San Juan 5:1 - Li Santil hu

¹ Chirix chic aꞌin, li Jesús co̱ Jerusalén saꞌ li ninkꞌe li nequeꞌxba̱nu eb laj judío.

Q'eqchi Bible

¹ Chirix chik a'in kiwank xninq'eheb' laj Judiiy, ut li Jesus kitaqe'k Jerusalén.

San Juan 5:1 ပူးပေါင်းရင်းမြစ်များ

Deuteronomio 16:16

Oxib sut chiru li chihab chixjunileb li cui̱nk teꞌxic chiru li Ka̱cuaꞌ le̱ Dios saꞌ li naꞌajej li tixsicꞌ ru. Aꞌaneb aꞌin li oxib sut: li ninkꞌe nak nequecuaꞌ li caxlan cua li ma̱cꞌaꞌ xchꞌamal, li ninkꞌe nak nequemayeja li xbe̱n ru le̱ racui̱mk, ut li ninkꞌe nak nequeyi̱b le̱ cocꞌ muheba̱l riqꞌuin rukꞌ cheꞌ. Ma̱ ani tixcꞌut rib chiru li Ka̱cuaꞌ chi ma̱cꞌaꞌ li tixcꞌam chokꞌ xmayej.

Éxodo 34:23

Oxib sut chiru li jun chihab che̱junilex la̱ex cui̱nk texxic saꞌ li tabernáculo chinlokꞌoninquil. La̱in li Ka̱cuaꞌ Dios. La̱in le̱ Dios la̱ex aj Israel.

San Juan 2:13

Nak ac yo̱ chi cuulac xkꞌehil li Pascua, lix ninkꞌe eb laj judío, li Jesús quicuulac Jerusalén.

Gálatas 4:4

Abanan nak quicuulac xkꞌehil, li Dios quixtakla li Ralal chi yoꞌla̱c saꞌ ruchichꞌochꞌ riqꞌuin jun li ixk. Ut quicuan ajcuiꞌ rubel xcuanquil li najter chakꞌrab.

San Mateo 3:15

Ut li Jesús quichakꞌoc ut quixye re: —Us takaba̱nu anakcuan xban nak tento ta̱uxma̱nk chixjunil li cꞌaꞌru naxye li Dios, chan. Tojoꞌnak quixcꞌu̱luban xchꞌo̱l laj Juan.

Deuteronomio 16:1

Saꞌ li po Abib te̱ba̱nu li ninkꞌe Pascua re xlokꞌoninquil li Ka̱cuaꞌ le̱ Dios xban nak chiru li po Abib quexrisi chak li Ka̱cuaꞌ saꞌ li naꞌajej Egipto chiru kꞌojyi̱n.