San Juan 4:7 - Li Santil hu

⁷ Quicuulac jun li ixk aj Samaria chirisinquil xhaꞌ. Ut li Jesús quixye re: —Si bayak cuucꞌa, chan.

Q'eqchi Bible

^7-8 Eb' li xtzolom ak xkoheb' chik sa' li tenamit chi xloq'b'al xtzekemqeb'. Toja' naq jun li ixq aj Samaria kiwulak chi risinkil xha', ut li Jesus kixye re: —K'e b'ayaq wuk'a'.

San Juan 4:7 ပူးပေါင်းရင်းမြစ်များ

San Mateo 10:42

Li ani tixqꞌue jun secꞌak rucꞌa junak reheb lin tzolom usta cubenak xcuanquil, cui tixqꞌue li rucꞌa xban nak aꞌan intzolom, relic chi ya̱l ninye e̱re nak li jun aꞌan tixcꞌul lix kꞌajca̱munquil.

1 Reyes 17:10

Joꞌcan nak laj Elías qui-el saꞌ li naꞌajej aꞌan ut co̱ saꞌ li tenamit Sarepta. Nak quicuulac saꞌ li oqueba̱l re li tenamit, quiril jun li xma̱lcaꞌan yo̱ chixxocbal xsiꞌ. Quixbok li ixk ut quixye re: —Ba̱nu usilal, cꞌam chak bayak inhaꞌ re tincuucꞌ, chan re.

Génesis 24:43

Anakcuan xakxo̱quin arin chire li haꞌ. Ut yo̱queb chi cha̱lc eb li xkaꞌal chixcꞌambal lix haꞌ. La̱in tinye re junak li xkaꞌal, ‘Ba̱nu usilal, cubsi la̱ cuc. Si bayak cuucꞌa’, chaꞌkin re.

San Juan 4:10

Li Jesús quixye re: —Cui ta nacanau cꞌaꞌru li ma̱tan li naxqꞌue li Dios, ut cui ta nacanau anihin la̱in li yo̱quin chixtzꞌa̱manquil cuucꞌa a̱cue, la̱at ta̱tzꞌa̱ma raj a̱cuucꞌa cuiqꞌuin ut tinqꞌue raj a̱cue li haꞌ li naqꞌuehoc junelic yuꞌam, chan li Jesús.

San Juan 19:28

Chirix chic aꞌan quixnau li Jesús nak ac xtzꞌakloc ru chixjunil. Re nak ta̱tzꞌaklok ru li tzꞌi̱banbil saꞌ li Santil Hu, li Jesús quixye: —Ta̱chakik cue, chan.

Génesis 24:17

Lix mo̱s laj Abraham co̱ saꞌ junpa̱t chi a̱tinac riqꞌuin lix Rebeca. Ut quixye re: —Ba̱nu usilal, si bayak cuucꞌa li cuan saꞌ la̱ cuc. Ta̱chakik cue, chan li mo̱s.

San Juan 4:6

Ut aran cuan jun li becbil haꞌ li quixtakla xbecbal laj Jacob najter. Cuaꞌleb na chic quicuulac aran li Jesús. Quicꞌojla chire li becbil haꞌ chi hila̱nc xban nak quilub chi be̱c.

San Juan 4:8

Ut eb lix tzolom li Jesús ac xco̱eb saꞌ tenamit chixlokꞌbal lix tzacae̱mkeb.