San Juan 6:11 - Li Santil hu

¹¹ Tojoꞌnak li Jesús quixchap li caxlan cua. Quixbantioxi chiru li Dios. Quixjachi li caxlan cua ut quixqꞌue reheb lix tzolom re nak teꞌxjeqꞌui reheb li qꞌuila tenamit li cꞌojcꞌo̱queb aran. Joꞌcan ajcuiꞌ quixba̱nu riqꞌuin li car. Ut queꞌcuaꞌac chixjunileb toj retal queꞌcꞌojla xchꞌo̱leb.

Q'eqchi Bible

¹¹ Toja' naq li Jesus kixchap eb' li wa, kiyoxink ut kixjek'i reheb' li k'ojk'ookeb' aran. Jo'kan ajwi' kixb'aanu rik'ineb' li kar; kixk'e reheb' jo'k'ihal li ke'raj.

San Juan 6:11 ပူးပေါင်းရင်းမြစ်များ

San Juan 6:23

Ut cuanqueb cuiꞌchic jucub queꞌel chak Tiberias queꞌcuulac chixcꞌatk li naꞌajej li queꞌcuaꞌac cuiꞌ nak ac xbantioxi li Jesús chiru li Dios.

1 Ts 5:18

Chextioxi̱nk riqꞌuin chixjunil li cꞌaꞌru nequecꞌul xban nak joꞌcan naraj li Dios e̱riqꞌuin la̱ex xban nak junajex chic riqꞌuin li Jesucristo.

Romanos 14:6

Li ani naxqꞌue xlokꞌal junak li cutan, aꞌan naxba̱nu re xlokꞌoninquil li Dios. Ut joꞌcan ajcuiꞌ li natiꞌoc tib naxba̱nu aꞌan re xlokꞌoninquil li Dios ut naxbantioxi ajcuiꞌ chiru li Dios. Ut li ani incꞌaꞌ natiꞌoc tib, xlokꞌoninquil ajcuiꞌ li Dios naxba̱nu nak incꞌaꞌ natiꞌoc tib, ut naxbantioxi ajcuiꞌ chiru li Dios.

San Mateo 15:36

Ut quixchap li cuukub chi caxlan cua ut eb li car, quixbantioxi chiru li Dios ut quixjachi. Ut quixqꞌue reheb lix tzolom re nak teꞌxjeqꞌui reheb li tenamit.

San Lucas 24:30

Nak cꞌojcꞌo saꞌ me̱x rochbeneb, quixchap li caxlan cua, quixbantioxi chiru li Dios, quixjachi ut quixqꞌue reheb.

1 Corintios 10:31

La̱in tinye e̱re lix ya̱lal. Chixjunil li cꞌaꞌru te̱tzaca ut chixjunil li cꞌaꞌru te̱ba̱nu, cheba̱nuhak re xqꞌuebal xlokꞌal li Ka̱cuaꞌ Dios.

Hechos 27:35

Ut nak quixye aꞌan, quixchap jun li caxlan cua ut quixbantioxi chiru li Dios chiruheb chixjunileb li cuanqueb aran. Ut nak quixjach, qui-oc chixcuaꞌbal.

1 Samuel 9:13

Nak tex-oc saꞌ li tenamit, texxic riqꞌuin saꞌ junpa̱t nak toj ma̱jiꞌ naxic chi mayejac saꞌ li tzu̱l saꞌ xcꞌabaꞌeb li tenamit. Eb li bokbileb incꞌaꞌ teꞌcuaꞌak cui toj ma̱jiꞌ nacuulac aꞌan. Tento nak li profeta ta̱rosobtesi li mayej xbe̱n cua, tojoꞌnak teꞌcuaꞌak li tenamit. Ayukex anakcuan ut te̱tau li profeta, chanqueb.

San Juan 6:9

—Cuan jun li al arin cuan cuib li car riqꞌuin ut o̱b li caxlan cua yi̱banbil riqꞌuin cebada. Abanan aꞌin ma̱ jokꞌe ta̱tzꞌaklok reheb li qꞌuila tenamit, chan.

San Juan 21:9

Nak queꞌel saꞌ li jucub queꞌril nak cuan jun li xam cꞌu̱bcꞌu. Li Jesús yo̱ chixpombal jun li car saꞌ xbe̱n li ru xam ut cuan ajcuiꞌ caxlan cua riqꞌuin.

San Juan 21:10

Li Jesús quixye reheb: —Cꞌamomak chak cuib oxibak li car li xechap.—

San Juan 21:13

Ut li Jesús quixchap li caxlan cua ut quixqꞌue reheb. Ut quixqꞌue ajcuiꞌ li car.