San Juan 6:56 - Li Santil hu

⁵⁶ Li ani naxtzaca lin tibel ut narucꞌ lin quiqꞌuel, li jun aꞌan cuan chi sum a̱tin cuiqꞌuin ut la̱in cuanquin chi sum a̱tin riqꞌuin aꞌan.

Q'eqchi Bible

⁵⁶ Ani natzekank re lintz'ejwal ut naruk' linkik'el, nakanaak wik'in ut laa'in rik'in.

San Juan 6:56 ပူးပေါင်းရင်းမြစ်များ

San Juan 14:20

Toj saꞌ li cutan aꞌan la̱ex te̱qꞌue retal nak li Yucuaꞌbej cuan cuiqꞌuin ut la̱in cuanquin riqꞌuin aꞌan. Junaj ku chi kibil kib. Ut la̱ex cua̱nkex cuiqꞌuin ut la̱in cua̱nkin e̱riqꞌuin.

1 Juan 3:24

Cui nakapa̱b lix chakꞌrab, la̱o cuanco riqꞌuin li Dios ut li Dios cuan kiqꞌuin. Nakanau nak li Dios cuan kiqꞌuin chi junelic xban li Santil Musikꞌej li qꞌuebil ke.

Apocalipsis 3:20

Chanchan nak cuanquin chire li oqueba̱l nak yo̱quin che̱bokbal. Li ani ta̱abi̱nk re li cua̱tin ut tinixpa̱b, la̱in tincua̱nk riqꞌuin ut tocua̱nk chi sum a̱tin.

San Juan 14:23

Quichakꞌoc li Jesús ut quixye re: —La̱in tincꞌutbesi cuib chiruheb li nequeꞌrahoc cue ut nequeꞌxba̱nu li cꞌaꞌru ninye. Eb aꞌan teꞌrahekꞌ xban lin Yucuaꞌ. La̱in ut lin Yucuaꞌ toxic riqꞌuineb ut tocua̱nk riqꞌuineb.

Salmos 91:9

Ma̱cꞌaꞌ ta̱cꞌul xban nak la̱at cau a̱chꞌo̱l riqꞌuin li nimajcual Dios. La̱at nacanau nak aꞌan ta̱colok a̱cue.

1 Juan 4:12

Ma̱ jun qui-iloc ru li Dios. Abanan cui nakara kib chi kibil kib, li Dios cuan kiqꞌuin chi junelic. Ut lix rahom li Dios tzꞌaklojenak ru kiqꞌuin.

2 Corintios 6:16

¿Ma xcꞌulubeb ta biꞌ li yi̱banbil dios nak teꞌcua̱nk saꞌ rochoch li yoꞌyo̱quil Dios? Ma̱min ta̱ru̱k. La̱in ninye e̱re nak la̱o aj pa̱banelo, la̱o li rochoch li yoꞌyo̱quil Dios. Li Dios, aꞌan li quixye chi joꞌcaꞌin: La̱in tincua̱nk riqꞌuineb ut tincuochbeniheb. La̱inak lix Dioseb aꞌan, ut aꞌanakeb li cualal incꞌajol, chan. (Lev. 26:12)

Efesios 3:17

Ut nintzꞌa̱ma ajcuiꞌ chiru nak chicua̱nk le̱ pa̱ba̱l re nak cua̱nk li Cristo e̱riqꞌuin chi tzꞌakal. Te̱tau taxak xcacuil le̱ chꞌo̱l riqꞌuin xra̱bal li Dios joꞌ eb ajcuiꞌ le̱ ras e̱ri̱tzꞌin.

Lamentaciones 3:24

Li Ka̱cuaꞌ, aꞌan li natenkꞌan cue. Ut aꞌan li ninyoꞌoni.

Salmos 91:1

Li ani cuan rubel xcuanquil li nimajcual Dios, ma̱cꞌaꞌ tixcꞌoxla xban nak aꞌan ta̱ilok re.

Salmos 90:1

At Ka̱cuaꞌ, caꞌaj cuiꞌ a̱cuiqꞌuin nakacol kib chalen saꞌ xticlajic.

San Juan 6:55

Lin tibel, aꞌan li tzacae̱mk li naqꞌuehoc junelic yuꞌam. Ut lin quiqꞌuel, aꞌan li ucꞌa li naqꞌuehoc junelic yuꞌam.

1 Juan 2:24

Li cꞌaꞌru xetzol chak chalen saꞌ xticlajic le̱ pa̱ba̱l chicua̱nk saꞌ le̱ chꞌo̱l. Cui te̱cꞌu̱la saꞌ le̱ chꞌo̱l li cꞌaꞌru xerabi chak chalen saꞌ xticlajic le̱ pa̱ba̱l, cua̱nkex riqꞌuin li Cꞌajolbej ut riqꞌuin li Acuabej Dios.