San Juan 6:53 - Li Santil hu

⁵³ Quixye li Jesús reheb: —Relic chi ya̱l ninye e̱re: Cui incꞌaꞌ te̱tzaca lin tibel la̱in li Cꞌajolbej ut cui incꞌaꞌ te̱rucꞌ lin quiqꞌuel, incꞌaꞌ ta̱cua̱nk le̱ yuꞌam chi junelic.

Q'eqchi Bible

⁵³ Kixye li Jesus reheb': —Relik chi yaal ninye eere: wi ink'a' neketzeka li xtz'ejwal li K'ajolb'ej, wi ink'a' nekeruk' li xkik'el, maak'a'aq yu'am eerik'in.

San Juan 6:53 ပူးပေါင်းရင်းမြစ်များ

1 Juan 5:12

Yalak ani napa̱ban re li Ralal li Dios, aꞌan cuan xyuꞌam chi junelic. Ut li ani incꞌaꞌ napa̱ban re li Ralal li Dios, ma̱cꞌaꞌ lix yuꞌam chi junelic.

San Juan 6:55

Lin tibel, aꞌan li tzacae̱mk li naqꞌuehoc junelic yuꞌam. Ut lin quiqꞌuel, aꞌan li ucꞌa li naqꞌuehoc junelic yuꞌam.

San Juan 15:4

Cua̱nkex cuiqꞌuin ut la̱in cua̱nkin e̱riqꞌuin. Joꞌ li rukꞌ li cheꞌ, cui incꞌaꞌ letzlo riqꞌuin lix to̱nal, incꞌaꞌ naru nau̱chin. Joꞌcan ajcuiꞌ la̱ex. Cui incꞌaꞌ cua̱nkex cuiqꞌuin, incꞌaꞌ ta̱ru̱k texqꞌui̱k saꞌ le̱ pa̱ba̱l.

San Juan 6:47

Relic chi ya̱l tinye e̱re nak li ani napa̱ban cue, li jun aꞌan cuan xyuꞌam chi junelic.

San Juan 3:3

Quichakꞌoc li Jesús ut quixye re: —Relic chi ya̱l ninye a̱cue, ma̱ ani naru ta̱oc rubel xnimajcual cuanquilal li Dios cui incꞌaꞌ ta̱yoꞌla̱k cuiꞌchic xcaꞌ sut, chan li Jesús.

Apocalipsis 2:17

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, la̱in tinqꞌue li choxahil cua li incꞌaꞌ na-ilman ru chixtzaca. Ut tinqꞌue ajcuiꞌ jun li saki pec re ut tzꞌi̱banbilak chiru jun li acꞌ cꞌabaꞌej. Ma̱ ani ta̱naꞌok re li cꞌabaꞌej. Caꞌaj cuiꞌ li ani li ta̱cꞌuluk re, chan li Cꞌajolbej reheb laj Pérgamo.

San Juan 3:36

Li ani napa̱ban re li Cꞌajolbej cuan xyuꞌam chi junelic. Ut li ani incꞌaꞌ napa̱ban re li Cꞌajolbej incꞌaꞌ ta̱cua̱nk xyuꞌam chi junelic. Cuan ban li tojba ma̱c saꞌ xbe̱n, chan laj Juan.

San Mateo 18:3

Ut quixye reheb: —Relic chi ya̱l tinye e̱re cui incꞌaꞌ te̱jal e̱naꞌleb ut cui incꞌaꞌ kꞌunak e̱chꞌo̱l joꞌ li chꞌina al aꞌin, incꞌaꞌ tex-oc saꞌ lix nimajcual cuanquilal li Dios.

San Juan 3:5

Quichakꞌoc li Jesús ut quixye re: —Relic chi ya̱l ninye a̱cue nak ani incꞌaꞌ ta̱yoꞌla̱k riqꞌuin haꞌ ut riqꞌuin li Santil Musikꞌej moco ta̱ru̱k ta ta̱oc rubel lix nimajcual cuanquilal li Dios.

San Lucas 13:5

La̱in ninye e̱re nak incꞌaꞌ. Ut cui la̱ex incꞌaꞌ te̱yotꞌ e̱chꞌo̱l ut te̱jal e̱cꞌaꞌux, tex-osokꞌ ajcuiꞌ la̱ex, chan li Jesús.

San Lucas 13:3

—Tinye e̱re nak incꞌaꞌ. Cui la̱ex incꞌaꞌ te̱yotꞌ e̱chꞌo̱l ut te̱jal e̱cꞌaꞌux, tex-osokꞌ ajcuiꞌ la̱ex che̱junilex.

San Juan 13:8

Laj Pedro quixye re: —Ka̱cuaꞌ, ma̱ jokꞌe tinqꞌue li cuok re ta̱chꞌaj, chan. Li Jesús quixye re: —Cui la̱at incꞌaꞌ ta̱qꞌue la̱ cuok re tinchꞌaj, la̱at ma̱cuaꞌat intzolom, chan.

San Mateo 5:18

Relic chi ya̱l tinye e̱re nak ta̱osokꞌ li choxa, ta̱osokꞌ li ruchichꞌochꞌ, ut yal ta jun xle̱tril chi moco junak retalil li chakꞌrab ta̱sachk xcuanquil. Toj retal talajeꞌcꞌulma̱nk chixjunil.

Apocalipsis 2:7

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, la̱in tinqꞌue lix yuꞌam chi junelic. Ut aꞌan ta̱cua̱nk riqꞌuin li Dios chi junelic saꞌ lix santil naꞌaj, chan li Cꞌajolbej reheb laj Éfeso.

San Mateo 8:20

Ut li Jesús quichakꞌoc ut quixye re: —Cꞌoxla chi us ma ta̱cuy inta̱kenquil. Li yac cuanqueb xjul saꞌ pec, ut li xul li nequeꞌrupupic chiru choxa cuanqueb xsoc, abanan la̱in li Cꞌajolbej ma̱cꞌaꞌ innaꞌaj bar ta̱ru̱k tinyocob cuiꞌ cuib, chan.

San Juan 6:51

La̱in li yoꞌyo̱quil cua. Quinchal chak saꞌ choxa. Li ani napa̱ban cue la̱in incꞌaꞌ ta̱sachk. Cua̱nk ban xyuꞌam chi junelic. Li cua li tinqꞌue la̱in, aꞌan lin tibel nak tinkꞌaxtesi cuib chi ca̱mc re nak ta̱ru̱k teꞌcua̱nk xyuꞌameb chi junelic li cuanqueb saꞌ ruchichꞌochꞌ, chan li Jesús.

San Juan 6:62

¿Ma ra xerecꞌa nak xinye e̱re chi joꞌcan? ¿Cꞌaꞌ raj ru te̱ba̱nu nak te̱ril nak la̱in li Cꞌajolbej yo̱kin cuiꞌchic chi xic saꞌ choxa li xincuan cuiꞌ chak junxil?