San Juan 4:46 - Li Santil hu

⁴⁶ Li Jesús co̱ cuiꞌchic saꞌ li tenamit Caná re Galilea li quixsukꞌisi cuiꞌ li haꞌ chokꞌ vino. Ut aran Capernaum cuan jun li cui̱nk aj cꞌanjel chiru li rey. Yaj li ralal.

Q'eqchi Bible

⁴⁶ Kiwulak wi' chik Kanahán, sa' xteepal Galilea b'arwi' kixjaltesi li ha' cho'q b'iin. Ut jun li winq aj k'anjel chiru li awab'ej wank li ralal yaj aran Kafarnaúm.

San Juan 4:46 ပူးပေါင်းရင်းမြစ်များ

San Lucas 8:42

Jun ajcuiꞌ lix rabin chiru. Cablaju chihab na cuan re. Ut eb li cristian yo̱queb chixlatzꞌanquil li Jesús nak yo̱ chi xic.

San Lucas 7:2

Ut aran cuan jun li capitán aj Roma cuan jun lix mo̱s kꞌaxal naxra. Yaj ut ca̱mc re.

San Mateo 15:22

Ut cuan jun li ixk aj Canaán quichal saꞌ li naꞌajej aꞌan. Japjo re chixyebal: —Ka̱cuaꞌ, Ralalat laj David, chacuuxta̱na taxak cuu. Lin coꞌ cꞌajoꞌ nak yo̱ chi tacuasi̱c xban li ma̱us aj musikꞌej, chan.

San Mateo 9:18

Nak yo̱ chixyebal li cꞌaꞌak re ru aꞌin reheb, quicuulac riqꞌuin jun li cui̱nk xcomoneb li xbe̱nil saꞌ li cab li nequeꞌxchꞌutub cuiꞌ ribeb laj judío. Quixcuikꞌib rib chiru li Jesús ut quixye re: —Lin rabin tojeꞌ ta̱ca̱mk. Tatxic taxak ut ta̱qꞌue raj la̱ cuukꞌ saꞌ xbe̱n, ut ta̱yoꞌla̱k raj cuiꞌchic, chan.

Oseas 5:15

Tintzꞌekta̱naheb ut tincanabeb xjuneseb toj teꞌxqꞌue retal lix ma̱queb ut teꞌoc chinsicꞌbal. Toj cuanqueb saꞌ raylal, tojoꞌnak teꞌxqꞌue retal lix ma̱usilaleb ut teꞌsukꞌi̱k cuiqꞌuin, chan li Ka̱cuaꞌ.

Salmos 50:15

Chine̱ya̱bak nak cua̱nkex saꞌ raylal ut la̱in texincol ut la̱ex te̱qꞌue inlokꞌal, chan li Dios.

San Juan 21:2

Chꞌutchꞌu̱queb laj Simón Pedro ut laj Tomás li nayeheꞌ lut re, ut laj Natanael, Caná xtenamit li cuan saꞌ xcue̱nt Galilea. Cuanqueb ajcuiꞌ aran li ralal laj Zebedeo ut cuibeb chic lix tzolom li Jesús.

Salmos 78:34

Nequeꞌril nak li Dios naxcanabeb chi ca̱mc, tojeꞌ nak nequeꞌoc chixsicꞌbal li Dios. Nayotꞌeꞌ xchꞌo̱leb ut nequeꞌxtzꞌa̱ma xtenkꞌanquileb chiru.

Josué 19:28

Nacuulac toj saꞌ eb li tenamit Hebrón, Rehob, Hamón ut Caná. Nacuulac toj cuan cuiꞌ li nimla tenamit Sidón.

San Mateo 4:13

Qui-el Nazaret ut co̱ Capernaum. Ut aran quicana. Li tenamit aꞌan cuan chire li palau saꞌ xchꞌochꞌeb laj Zabulón ut eb aj Neftalí.

San Lucas 4:23

Ut li Jesús quixye reheb: —Ma̱re te̱ye cue jun li a̱tin li naxye: “At aj banonel, ban a̱cuib a̱junes. La̱o xkabi resil nak nabal li cꞌaꞌak re ru xaba̱nu Capernaum. ¿Cꞌaꞌut nak incꞌaꞌ ta̱ba̱nu aꞌan arin saꞌ la̱ tenamit?” ma̱re chaꞌkex cue.

San Juan 2:12

Chirix chic aꞌan co̱ Capernaum li Jesús rochben lix naꞌ ut eb li ri̱tzꞌin. Queꞌco̱eb ajcuiꞌ lix tzolom ut queꞌcana aran cuib oxib cutan.