San Juan 5:44 - Li Santil hu

⁴⁴ Nak nequeqꞌue e̱lokꞌal chi ribil e̱rib, cꞌajoꞌ nak nacuulac che̱ru. Abanan incꞌaꞌ nequesicꞌ li lokꞌal li naxqꞌue li jun chi Dios. ¿Chan ta cuiꞌ ru nak tine̱pa̱b la̱in chi joꞌcanan?

Q'eqchi Bible

⁴⁴ Chanru naq wanq eepaab'aal laa'ex li nekek'ul eeloq'al cherib'il eerib' ut ink'a' nekesik' li loq'al nachalk rik'in li jun chi Yos?

San Juan 5:44 ပူးပေါင်းရင်းမြစ်များ

San Juan 12:43

Aꞌ chic li lokꞌal li nequeꞌxqꞌue li tenamit queꞌxqꞌue xcuanquil. Ut incꞌaꞌ queꞌxqꞌue xcuanquil li lokꞌal li naxqꞌue li Dios.

Romanos 2:29

Li tzꞌakal aj judío naxpa̱b chi tzꞌakal lix chakꞌrab li Dios. Ut li tzꞌakal circuncisión incꞌaꞌ nacꞌulman riqꞌuin xba̱nunquil li chakꞌrab. Aꞌan ban li naxba̱nu li Santil Musikꞌej saꞌ li ra̱m li junju̱nk. Ut lix lokꞌal laj pa̱banel incꞌaꞌ naqꞌueheꞌ xbaneb li cui̱nk. Li Dios ban naqꞌuehoc xlokꞌal.

Filipenses 2:3

Incꞌaꞌ te̱ba̱nu cꞌaꞌak re ru yal xban nak cuan li cꞌaꞌru te̱ra, chi moco te̱ba̱nu yal re xnimobresinquil e̱rib. Checubsihak ban e̱rib. Me̱cꞌoxla nak kꞌaxal nim e̱cuanquil chiruheb le̱ ras e̱ri̱tzꞌin.

San Mateo 23:5

Chixjunil li cꞌaꞌak re ru nequeꞌxba̱nu, aꞌan yal re nak teꞌilekꞌ xbaneb li cristian. Nequeꞌxyi̱b chi ni̱nk ru li cocꞌ ca̱x filacterias xcꞌabaꞌ bar nacuan cuiꞌ li chakꞌrab ut nequeꞌxbacꞌ saꞌ xpe̱quemeb ut saꞌ xteleb. Ut nacuulac chiruheb li rakꞌeb chi ni̱nk lix sahob ru chire.

1 Pedro 1:7

Tento nak ta̱yalekꞌ rix le̱ pa̱ba̱l re nak ta̱cꞌutu̱nk ma tzꞌakal re ru. Li pa̱ba̱l kꞌaxal cuiꞌchic lokꞌ chiru li oro li na-osoꞌ. Li oro nanumsi̱c saꞌ xam re rilbal ma cha̱bil. Joꞌcan ajcuiꞌ nak tento xyalbal rix le̱ pa̱ba̱l ma tzꞌakal re ru. Cui tzꞌakal re ru le̱ pa̱ba̱l, tex-oxlokꞌi̱k ut ta̱nima̱k e̱ru ut ta̱qꞌuehekꞌ e̱lokꞌal nak tixcꞌutbesi cuiꞌchic rib li Jesucristo.

1 Samuel 2:30

Joꞌcan nak li Ka̱cuaꞌ li nequeꞌxlokꞌoni laj Israel quixye chi joꞌcaꞌin, “Quinye nak eb li ralal xcꞌajol la̱ yucuaꞌ teꞌcꞌanjelak chicuu chokꞌ aj tij chi junelic kꞌe cutan. Abanan anakcuan incꞌaꞌ chic ta̱ru̱k texcꞌanjelak chicuu xban nak la̱in ninqꞌue xlokꞌal li nalokꞌonin cue ut nintzꞌekta̱na li ani natzꞌekta̱nan cue.

1 Corintios 4:5

Joꞌcan nak mexrakoc a̱tin chirix le̱ ras e̱ri̱tzꞌin. Cheroybeni toj ta̱cuulak xkꞌehil nak tol-e̱lk cuiꞌchic li Ka̱cuaꞌ Jesucristo ut aꞌan tixcꞌutbesi li incꞌaꞌ nanauman anakcuan. Tixcꞌutbesi li cꞌaꞌru nanumeꞌ saꞌ xchꞌo̱l li junju̱nk. Ut li Dios tixqꞌue xlokꞌal li junju̱nk aꞌ yal chanru lix yehom xba̱nuhom.

Romanos 2:10

Aban li Dios tixqꞌue xcuanquil, xlokꞌal ut tuktu̱quil usilal reheb chixjunileb li nequeꞌba̱nun re li cha̱bilal. Tixqꞌue xbe̱n cua reheb laj judío ut tixqꞌue ajcuiꞌ reheb li ma̱cuaꞌeb aj judío.

Romanos 2:7

Li Dios tixqꞌue xyuꞌam chi junelic li ani naxqꞌue xchꞌo̱l chixba̱nunquil li cha̱bilal li naraj li Dios re nak tixtau lix lokꞌal, lix nimanquil ru, ut lix yuꞌam chi junelic.

San Lucas 19:17

Li rey quixye re: —La̱at cha̱bil aj cꞌanjel. Us xaba̱nu. Xban nak ti̱c a̱chꞌo̱l riqꞌuin li caꞌchꞌin xinqꞌue a̱cue, joꞌcan nak tinqꞌue a̱cuanquil saꞌ xbe̱n laje̱b chi tenamit, chan li rey.

2 Crónicas 6:8

Ut li Dios quixye re laj David lin yucuaꞌ, “Us nak xacꞌoxla xyi̱banquil junak li templo re tineꞌxlokꞌoni cuiꞌ. Us xaba̱nu nak xacꞌoxla xyi̱banquil li templo.

Santiago 2:1

Ex inherma̱n, la̱ex nequepa̱b li Ka̱cuaꞌ Jesucristo, li kꞌaxal nim xlokꞌal. Joꞌcan nak junakiqueb nak te̱rileb le̱ ras e̱ri̱tzꞌin. Moco jun ta sa te̱ril ut jun ta incꞌaꞌ.

Hebreos 3:12

Ex herma̱n, cheqꞌuehak retal nak ma̱ jun taxak saꞌ e̱ya̱nk incꞌaꞌ tixpa̱b li Dios xma̱c lix ma̱usilal. Ma̱re anchal tixtzꞌekta̱na li yoꞌyo̱quil Dios.

2 Corintios 10:18

Cuan li nequeꞌxye ribeb nak cha̱bileb. Abanan ma̱cꞌaꞌ na-oc cuiꞌ li nequeꞌxye. Aꞌ li kꞌaxal lokꞌ, aꞌan nak li Dios tixye nak li jun aꞌan cha̱bil.

San Juan 17:3

Li junelic yuꞌam, aꞌan nak teꞌxnau a̱cuu la̱at li junajat chi tzꞌakal Dios ut teꞌxnau ajcuiꞌ cuu la̱in li Jesucristo li quina̱takla chak.

San Juan 8:43

¿Cꞌaꞌut nak incꞌaꞌ nequetau ru li cꞌaꞌru ninye? Incꞌaꞌ nequecꞌul li cua̱tin xban nak incꞌaꞌ nequeraj rabinquil li cꞌaꞌru yo̱quin chixyebal.

San Juan 3:20

Li ani nequeꞌxba̱nu li ma̱usilal, xicꞌ nequeꞌril lix ya̱lal. Incꞌaꞌ nacuulac chiruheb cua̱nc saꞌ xya̱lal xban nak incꞌaꞌ nequeꞌraj ta̱cꞌutu̱nk li ma̱usilal nequeꞌxba̱nu.

Jeremías 13:23

Junak cui̱nk li kꞌek xtibel incꞌaꞌ naru ta̱sakokꞌ xtibel, chi moco naru ta̱jala̱k rix li chꞌohix. Joꞌcan ajcuiꞌ la̱ex. Incꞌaꞌ naru te̱ba̱nu li us xban nak ac cꞌaynakex chixba̱nunquil li ma̱usilal.

1 Samuel 15:30

Laj Saúl quixye re: —La̱in xinma̱cob. Abanan nintzꞌa̱ma cha̱cuu nak ta̱qꞌue inlokꞌal chiruheb li nequeꞌcꞌamoc be chiruheb lin tenamit Israel ut chiruheb ajcuiꞌ chixjunileb li tenamit. Tatsukꞌi̱k cuochben re nak tinlokꞌoni li Ka̱cuaꞌ la̱ Dios, chan.

San Juan 5:41

La̱in incꞌaꞌ nacuaj nak te̱qꞌue inlokꞌal la̱ex,

1 Ts 2:6

Chi moco xkasicꞌ ta kalokꞌal riqꞌuineb li cristian, chi moco e̱riqꞌuin chi moco riqꞌuineb jalan, usta xru raj xkaye e̱re nak te̱qꞌue kalokꞌal xban nak la̱o x-apóstol li Jesucristo.

1 Timoteo 1:17

Lokꞌoninbil taxak li tzꞌakal Rey li cuan chi junelic kꞌe cutan, li incꞌaꞌ nacam ut incꞌaꞌ na-ilman ru, li junaj chi Dios li numtajenak xnaꞌleb. Chikalokꞌonihak taxak anakcuan ut chi junelic kꞌe cutan. Joꞌcan taxak.

San Judas 1:25

Lokꞌoninbil taxak li junaj chi Dios, laj Colol ke saꞌ xcꞌabaꞌ li Ka̱cuaꞌ Jesucristo. Aꞌan taxak chinima̱k xcuanquil ut xlokꞌal chalen chak najter kꞌe cutan, ut toj chalen anakcuan ut chi junelic. Joꞌcan taxak.