San Juan 4:42 - Li Santil hu

⁴² Ut queꞌxye re li ixk: —Anakcuan nakapa̱b, moco xban ta li cꞌaꞌru xaye ke. La̱o xkabi chi tzꞌakal li cꞌaꞌru xye ut nakanau nak aꞌan tzꞌakal li Cristo laj Colol re li cuanqueb saꞌ ruchichꞌochꞌ, chanqueb.

Q'eqchi Bible

⁴² ut neke'xyehatq re li ixq: —Anaqwan naqapaab' moko xb'aan ta li k'aru xaye qe. Laa'o tz'aqal xqab'i ut naqanaw naq a'an tz'aqal laj Kolol re li ruuchich'och'.

San Juan 4:42 ပူးပေါင်းရင်းမြစ်များ

1 Juan 4:14

La̱o lix apóstol li Jesucristo. Quikil ru li Jesucristo. Ut nakachꞌolob xya̱lal nak li Acuabej Dios quixtakla chak li Ralal chixcolbaleb li cuanqueb saꞌ ruchichꞌochꞌ.

1 Juan 5:20

Ut la̱o nakanau nak li Ralal li Dios quicꞌulun saꞌ ruchichꞌochꞌ. Quixqꞌue kanaꞌleb re xnaubal bar cuan li tzꞌakal Dios. Ut junajo chic riqꞌuin li tzꞌakal Dios xban nak xkapa̱b li Jesucristo li Ralal li Dios. Aꞌan li naqꞌuehoc ke li yuꞌam chi junelic.

San Juan 1:29

Joꞌ cuulajak chic laj Juan quiril li Jesús yo̱ chak chi cha̱lc riqꞌuin ut quixye: —Ilomak. Cueꞌ chak li Cristo, li taklanbil chak xban li Dios. Chanchan jun li carner. Ta̱camsi̱k re xtojbal rix lix ma̱queb li cuanqueb saꞌ ruchichꞌochꞌ.

1 Timoteo 4:10

Xban nak li yoꞌyo̱quil Dios, aꞌan li kayoꞌon, joꞌcan nak yo̱co xyalbal kakꞌe chi cꞌanjelac chiru. Aꞌan naxyechiꞌi li colba-ib reheb chixjunileb. Abanan, caꞌaj cuiꞌ li ani teꞌpa̱ba̱nk re, aꞌaneb li teꞌcolekꞌ.

2 Corintios 5:19

Aꞌan aꞌin li yo̱quin chixyebal: Li Dios coxcꞌam cuiꞌchic saꞌ usilal riqꞌuin saꞌ xcꞌabaꞌ li Cristo. Ut incꞌaꞌ chic naxqꞌue saꞌ xchꞌo̱l li kama̱c. Li Dios quixkꞌaxtesi ke li cꞌanjel aꞌin re nak takachꞌolob xya̱lal re nak li ani teꞌpa̱ba̱nk teꞌcꞌamekꞌ saꞌ usilal riqꞌuin li Dios.

Hechos 4:12

Ut ma̱ ani chic aj iqꞌuin ta̱ru̱k takatau kacolbal, xban nak ma̱cꞌaꞌ chic junak cꞌabaꞌej saꞌ chixjunil li ruchichꞌochꞌ qꞌuebil ta ke re ta̱ru̱k tocolekꞌ cuiꞌ, chan laj Pedro.

San Juan 17:8

La̱in xinye reheb li cꞌaꞌru xaye cue ut xeꞌxcꞌul li cua̱tin. Xeꞌxqꞌue retal nak relic chi ya̱l a̱cuiqꞌuin xinchal chak ut xeꞌxpa̱b nak la̱at xattaklan chak cue.

San Juan 4:29

—Yoꞌkeb chicuix chirilbal jun li cui̱nk quixye cue chixjunil lin yehom inba̱nuhom. Ma̱re aꞌan li Cristo li yo̱co chiroybeninquil, chan.

Isaías 45:22

Cha̱lkex cuiqꞌuin re nak texcolekꞌ che̱junilex li cuanquex saꞌ ruchichꞌochꞌ xban nak la̱in li tzꞌakal Dios ut ma̱cꞌaꞌ chic junak dios. Caꞌaj cuiꞌ la̱in.

San Lucas 2:32

Aꞌan li ta̱cutanobresi̱nk re lix cꞌaꞌuxeb li ma̱cuaꞌeb aj Israel ut aꞌan lix lokꞌaleb la̱ tenamit Israel, chan laj Simeón.

San Juan 11:17

Nak quicuulac li Jesús aran Betania, ac cuan chic ca̱hib cutan xmukbal laj Lázaro.

San Mateo 1:21

Ta̱cua̱nk jun lix cꞌulaꞌal chꞌina te̱lom. Ut Jesús ta̱qꞌue chokꞌ xcꞌabaꞌ xban nak aꞌan ta̱colok re lix tenamit saꞌ lix ma̱queb, chan.

Isaías 52:10

Li Ka̱cuaꞌ tixcꞌutbesi lix cuanquil chiruheb li xni̱nkal tenamit. Ut chixjunileb li cuanqueb saꞌ ruchichꞌochꞌ teꞌxqꞌue retal nak li Ka̱cuaꞌ, aꞌan xcoloc ke.

San Juan 4:41

Ut kꞌaxal cuiꞌchic nabaleb li queꞌpa̱ban re li Jesús xban nak queꞌrabi li cꞌaꞌru quixye.

Hechos 5:31

Li Jesús, aꞌan li quiqꞌueheꞌ xlokꞌal xban li Dios ut quiqꞌueheꞌ chi cꞌojla̱c saꞌ xnim ukꞌ ut quiqꞌueheꞌ xcuanquil chi takla̱nc ut chi coloc, re nak laj Israel naru teꞌyotꞌekꞌ xchꞌo̱leb teꞌxjal xcꞌaꞌux ut teꞌcuyekꞌ xma̱queb.

Hechos 13:23

Ut saꞌ xya̱nkeb li ralal xcꞌajol aꞌan, li Dios quixqꞌue chi yoꞌla̱c li Jesús laj Colol re li tenamit Israel joꞌ quixyechiꞌi reheb.

1 Juan 2:2

Li Jesucristo quicam re xtojbal rix li kama̱c. Moco caꞌaj ta cuiꞌ xban li kama̱c la̱o. Quicam aj ban cuiꞌ re xtojbal rix xma̱queb chixjunileb li cuanqueb saꞌ ruchichꞌochꞌ.