San Juan 5:21 - Li Santil hu

²¹ Li Yucuaꞌbej naxcuaclesiheb cuiꞌchic chi yoꞌyo li camenak. Ut joꞌcan ajcuiꞌ la̱in li Cꞌajolbej. La̱in ninqꞌue li junelic yuꞌam reheb li ani nacuaj.

Q'eqchi Bible

²¹ “Jo' naq li Yuwa'b'ej naxwaklesiheb' chi yo'yo li kamenaq ut naxk'e xyu'ameb', jo'kan ajwi' li K'ajolb'ej naxk'e xyu'am li ani taaraj.

San Juan 5:21 ပူးပေါင်းရင်းမြစ်များ

Romanos 8:11

Li Santil Musikꞌej, aꞌan li quicuaclesin cuiꞌchic re chi yoꞌyo li Cristo saꞌ xya̱nkeb li camenak. Cui li Santil Musikꞌej quicuaclesin re li Cristo, aꞌan ajcuiꞌ ta̱cuaclesi̱nk re le̱ tzꞌejcual chi yoꞌyo re li junelic yuꞌam xban nak li Santil Musikꞌej cuan e̱riqꞌuin.

Deuteronomio 32:39

¿Ma incꞌaꞌ nequenau nak la̱in li Ka̱cuaꞌ Dios? Ma̱cꞌaꞌ chic junak dios chicuu la̱in. Caꞌaj cuiꞌ la̱in. La̱in nincamsin ut la̱in ninqꞌuehoc yuꞌam. La̱in ninqꞌuehoc raylal ut la̱in ninbanoc. Ut ma̱ ani ta̱ru̱k tixcol rib saꞌ cuukꞌ.

San Juan 11:25

Ut li Jesús quixye re: —La̱in li nincuaclesin reheb li camenak chi yoꞌyo. La̱in li ninqꞌuehoc junelic yuꞌam. Li ani napa̱ban cue la̱in ta̱cua̱nk xyuꞌam chi junelic usta nacam.

Hechos 26:8

¿Cꞌaꞌut nak la̱ex incꞌaꞌ nequepa̱b nak li Dios tixcuaclesiheb cuiꞌchic chi yoꞌyo li camenak?

San Juan 17:2

La̱at xatqꞌuehoc incuanquil saꞌ xbe̱n chixjunil re nak tinqꞌue li junelic yuꞌam reheb li xakꞌaxtesiheb cue.

2 Reyes 5:7

Nak lix reyeb laj Israel quiril xsaꞌ li hu, quisach xchꞌo̱l ut quixpej li rakꞌ xban xcꞌaꞌux ut quixye: —¿Ma la̱in ta biꞌ Dios nak tinqꞌuirtesi li cui̱nk aꞌin? ¿Cꞌaꞌut nak xtakla chak li cui̱nk aꞌin cuiqꞌuin re tinqꞌuirtesi? ¿Ma ta̱ru̱k ta biꞌ tincuisi xyuꞌam junak ut tinqꞌue cuiꞌchic? Qꞌuehomak retal. Li cui̱nk aꞌan yo̱ chixsicꞌbal xya̱lal chanru nak ta̱pletik cuiqꞌuin, chan.

1 Reyes 17:21

Quixhupub rib saꞌ xbe̱n li chꞌina al oxib sut ut quixya̱ba xcꞌabaꞌ li Ka̱cuaꞌ. Quixye re: —At Ka̱cuaꞌ, at inDios, chaqꞌue ta cuiꞌchic lix yuꞌam li chꞌina al aꞌin, chan.

San Juan 6:63

Li naqꞌuehoc junelic yuꞌam, aꞌan li Santil Musikꞌej. Aꞌan ma̱cuaꞌ re li tibelej. La̱in xinchꞌolob xya̱lal che̱ru. Li xinye e̱re yebil cue xban li Santil Musikꞌej. Cui te̱pa̱b li cꞌaꞌru xinye, li Santil Musikꞌej tixqꞌue e̱re li junelic yuꞌam.

1 Corintios 15:45

Tzꞌi̱banbil saꞌ li Santil Hu chi joꞌcaꞌin: Laj Adán li xbe̱n cui̱nk quiqꞌueheꞌ xmusikꞌ nak quiyoꞌobtesi̱c xban li Dios. (Gén. 2:7) Abanan li xcab Adán, aꞌ li Ka̱cuaꞌ Jesucristo, aꞌan musikꞌej ut aꞌan li naqꞌuehoc kayuꞌam chi junelic.