞌan jun reheb lix tzolom cablaju, li nequeꞌxye ajcuiꞌ lut re. Aꞌan ma̱ ani saꞌ xya̱nkeb nak quixcꞌutbesi rib li Jesús chiruheb.