San Juan 6:57 - Li Santil hu

⁵⁷ Li yoꞌyo̱quil Dios, aꞌan li quitaklan chak cue. Joꞌ nak yoꞌyo chi junelic aꞌan, joꞌcan nak yoꞌyo̱quin ajcuiꞌ la̱in chi junelic. Joꞌcan ajcuiꞌ li ani naxtzaca lin tibel, li jun aꞌan ta̱cua̱nk xyuꞌam chi junelic saꞌ incꞌabaꞌ la̱in.

Q'eqchi Bible

⁵⁷ Jo' naq li yo'yookil Yuwa'b'ej kitaqlank chaq we ut laa'in yo'yookin sa' xk'ab'a' li Yuwa'b'ej, jo'kan ajwi' li taatzekanq we yo'yooq sa' ink'ab'a'.

San Juan 6:57 ပူးပေါင်းရင်းမြစ်များ

Gálatas 2:20

Li Jesucristo quicam chiru li cruz ut chanchan nak quinqꞌueheꞌ ajcuiꞌ la̱in cuochben. Ma̱cuaꞌ chic la̱in li yoꞌyo̱quin. Aꞌ chic li Cristo cuan cuiqꞌuin. Ut acꞌ chic lin yuꞌam xban nak xinpa̱b li Jesucristo li Ralal li Dios li quirahoc cue ut quixkꞌaxtesi rib chi ca̱mc saꞌ incꞌabaꞌ.

San Juan 5:26

Li Yucuaꞌbej cuan xcuanquil chi qꞌuehoc junelic yuꞌam ut aꞌan ajcuiꞌ quiqꞌuehoc cue la̱in li Cꞌajolbej lin cuanquil chi qꞌuehoc junelic yuꞌam.

San Juan 17:21

At inYucuaꞌ, li cꞌaꞌru nintzꞌa̱ma cha̱cuu, aꞌan nak junajak taxak ruheb. Cheꞌcua̱nk kiqꞌuin joꞌ nak cuanquin la̱in a̱cuiqꞌuin ut la̱at cuancat cuiqꞌuin. Junajak taxak ruheb re nak li cuanqueb saꞌ ruchichꞌochꞌ teꞌxpa̱b nak la̱at xattaklan chak cue.

1 Juan 4:9

Li Dios quixcꞌut chiku chanru nak nocoxra nak quixtakla chak lix junaj chi Alal saꞌ ruchichꞌochꞌ chi ca̱mc saꞌ kacꞌabaꞌ la̱o. Li Dios quixtakla chak li Ralal re nak ta̱cua̱nk kayuꞌam chi junelic.

San Juan 3:17

Li Dios incꞌaꞌ quixtakla chak li Ralal saꞌ ruchichꞌochꞌ chixtenebanquil li tojba ma̱c saꞌ xbe̱neb li cuanqueb saꞌ ruchichꞌochꞌ. Quixtakla ban chak re nak saꞌ xcꞌabaꞌ aꞌan teꞌcolekꞌ.

1 Ts 1:9

Yalak bar yo̱queb chixserakꞌinquil chanru nak coe̱cꞌul nak cocuulac e̱riqꞌuin ut yo̱queb chixserakꞌinquil chanru nak quecanab xlokꞌoninquil li yi̱banbil dios ut quepa̱b ut nequexcꞌanjelac chic chiru li tzꞌakal Dios, li yoꞌyo.

2 Corintios 13:4

Cubenak xcuanquil li Cristo nak quicamsi̱c chiru li cruz. Abanan quicuaclesi̱c cuiꞌchic saꞌ xya̱nkeb li camenak chi yoꞌyo xban xcuanquil li Dios. Joꞌ nak quixcubsi xcuanquil li Cristo, joꞌcan ajcuiꞌ takacubsi kacuanquil la̱o. Abanan yoꞌyo̱co xban xcuanquil li Dios ut qꞌuebil ke li kacuanquil xban li Dios re xkꞌusbaleb li nequeꞌxba̱nu li incꞌaꞌ us.

1 Corintios 15:22

Joꞌcan nak saꞌ xcꞌabaꞌ laj Adán li kaxeꞌto̱nil yucuaꞌ nak chikajunilo nococam. Ut saꞌ xcꞌabaꞌ li Jesucristo, chixjunileb li nequeꞌpa̱ban re teꞌcuacli̱k cuiꞌchic chi yoꞌyo ut teꞌqꞌuehekꞌ xyuꞌam chi junelic.

San Juan 14:19

Cuulac re xkꞌehil nak incꞌaꞌ chic teꞌril cuu li incꞌaꞌ nequeꞌpa̱ban cue. Abanan la̱ex te̱ril cuu. Ut xban nak yoꞌyo̱kin la̱in, yoꞌyo̱kex ajcuiꞌ la̱ex.

San Juan 14:6

Li Jesús quixye re: —La̱in aj cꞌamol be che̱ru. La̱in ninchꞌolob lix ya̱lal li Dios ut la̱in ninqꞌuehoc junelic yuꞌam. Ma̱ ani ta̱ru̱k ta̱oc riqꞌuin lin Yucuaꞌ cui incꞌaꞌ tinixpa̱b la̱in.

San Mateo 16:16

Quichakꞌoc laj Simón Pedro ut quixye: —La̱at li Cristo, li Ralal li yoꞌyo̱quil Dios.—

Jeremías 10:10

Abanan li Ka̱cuaꞌ, aꞌan li tzꞌakal Dios. Aꞌan li yoꞌyo̱quil Dios ut li tzꞌakal Rey chi junelic kꞌe cutan. Nak yo̱ xjoskꞌil li Ka̱cuaꞌ, li ruchichꞌochꞌ na-ecꞌan saꞌ xnaꞌaj. Ut eb li xni̱nkal ru tenamit incꞌaꞌ teꞌxcuy rilbal lix joskꞌil.

Salmos 18:46

Yoꞌyo li Ka̱cuaꞌ. Lokꞌoninbil taxak ru li Ka̱cuaꞌ. Aꞌan chanchan jun nimla sako̱nac bar nincol cuiꞌ cuib. Chinima̱k taxak xlokꞌal li Ka̱cuaꞌ laj Colol cue.

Hebreos 9:14

Cui lix quiqꞌuel li xul naru naxsach lix paltileb, kꞌaxal nim cuiꞌchic xcuanquil lix quiqꞌuel li Jesucristo xban nak aꞌan narisi li kama̱c. Li Santil Musikꞌej quixtenkꞌa li Jesucristo nak quixmayeja rib chiru li Dios re xtojbal rix li kama̱c. Li Jesucristo tzꞌakal cha̱bil. Ma̱cꞌaꞌ xma̱c ut lix quiqꞌuel narisi li kama̱c li nacꞌamoc chak re li ca̱mc saꞌ kabe̱n. Naxsakobresi li kacꞌaꞌux re nak caꞌaj cuiꞌ chiru li yoꞌyo̱quil Dios tocꞌanjelak.

San Juan 6:29

Li Jesús quixye reheb: —Li cꞌaꞌru naraj li Dios nak te̱ba̱nu, aꞌan aꞌin: nak tine̱pa̱b la̱in xban nak taklanbilin chak xban, chan.

San Juan 6:38

La̱in xinchal chak saꞌ choxa re tinba̱nu li cꞌaꞌru naraj li Dios li quitaklan chak cue. Moco xinchal ta chixba̱nunquil li cꞌaꞌru nacuaj la̱in.

1 Corintios 15:45

Tzꞌi̱banbil saꞌ li Santil Hu chi joꞌcaꞌin: Laj Adán li xbe̱n cui̱nk quiqꞌueheꞌ xmusikꞌ nak quiyoꞌobtesi̱c xban li Dios. (Gén. 2:7) Abanan li xcab Adán, aꞌ li Ka̱cuaꞌ Jesucristo, aꞌan musikꞌej ut aꞌan li naqꞌuehoc kayuꞌam chi junelic.