San Juan 4:36 - Li Santil hu

³⁶ Laj kꞌolonel naxcꞌul xtojbal ut nasahoꞌ saꞌ xchꞌo̱l rochben laj acuinel. Joꞌcan ajcuiꞌ li ani naxchꞌolob xya̱lal re nak teꞌpa̱ba̱nk li cristian. Li jun aꞌan ta̱cua̱nk lix kꞌajca̱munquil xban nak cua̱nkeb li teꞌre̱chani li junelic yuꞌam saꞌ xcꞌabaꞌ aꞌan.

Q'eqchi Bible

³⁶ Laj q'olonel naxk'ul li xtojb'al ut naxxok ru li awimq re li junelik yu'am; jo'kan naq laj awinel ut laj q'olonel neke'saho'k sa' xch'ool chi xkab'ichaleb'.

San Juan 4:36 ပူးပေါင်းရင်းမြစ်များ

Romanos 1:13

Ex herma̱n, nacuaj nak te̱nau nak nabal sut nincꞌoxla raj xic e̱riqꞌuin, abanan toj ma̱jiꞌ naru ninxic. Ma̱re cuan raj teꞌpa̱ba̱nk aran nak teꞌrabi ra̱tin li Dios li tinchꞌolob xya̱lal chiruheb joꞌ nak queꞌpa̱ban chak chicuu saꞌ eb li tenamit quinnumeꞌ cuiꞌ chak.

Romanos 6:22

Anakcuan colbilex chic chiru li ma̱c ut kꞌaxtesinbilex chic chi cꞌanjelac chiru li Dios. Ut le̱ kꞌajca̱munquil aꞌan le̱ santobresinquil ut le̱ yuꞌam chi junelic.

Daniel 12:3

Ut eb li cuanqueb xnaꞌleb, li queꞌcꞌutuc re li ti̱quilal chiruheb li tenamit, teꞌqꞌuehekꞌ xlokꞌal chi junelic. Chanchanakeb li sakꞌe ut li chahim li nalemtzꞌun chiru li choxa.

Proverbios 11:30

Li ti̱quilal naqꞌuehoc yuꞌam. Li ani cuan xnaꞌleb naxchꞌolob xya̱lal re nak jalaneb chic teꞌxtau li junelic yuꞌam.

1 Timoteo 4:16

Qꞌue retal chi us li cꞌaꞌru ta̱ba̱nu joꞌ ajcuiꞌ li cꞌaꞌru ta̱tzoleb cuiꞌ. Cui ta̱ba̱nu chi joꞌcan, tatcolekꞌ la̱at ut teꞌcolekꞌ ajcuiꞌ li ani teꞌabi̱nk re li cꞌaꞌru ta̱ye.

1 Ts 2:19

¿Cꞌaꞌru nakoybeni ut cꞌaꞌru lix saylal li kachꞌo̱l? ¿Ut cꞌaꞌru li tokꞌajca̱mu̱k cuiꞌ nak tol-e̱lk cuiꞌchic li Ka̱cuaꞌ Jesucristo? ¿Ma incꞌaꞌ ta biꞌ saꞌ e̱cꞌabaꞌ la̱ex takacꞌul li kakꞌajca̱munquil?

Proverbios 11:18

Li ma̱tan li nequeꞌxcꞌul li incꞌaꞌ useb xnaꞌleb nalaj na-osoꞌ. Abanan li ma̱tan li nequeꞌxcꞌul li cuanqueb saꞌ ti̱quilal, aꞌan ma̱cꞌaꞌ rosoꞌjic.

San Mateo 19:29

Li ani naxcanab rochoch, ras ri̱tzꞌin, xnaꞌ xyucuaꞌ, rixakil, ralal xcꞌajol, malaj xchꞌochꞌ saꞌ incꞌabaꞌ la̱in, li jun aꞌan kꞌaxal cuiꞌchic nabal li tixcꞌul chiru li quixcanab ut ta̱re̱chani li junelic yuꞌam.

San Juan 3:36

Li ani napa̱ban re li Cꞌajolbej cuan xyuꞌam chi junelic. Ut li ani incꞌaꞌ napa̱ban re li Cꞌajolbej incꞌaꞌ ta̱cua̱nk xyuꞌam chi junelic. Cuan ban li tojba ma̱c saꞌ xbe̱n, chan laj Juan.

San Juan 4:14

Aꞌut li teꞌucꞌak re li haꞌ tinqꞌue la̱in, ma̱ jokꞌe chic ta̱chakik reheb. Li haꞌ li tinqꞌue la̱in jalan cuiꞌ. Aꞌan li junelic yuꞌam. Chanchan jun li yuꞌam haꞌ li cuan chi junelic. Ma̱cꞌaꞌ rosoꞌjic, chan li Jesús.

San Juan 5:24

Relic chi ya̱l ninye e̱re nak li ani na-abin re li cꞌaꞌru ninye ut naxpa̱b li Dios li quitaklan chak cue, li jun aꞌan cuan xyuꞌam chi junelic. Incꞌaꞌ ta̱xic saꞌ tojba ma̱c xban nak incꞌaꞌ chic tenebanbil li ca̱mc saꞌ xbe̱n. Cua̱nk ban chic xyuꞌam chi junelic.

Romanos 2:7

Li Dios tixqꞌue xyuꞌam chi junelic li ani naxqꞌue xchꞌo̱l chixba̱nunquil li cha̱bilal li naraj li Dios re nak tixtau lix lokꞌal, lix nimanquil ru, ut lix yuꞌam chi junelic.

Romanos 6:23

Lix tojbal rix li ma̱c, aꞌan li ca̱mc. Aban li ma̱tan naxqꞌue ke li Dios, aꞌan li junelic yuꞌam saꞌ xcꞌabaꞌ li Ka̱cuaꞌ Jesucristo laj Colol ke.

1 Corintios 9:17

Cui ta yo̱quin chixba̱nunquil yal xban nak nacuaj la̱in, tinyoꞌoni raj intojbal. Abanan yo̱quin chixba̱nunquil lin cꞌanjel xban nak tenebanbil saꞌ inbe̱n xban li Dios xyebal resil li colba-ib.

1 Corintios 9:18

¿Cꞌaꞌru inkꞌajca̱munquil yo̱quin chixcꞌulbal? Caꞌaj cuiꞌ li sahil chꞌo̱lejil naxqꞌue cue li Dios xban nak ninjultica resil li colba-ib chi ma̱cꞌaꞌ intojbal. La̱in ta̱ru̱k raj tincꞌul intojbal e̱riqꞌuin abanan incꞌaꞌ nacuaj.