San Juan 5:30 - Li Santil hu

³⁰ La̱in ma̱cꞌaꞌ naru ninba̱nu injunes. La̱in ninrakoc a̱tin joꞌ naxye cue li Yucuaꞌbej. Joꞌcan nak ninrakoc a̱tin saꞌ ti̱quilal. Incꞌaꞌ ninba̱nu li cꞌaꞌru nacuaj la̱in. Ninba̱nu ban li cꞌaꞌru naraj li Yucuaꞌbej li quitaklan chak cue.

Q'eqchi Bible

³⁰ “Laa'in maak'a' naru ninb'aanu injunes wib': a' yaal chanru nawab'i, ninraqok aatin, ut linraqb'a aatin a'an tiik xb'aan naq ink'a' ninsik' li wajom laa'in, a' b'an li rajom li kitaqlank chaq we.

San Juan 5:30 ပူးပေါင်းရင်းမြစ်များ

San Juan 6:38

La̱in xinchal chak saꞌ choxa re tinba̱nu li cꞌaꞌru naraj li Dios li quitaklan chak cue. Moco xinchal ta chixba̱nunquil li cꞌaꞌru nacuaj la̱in.

San Juan 5:19

Joꞌcan nak li Jesús quixye reheb: —Relic chi ya̱l tinye e̱re, La̱in li Cꞌajolbej. Ma̱cꞌaꞌ naru tinba̱nu injunes. Li cꞌaꞌru naxcꞌut chicuu lin Yucuaꞌ, aꞌan li ninba̱nu. Chixjunil li naxba̱nu lin Yucuaꞌ, aꞌan li ninba̱nu la̱in.

San Juan 4:34

Li Jesús quixye reheb: —La̱in nasahoꞌ inchꞌo̱l nak ninba̱nu li cꞌaꞌru naraj li quitaklan chak cue ut tinchoy xba̱nunquil lix cꞌanjel. Aꞌan ru̱chil li cua chokꞌ cue la̱in, chan.

San Juan 14:10

Felipe, ¿ma incꞌaꞌ nacapa̱b nak la̱in ut li Yucuaꞌbej junaj ku chi kibil kib? Li cꞌaꞌru xinye e̱re moco yal injunes ta xinye. Li Yucuaꞌbej cuan cuiqꞌuin, ut aꞌan nacꞌutuc chicuu li cꞌaꞌru ninba̱nu.

San Mateo 26:39

Ut quibe̱c chic caꞌchꞌin li Jesús ut quixhupub rib saꞌ chꞌochꞌ ut quitijoc. Ut quixye: —At inYucuaꞌ, cui ta naxqꞌue rib, incꞌaꞌ raj tincꞌul li raylal aꞌin. Abanan chi-uxma̱nk li cꞌaꞌru nacacuaj la̱at ut ma̱cuaꞌ li nacuaj la̱in.—

San Juan 8:28

Ut quixye ajcuiꞌ li Jesús reheb: —Nak acak xine̱taksi chiru li cruz re incamsinquil toj aran te̱qꞌue retal nak la̱in li taklanbilin chak xban li Dios. Ut te̱nau nak ma̱cꞌaꞌ ninba̱nu injunes. Li cꞌaꞌru ninye la̱in, aꞌan li quixcꞌutbesi chicuu lin Yucuaꞌ.

Romanos 15:3

Li Cristo incꞌaꞌ quixba̱nu li quiraj xjunes rib. Quixba̱nu ban li naraj li Dios. Quixtenkꞌaheb chixjunileb. Joꞌcan nak quixcꞌul joꞌ tzꞌi̱banbil saꞌ li Santil Hu: Saꞌ inbe̱n quinak la̱ majecuanquil li queꞌxba̱nu eb li queꞌhoboc a̱cue. (Sal. 69:9)

San Juan 8:50

La̱in incꞌaꞌ ninsicꞌ inlokꞌal. Abanan cuan jun naraj nak ta̱qꞌuehekꞌ inlokꞌal. Ut aꞌan li ta̱rakok a̱tin saꞌ e̱be̱n xban nak yo̱quex chintzꞌekta̱nanquil.

San Juan 8:42

Li Jesús quixye reheb: —Cui ta ya̱l nak li Dios e̱yucuaꞌ, niquine̱ra raj la̱in xban nak riqꞌuin li Dios quinchal chak. Cuanquin arin saꞌ e̱ya̱nk. Incꞌaꞌ quintakla chak cuib injunes. Aꞌ li Dios, aꞌan li quitaklan chak cue.

San Juan 17:4

La̱in xinqꞌue a̱lokꞌal arin saꞌ ruchichꞌochꞌ xban nak xinchoy xba̱nunquil li cꞌanjel li xaqꞌue cue re tinba̱nu.

Salmos 96:13

Chixjunileb ta teꞌsahokꞌ saꞌ xchꞌo̱l nak ta̱cha̱lk li Ka̱cuaꞌ chi rakoc a̱tin saꞌ xbe̱neb li cuanqueb saꞌ ruchichꞌochꞌ xban nak aꞌan ta̱rakok a̱tin saꞌ xya̱lal ut saꞌ ti̱quilal.

San Juan 18:11

Li Jesús quixye re laj Pedro: —Xoc la̱ chꞌi̱chꞌ saꞌ xnaꞌaj. ¿Ma incꞌaꞌ ta biꞌ tento nak tincꞌul li raylal aꞌin? ¿Ma incꞌaꞌ ta biꞌ aꞌan aj e nak xinixtakla chak lin Yucuaꞌ? chan.

Génesis 18:25

Incꞌaꞌ naru ta̱sacheb ru li ti̱queb xchꞌo̱l joꞌ ta̱ba̱nu riqꞌuineb li incꞌaꞌ ti̱queb xchꞌo̱l. Ninnau nak la̱at incꞌaꞌ ta̱ba̱nu aꞌan xban nak la̱at nacatrakoc a̱tin saꞌ xya̱lal saꞌ xbe̱neb chixjunileb li cuanqueb saꞌ ruchichꞌochꞌ, chan laj Abraham.

Romanos 2:5

Aban la̱at cau a̱chꞌo̱l. Joꞌcan nak incꞌaꞌ nacayotꞌ a̱chꞌo̱l incꞌaꞌ nacajal a̱cꞌaꞌux. Ut riqꞌuin aꞌan yo̱cat chixbokbal xjoskꞌil li Dios saꞌ a̱be̱n. Toxa̱cuil xjoskꞌil nak ta̱cuulak xkꞌehil nak li Dios ta̱rakok a̱tin saꞌ ti̱quilal.

Romanos 2:2

Nakanau nak li Dios ti̱c xchꞌo̱l ut aꞌan ta̱rakok a̱tin chi tzꞌakal saꞌ xbe̱neb li nequeꞌba̱nun re li ma̱usilal.

Isaías 28:6

Li Ka̱cuaꞌ tixqꞌue xnaꞌlebeb laj rakol a̱tin re nak teꞌrakok a̱tin saꞌ ti̱quilal. Ut tixqꞌue xcacuilal xchꞌo̱leb li nequeꞌpletic re xcolbal li oqueba̱l re li tenamit.

Sofonías 3:15

Li Ka̱cuaꞌ xrisi li raylal li xqꞌue saꞌ e̱be̱n ut xrisiheb li xicꞌ nequeꞌiloc e̱re. Li Ka̱cuaꞌ aꞌanak chic le̱ rey, la̱ex aj Israel. Joꞌcan nak ma̱cꞌaꞌ chic te̱xucua xban nak ma̱cꞌaꞌak chic li raylal saꞌ e̱be̱n.