San Juan 6:14 - Li Santil hu

¹⁴ Nak queꞌril li milagro li quixba̱nu li Jesús, eb li cuanqueb aran queꞌxye: —Relic chi ya̱l li cui̱nk aꞌin, aꞌan li profeta li quiyeheꞌ chak resil junxil nak ta̱cha̱lk saꞌ ruchichꞌochꞌ, chanqueb.

Q'eqchi Bible

¹⁴ Naq eb' li tenamit ke'ril li xnimal eetalil kixb'aanu li Jesus, ke'xye: —Relik chi yaal naq a'in li propeet li tento taak'ulunq sa' ruuchich'och'.

San Juan 6:14 ပူးပေါင်းရင်းမြစ်များ

San Mateo 21:11

Ut eb li tenamit li yo̱queb chi xic chirix yo̱queb chixyebal: —Aꞌan aꞌin li Jesús li profeta, aj Nazaret re Galilea, chanqueb.

Hechos 7:37

Aꞌan laj Moisés li quiyehoc chak re aꞌin reheb laj Israel: “Li Ka̱cuaꞌ le̱ Dios tixqꞌue junak profeta saꞌ e̱ya̱nk sicꞌbil ru xban joꞌ la̱in. E̱comon ajcuiꞌ la̱ex. Cheba̱nu chixjunil li cꞌaꞌru tixye e̱re,” chan.

San Mateo 11:3

¿Ma la̱at li Cristo li yechiꞌinbil, li yo̱co chiroybeninquil? ¿Malaj toj takoybeni chic junak? chanqueb.

San Juan 7:40

Nak queꞌrabi li cꞌaꞌru quixye li Jesús, cuan queꞌyehoc: —Relic chi ya̱l li cui̱nk aꞌin profeta.—

San Juan 1:21

Ut queꞌxye cuiꞌchic re: —Ye ke anihat la̱at. ¿Ma la̱at laj Elías?— Quichakꞌoc laj Juan ut quixye: —Moco la̱in ta, chan. —¿Ma la̱at li profeta li ta̱cha̱lk? chanqueb cuiꞌchic re. —Incꞌaꞌ, chan laj Juan.

San Juan 4:19

Quixye li ixk re: —Ka̱cuaꞌ, joꞌ li la̱at anchal profeta.

Génesis 49:10

La̱at, Judá, ma̱ ani ta̱ru̱k ta̱isi̱nk re saꞌ la̱ cuukꞌ li xukꞌ li retalil la̱ cuanquil joꞌ ajcuiꞌ saꞌ rukꞌeb la̱ cualal a̱cꞌajol. Ma̱ ani ta̱isi̱nk re le̱ cuanquilal toj tol-e̱lk laj e̱chal re li xukꞌ, li jun li yechiꞌinbil chak xban li Dios. Ut aꞌan chic ta̱pa̱ba̱k xbaneb chixjunileb li cuanqueb saꞌ ruchichꞌochꞌ.

San Juan 4:42

Ut queꞌxye re li ixk: —Anakcuan nakapa̱b, moco xban ta li cꞌaꞌru xaye ke. La̱o xkabi chi tzꞌakal li cꞌaꞌru xye ut nakanau nak aꞌan tzꞌakal li Cristo laj Colol re li cuanqueb saꞌ ruchichꞌochꞌ, chanqueb.

San Juan 4:25

Quichakꞌoc li ixk ut quixye re: —La̱in ninnau nak ta̱cha̱lk li Mesías li ta̱colok ke. Li Cristo nequeꞌxye re. Nak tol-e̱lk aꞌan, tixchꞌolob chiku chixjunil li cꞌaꞌak re ru aꞌin, chan li ixk.

San Lucas 24:19

Ut li Jesús quixye reheb: —¿Cꞌaꞌru anchal aꞌan? chan. Eb aꞌan queꞌxye re: —Chirix li Jesús aj Nazaret. Aꞌan profeta nak quicuan. Nim xcuanquil. Cha̱bil quixba̱nu ut cha̱bil quixye chiru li Dios ut chiruheb li tenamit.

San Lucas 7:16

Nak queꞌril li cꞌaꞌru quicꞌulman chixjunileb li cuanqueb aran, cꞌajoꞌ nak queꞌxucuac ut queꞌoc chixqꞌuebal xlokꞌal li Dios. Ut queꞌxye: —Jun xnimal ru profeta xcꞌulun saꞌ kaya̱nk.— Ut queꞌxye ajcuiꞌ: —Li Dios xchal chixtenkꞌanquil lix tenamit, chanqueb.

San Juan 2:11

Aꞌan aꞌin li xbe̱n milagro li quixba̱nu li Jesús nak quixsukꞌisi li haꞌ chokꞌ vino aran Caná re Galilea. Riqꞌuin li milagro aꞌin quixcꞌutbesi nak cuan xcuanquil ut eb lix tzolom queꞌxpa̱b nak li Jesús aꞌan li Ralal li Dios.

San Juan 6:2

Nabaleb yo̱queb chi ta̱ke̱nc re xban nak queꞌrileb li milagro li yo̱ chixba̱nunquil nak naxqꞌuirtesiheb li yaj.

San Juan 6:26

Quichakꞌoc li Jesús ut quixye reheb: —Relic chi ya̱l ninye e̱re nak la̱ex yo̱quex chinta̱kenquil xban nak xexinqꞌue chi cuaꞌac toj retal xexnujac. Incꞌaꞌ yo̱quex chinta̱kenquil xban nak xeril li milagro li xinba̱nu.

San Juan 6:30

Ut queꞌxye cuiꞌchic re: —Tento ta̱cꞌut chiku junak li milagro re nak takapa̱b nak taklanbilat xban li Dios. ¿Cꞌaꞌru li retalil ta̱cꞌut chiku?

San Juan 11:27

Quichakꞌoc lix Marta ut quixye: —Ninpa̱b, Ka̱cuaꞌ. La̱in ninnau nak la̱at li Cristo li Ralal li Dios li yo̱co chiroybeninquil, chan lix Marta.