San Juan 5:15 - Li Santil hu

¹⁵ Qui-el li cui̱nk riqꞌuin li Jesús ut quixye resil reheb li nequeꞌtaklan saꞌ xya̱nkeb laj judío nak li Jesús, aꞌan li quiqꞌuirtesin re.

Q'eqchi Bible

¹⁵ Koho li winq ut koxye reheb' laj Judiiy naq a' li Jesus xk'irtasink re.

San Juan 5:15 ပူးပေါင်းရင်းမြစ်များ

San Juan 4:29

—Yoꞌkeb chicuix chirilbal jun li cui̱nk quixye cue chixjunil lin yehom inba̱nuhom. Ma̱re aꞌan li Cristo li yo̱co chiroybeninquil, chan.

San Juan 9:34

Eb aꞌan queꞌchakꞌoc ut queꞌxye re: —La̱at aj ma̱c chalen chak saꞌ a̱yoꞌlajic. ¿Ma nacacꞌoxla nak naru ta̱qꞌue kanaꞌleb la̱o? chanqueb. Ut queꞌrisi li cui̱nk saꞌ xya̱nkeb ut incꞌaꞌ chic queꞌxcꞌul.

San Juan 9:30

Li cui̱nk quixye reheb: —La̱ex nequeye nak incꞌaꞌ nequenau bar xchal chak li cui̱nk aꞌan. Nasach inchꞌo̱l e̱ban xban nak li cui̱nk aꞌan xqꞌuehoc cue chi iloc la̱in.

San Juan 9:25

Li cui̱nk, li mutzꞌ nak quicuan, quixye reheb: —La̱in incꞌaꞌ ninnau ma aj ma̱c malaj ut incꞌaꞌ. Caꞌaj cuiꞌ li ninnau la̱in nak mutzꞌin nak xincuan ut anakcuan nin-iloc chic, chan.

San Juan 9:15

Ut eb laj fariseo queꞌxpatzꞌ cuiꞌchic re li cui̱nk chanru nak quiteli li xnakꞌ ru. Li cui̱nk quixye reheb: —Li Jesús quixqꞌue li sulul saꞌ rix cuu, ut quinchꞌaj li cuu ut anakcuan nin-iloc chic, chan.

San Juan 5:12

Queꞌxpatzꞌ re: —¿Ani li cui̱nk li xyehoc a̱cue nak ta̱xoc la̱ cuarib ut tatbe̱k? chanqueb.

San Juan 1:19

Eb laj judío li cuanqueb Jerusalén queꞌxtaklaheb laj tij ut eb laj levita chixpatzꞌbal re laj Juan, ut queꞌxye re: —¿Anihat la̱at? ¿Ma la̱at li Cristo li taklanbil chak xban li Dios? chanqueb re.

San Marcos 1:45

Co̱ li cui̱nk ut quilajxserakꞌi reheb chixjunil chanru nak quiqꞌuira. Riqꞌuin aꞌan incꞌaꞌ chic naxqꞌue rib na-oc li Jesús saꞌ eb li tenamit xban nak li qꞌuila tenamit yo̱queb chixsicꞌbal li Jesús. Quicana ban saꞌ jun li naꞌajej bar ma̱cꞌaꞌ cuiꞌ nabal li cristian ut aran quilajeꞌcuulac riqꞌuin li nequeꞌchal chak yalak bar.

San Juan 5:10

Queꞌoc chi cuechꞌi̱nc li nequeꞌtaklan saꞌ xya̱nkeb laj judío. Queꞌxye re li cui̱nk li quiqꞌuira: —Hiloba̱l cutan anakcuan. Yo̱cat chixkꞌetbal li kachakꞌrab xban nak yo̱cat chixcꞌambal la̱ cuarib chiru li hiloba̱l cutan, chanqueb.

San Juan 5:16

Eb li nequeꞌtaklan saꞌ xya̱nkeb laj judío xicꞌ queꞌril li Jesús xban nak naqꞌuirtesin saꞌ li hiloba̱l cutan. Ut queꞌraj xcamsinquil.

San Juan 5:18

Kꞌaxal cuiꞌchic queꞌjoskꞌoꞌ laj judío riqꞌuin aꞌin. Joꞌcan nak queꞌraj xcamsinquil xban nak moco caꞌaj ta cuiꞌ naxkꞌet lix chakꞌrabeb nak naqꞌuirtesin chiru li hiloba̱l cutan; riqꞌuin aj ban cuiꞌ nak naxjuntakꞌe̱ta rib riqꞌuin li Dios nak naxye nak li Dios, aꞌan lix Yucuaꞌ.