San Juan 5:14 - Li Santil hu

¹⁴ Mokon chic li Jesús quixtau cuiꞌchic li cui̱nk saꞌ li templo ut quixye re: —Chaqꞌuehak retal nak xatqꞌuira. Canab xba̱nunquil li incꞌaꞌ us ma̱re anchal ta̱cha̱lk junak chic nimla raylal saꞌ a̱be̱n, chan li Jesús re.

Q'eqchi Bible

¹⁴ Moqon chik li Jesus kixtaw li winq sa' rochoch li Yos ut kixye re: —K'e reetal, xatk'iraak. Matmaakob'k chik re naq michalk sa' aab'een junaq rahilal q'axal ra chik chiru a'an.

San Juan 5:14 ပူးပေါင်းရင်းမြစ်များ

San Juan 8:11

Ut li ixk quixye re: —Ma̱ jun, Ka̱cuaꞌ.— Ut li Jesús quixye re: —Chi moco la̱in tatinqꞌue chixtojbal a̱ma̱c. Ayu ut matma̱cob chic, chan.

Salmos 118:18

Li Ka̱cuaꞌ xinixcanab chixcꞌulbal li raylal xban li ma̱c xinba̱nu. Abanan incꞌaꞌ xinixcanab chi ca̱mc.

Nehemías 9:28

Abanan nak ac sa chic saꞌ xchꞌo̱leb nak cuanqueb, nequeꞌoc cuiꞌchic chixba̱nunquil li ma̱usilal cha̱cuu. Joꞌcan nak nacacanabeb cuiꞌchic saꞌ rukꞌeb li xicꞌ nequeꞌiloc reheb. Ut eb aꞌan nequeꞌoc cuiꞌchic xtzꞌa̱manquil xtenkꞌanquil a̱cue. Ut la̱at xban nak kꞌaxal nim la̱ cuusilal, toj saꞌ choxa nacacuabi lix tijeb ut nabal sut xacoleb chiruheb li xicꞌ nequeꞌiloc reheb.

San Mateo 12:45

Ut li ma̱us aj musikꞌej naxsicꞌ cuukub chic chi ma̱us aj musikꞌej kꞌaxal cuiꞌchic numtajenak xma̱usilaleb chiru aꞌan. Nequeꞌoc chi cua̱nc riqꞌuin li cui̱nk. Ut lix naꞌleb li cui̱nk aꞌan numtajenakak chic xyibal ru chiru nak xcuan chak junxil. Ut joꞌcan ajcuiꞌ te̱cꞌul la̱ex li numtajenak le̱ ma̱usilal.

Levítico 26:27

Cui toj te̱kꞌetkꞌeti e̱rib chicuu nak ac xecꞌul li raylal aꞌin, ut incꞌaꞌ te̱ba̱nu li cꞌaꞌru ninye,

San Marcos 2:5

Li Jesús quixqꞌue retal nak eb li cui̱nk aꞌan queꞌxpa̱b nak naru tixqꞌuirtesi li yaj. Joꞌcan nak quixye re li yaj: —At cui̱nk, cuybil sachbil chic la̱ ma̱c, chan.

Isaías 38:20

At Ka̱cuaꞌ, la̱at tatcolok cue. Takachꞌeꞌ li ka-arpa ut takabicha la̱ lokꞌal. Takabicha la̱ lokꞌal saꞌ la̱ templo joꞌ najtil yoꞌyo̱ko, chan laj Ezequías.

Salmos 27:6

Ut xban nak ac xinixcol li Ka̱cuaꞌ la̱in tinnumta̱k saꞌ xbe̱neb li xicꞌ nequeꞌiloc cue, ut xban xsahil inchꞌo̱l tinmayejak saꞌ rochoch li Dios ut tinbicha̱nk chi sa saꞌ inchꞌo̱l re xlokꞌoninquil li Ka̱cuaꞌ.

San Juan 5:5

Cuan jun li cui̱nk aran cuakxaklaju xcaꞌcꞌa̱l (38) chihab roquic lix yajel.

2 Crónicas 28:22

Usta cuan saꞌ raylal li rey Acaz, abanan kꞌaxal cuiꞌchic quima̱cob chiru li Ka̱cuaꞌ.

Salmos 9:13

At Ka̱cuaꞌ, chacuuxta̱na cuu. China̱cuil taxak xban nak cuanquin saꞌ raylal xbaneb li xicꞌ nequeꞌiloc cue. La̱at, at Ka̱cuaꞌ, china̱col chiru li ca̱mc,

1 Pedro 4:3

Tzꞌakal taxak li ma̱c li xeba̱nu chak. Xeba̱nu joꞌ nequeꞌxba̱nu li incꞌaꞌ nequeꞌpa̱ban chiru li Dios. Junxil nasemsot le̱ chꞌo̱l riqꞌuin li joꞌ ma̱joꞌil naꞌleb. Xeba̱nu chak li cala̱c ut li ninkꞌei̱c. Xeba̱nu chak li numcuaꞌac num ucꞌac. Ut xeba̱nu ajcuiꞌ li tzꞌekbe̱talil aj naꞌleb. Xuta̱nal xeba̱nu chak junxil nak xenima chak ruheb li yi̱banbil dios.

Levítico 7:12

Li ani tixqꞌue lix mayej re xbantioxinquil chiru li Ka̱cuaꞌ tixqꞌue li caxlan cua li ma̱cꞌaꞌ xchꞌamal junajinbil riqꞌuin aceite, malaj ut tixqꞌue ajcuiꞌ li caxlan cua chi jay li ma̱cꞌaꞌ xchꞌamal ut tixqꞌue aceite saꞌ xbe̱n. Tixqꞌue ajcuiꞌ li caxlan cua yi̱banbil riqꞌuin cha̱bil cꞌaj, yokꞌinbil chi us ut junajinbil riqꞌuin aceite.

Isaías 38:22

Laj Ezequías quixpatzꞌ: —¿Cꞌaꞌru li retalil tixcꞌutbesi chicuu nak la̱in tinxic cuiꞌchic saꞌ lix templo li Ka̱cuaꞌ? chan.

San Juan 5:13

Li cui̱nk li quiqꞌuirtesi̱c incꞌaꞌ naxnau ani ta aꞌan, xban nak kꞌaxal nabaleb li cuanqueb aran ut li Jesús ac x-el saꞌ xya̱nkeb.

Levítico 13:20

Laj tij ta̱ril lix ra ut cui cham xsaꞌ ut sak chic li rismal chiru lix ra, laj tij tixye nak muxbil ru li yaj. Xsukꞌi saklep li xox li qui-el chirix.

Salmos 18:22

La̱in cuan saꞌ inchꞌo̱l chixjunil lix chakꞌrab li Dios. Ut ma̱ jun cua xincanab xba̱nunquil.