San Juan 5:18 - Li Santil hu

¹⁸ Kꞌaxal cuiꞌchic queꞌjoskꞌoꞌ laj judío riqꞌuin aꞌin. Joꞌcan nak queꞌraj xcamsinquil xban nak moco caꞌaj ta cuiꞌ naxkꞌet lix chakꞌrabeb nak naqꞌuirtesin chiru li hiloba̱l cutan; riqꞌuin aj ban cuiꞌ nak naxjuntakꞌe̱ta rib riqꞌuin li Dios nak naxye nak li Dios, aꞌan lix Yucuaꞌ.

Q'eqchi Bible

¹⁸ Jo'kan naq eb' laj Judiiy q'axal wi' chik neke'raj raj xkamsinkil xb'aan naq moko ka'aj ta wi' naxq'et li sábado, naxye aj b'an wi' naq li Yos a'an li xYuwa' ut naxjuntaq'eeta rib' rik'in li Yos.

San Juan 5:18 ပူးပေါင်းရင်းမြစ်များ

San Juan 10:33

Eb aꞌan queꞌchakꞌoc ut queꞌxye: —Incꞌaꞌ tatkacut chi pec xban li cha̱bilal xaba̱nu. Tatkacut chi pec xban nak nacajuntakꞌe̱ta a̱cuib riqꞌuin li Dios. La̱at yal cui̱nkat. Moco Diosat ta joꞌ yo̱cat chixyebal, chanqueb re li Jesús.

San Juan 10:30

La̱in ut li Yucuaꞌbej junajo chi kibil kib, chan li Jesús.

San Juan 19:7

Abanan eb laj judío queꞌxye: —La̱o cuan kachakꞌrab ut li kachakꞌrab naxye nak ta̱camsi̱k xban nak aꞌan quixqꞌue rib chokꞌ Ralal li Dios.—

San Juan 8:58

Li Jesús quichakꞌoc ut quixye reheb: —Relic chi ya̱l tinye e̱re nak chalen chak saꞌ xticlajic nak toj ma̱jiꞌ nayoꞌla laj Abraham, ac cuanquin ajcuiꞌ chak la̱in, chan li Jesús.

San Juan 14:23

Quichakꞌoc li Jesús ut quixye re: —La̱in tincꞌutbesi cuib chiruheb li nequeꞌrahoc cue ut nequeꞌxba̱nu li cꞌaꞌru ninye. Eb aꞌan teꞌrahekꞌ xban lin Yucuaꞌ. La̱in ut lin Yucuaꞌ toxic riqꞌuineb ut tocua̱nk riqꞌuineb.

San Juan 5:23

Quixba̱nu chi joꞌcan re nak chixjunileb teꞌxqꞌue inlokꞌal joꞌ nak nequeꞌxqꞌue xlokꞌal li Yucuaꞌbej. Li ani incꞌaꞌ naxqꞌue inlokꞌal la̱in li Cꞌajolbej, incꞌaꞌ ajcuiꞌ naxqꞌue xlokꞌal li Yucuaꞌbej li quitaklan chak cue.

Filipenses 2:6

Li Jesucristo tzꞌakal Dios, aban incꞌaꞌ quicꞌoxlac xcanabanquil lix lokꞌal.

Apocalipsis 22:3

Aran ma̱cꞌaꞌak chic ma̱usilal. Lix lokꞌlaj cꞌojariba̱l li Dios ta̱cua̱nk aran ut ta̱cua̱nk ajcuiꞌ lix lokꞌlaj cꞌojariba̱l li Jun li chanchan carner. Ut eb laj cꞌanjel chiru teꞌlokꞌoni̱nk re.

Apocalipsis 22:1

Ut li ángel quixcꞌut chicuu li nimaꞌ li naqꞌuehoc yuꞌam chi junelic. Li haꞌ sak sak ru. Chanchan lem. Na-el chak cuan cuiꞌ lix lokꞌlaj cꞌojariba̱l li Dios ut li Jun li chanchan carner.

San Juan 8:54

Li Jesús quixye reheb: —Cui la̱in tinqꞌue inlokꞌal injunes, ma̱cꞌaꞌ na-oc cuiꞌ lin lokꞌal. Li naqꞌuehoc lin lokꞌal, aꞌan lin Yucuaꞌ li nequeye la̱ex nak aꞌan le̱ Dios.

San Juan 7:19

¿Ma incꞌaꞌ ta biꞌ quixqꞌue e̱re li chakꞌrab laj Moisés? ¿Cꞌaꞌut nak ma̱ jun saꞌ e̱ya̱nk naxba̱nu chi tzꞌakal li cꞌaꞌru naxye li chakꞌrab? Ut, ¿cꞌaꞌut nak te̱raj incamsinquil? chan li Jesús.

San Juan 7:1

Chirix chic aꞌan, li Jesús yo̱ chixbeninquileb li naꞌajej li cuanqueb Galilea. Incꞌaꞌ quiraj xic Judea xban nak eb li nequeꞌtaklan saꞌ xya̱nkeb laj judío teꞌraj xcamsinquil.

San Juan 5:16

Eb li nequeꞌtaklan saꞌ xya̱nkeb laj judío xicꞌ queꞌril li Jesús xban nak naqꞌuirtesin saꞌ li hiloba̱l cutan. Ut queꞌraj xcamsinquil.

Zacarías 13:7

Li nimajcual Dios quixye: —Tincanab chi camsi̱c laj ilol reheb li carner. Tinkꞌaxtesi re ca̱mc li natenkꞌan cue. Ta̱camsi̱k laj ilol reheb li carner ut eb li carner teꞌxchaꞌchaꞌi ribeb. Ut tincꞌut injoskꞌil chiruheb li carner.

San Juan 14:9

Li Jesús quixye re: —At Felipe, ac junxil nin-oc saꞌ e̱ya̱nk. ¿Ma toj ma̱jiꞌ nequenau cuu? Li ani nanaꞌoc cuu la̱in, aꞌan naxnau ajcuiꞌ ru li Yucuaꞌbej. ¿Cꞌaꞌut nak nacaye cue, “Cꞌut chiku li Yucuaꞌbej?”

San Mateo 12:5

Ut, ¿ma incꞌaꞌ e̱rilom saꞌ lix chakꞌrab laj Moisés nak eb laj tij ma̱cꞌaꞌ xma̱queb nak nequeꞌxkꞌet li hiloba̱l cutan nak nequeꞌcꞌanjelac saꞌ rochoch li Dios?

San Juan 1:19

Eb laj judío li cuanqueb Jerusalén queꞌxtaklaheb laj tij ut eb laj levita chixpatzꞌbal re laj Juan, ut queꞌxye re: —¿Anihat la̱at? ¿Ma la̱at li Cristo li taklanbil chak xban li Dios? chanqueb re.

San Juan 5:15

Qui-el li cui̱nk riqꞌuin li Jesús ut quixye resil reheb li nequeꞌtaklan saꞌ xya̱nkeb laj judío nak li Jesús, aꞌan li quiqꞌuirtesin re.

San Juan 5:17

Li Jesús quixye reheb: —Lin Yucuaꞌ toj yo̱ chixtenkꞌanquileb li cristian ut tento ajcuiꞌ nak tintenkꞌaheb la̱in, chan.