San Juan 4:34 - Li Santil hu

³⁴ Li Jesús quixye reheb: —La̱in nasahoꞌ inchꞌo̱l nak ninba̱nu li cꞌaꞌru naraj li quitaklan chak cue ut tinchoy xba̱nunquil lix cꞌanjel. Aꞌan ru̱chil li cua chokꞌ cue la̱in, chan.

Q'eqchi Bible

³⁴ Kixye li Jesus reheb': —Lintzekemq a'an naq tinb'aanu li rajom li kitaqlank chaq we ut tink'e chi yaalo'k ru li xk'anjel.

San Juan 4:34 ပူးပေါင်းရင်းမြစ်များ

San Juan 6:38

La̱in xinchal chak saꞌ choxa re tinba̱nu li cꞌaꞌru naraj li Dios li quitaklan chak cue. Moco xinchal ta chixba̱nunquil li cꞌaꞌru nacuaj la̱in.

San Juan 5:30

La̱in ma̱cꞌaꞌ naru ninba̱nu injunes. La̱in ninrakoc a̱tin joꞌ naxye cue li Yucuaꞌbej. Joꞌcan nak ninrakoc a̱tin saꞌ ti̱quilal. Incꞌaꞌ ninba̱nu li cꞌaꞌru nacuaj la̱in. Ninba̱nu ban li cꞌaꞌru naraj li Yucuaꞌbej li quitaklan chak cue.

Li xHu LAJ JOB 23:12

La̱in incꞌaꞌ xincanab xba̱nunquil li naxye saꞌ lix chakꞌrab. Junelic ban xinba̱nu li kataklanquil xban.

San Juan 17:4

La̱in xinqꞌue a̱lokꞌal arin saꞌ ruchichꞌochꞌ xban nak xinchoy xba̱nunquil li cꞌanjel li xaqꞌue cue re tinba̱nu.

San Juan 19:30

Li Jesús quirucꞌ li vinagre ut quixye: —Anakcuan xtzꞌakloc ru chixjunil.— Quixxulub lix jolom ut quicam.

San Mateo 26:39

Ut quibe̱c chic caꞌchꞌin li Jesús ut quixhupub rib saꞌ chꞌochꞌ ut quitijoc. Ut quixye: —At inYucuaꞌ, cui ta naxqꞌue rib, incꞌaꞌ raj tincꞌul li raylal aꞌin. Abanan chi-uxma̱nk li cꞌaꞌru nacacuaj la̱at ut ma̱cuaꞌ li nacuaj la̱in.—

San Juan 5:36

Li cꞌaꞌru quixchꞌolob laj Juan chicuix, aꞌan ya̱l. Abanan riqꞌuin li cꞌaꞌru ninba̱nu, kꞌaxal cuiꞌchic naxcꞌut chi tzꞌakal anihin la̱in. La̱in ninba̱nu li cꞌaꞌru quixye cue li Yucuaꞌbej. Li cꞌaꞌru ninba̱nu la̱in, aꞌan naxcꞌut nak taklanbilin xban li Yucuaꞌbej.

San Juan 4:32

Li Jesús quixye reheb: —Ma̱cuaꞌ tzacae̱mk nasahoꞌ cuiꞌ inchꞌo̱l. La̱in cuan jun xsahil inchꞌo̱l ut la̱ex incꞌaꞌ nequenau cꞌaꞌut, chan.

San Lucas 19:10

La̱in li Cꞌajolbej xincꞌulun chixsicꞌbal ut chixcolbal li sachenakeb, chan li Jesús.

Salmos 40:8

At inDios, nacuulac chicuu xba̱nunquil li cꞌaꞌru nacacuaj. Junelic cuan saꞌ inchꞌo̱l la̱ chakꞌrab.

Hebreos 12:2

Kaqꞌuehak kachꞌo̱l chixta̱kenquil li Jesucristo laj cꞌamol be chiku. Aꞌan naqꞌuehoc re li kapa̱ba̱l ut naxtzꞌakobresi ru. Usta xuta̱nal li ca̱mc quixcꞌul chiru li cruz, abanan incꞌaꞌ quixqꞌue saꞌ xchꞌo̱l. Ut quixcuy li raylal saꞌ kacꞌabaꞌ la̱o xban nak lix sahilal xchꞌo̱l quiqꞌueheꞌ re mokon. Ut anakcuan cuan saꞌ choxa saꞌ xnim ukꞌ li Dios.

San Lucas 15:10

La̱in ninye e̱re nak joꞌcan ajcuiꞌ eb lix ángel li Dios teꞌsahokꞌ saꞌ xchꞌo̱leb nak junak aj ma̱c ta̱yotꞌekꞌ xchꞌo̱l ut tixjal xcꞌaꞌux.—

Hechos 20:35

Riqꞌuin chixjunil li xinba̱nu, xincꞌut che̱ru chanru xtenkꞌanquileb li teꞌraj tenkꞌa̱c. Chijulticokꞌ ke li quixye li Ka̱cuaꞌ Jesús: Kꞌaxal us li qꞌuehoc chiru li cꞌuluc, chan.

San Juan 6:33

Li tzꞌakal choxahil cua li naxqꞌue li Dios, aꞌan li jun li quichal chak saꞌ choxa ut naxqꞌue li junelic yuꞌam reheb li cuanqueb saꞌ ruchichꞌochꞌ, chan.

San Mateo 3:15

Ut li Jesús quichakꞌoc ut quixye re: —Us takaba̱nu anakcuan xban nak tento ta̱uxma̱nk chixjunil li cꞌaꞌru naxye li Dios, chan. Tojoꞌnak quixcꞌu̱luban xchꞌo̱l laj Juan.

San Lucas 2:49

Quichakꞌoc li Jesús ut quixye re: —¿Cꞌaꞌut nak yo̱quex chinsicꞌbal? ¿Ma incꞌaꞌ ta biꞌ nequenau nak tento tinba̱nu lix cꞌanjel lin Yucuaꞌ? chan li Jesús.

San Juan 8:29

Li ani quitaklan chak cue, aꞌan cuan cuiqꞌuin. Aꞌan incꞌaꞌ quinixcanab injunes xban nak la̱in junelic ninba̱nu li cꞌaꞌru naraj aꞌan, chan li Jesús.

San Juan 19:28

Chirix chic aꞌan quixnau li Jesús nak ac xtzꞌakloc ru chixjunil. Re nak ta̱tzꞌaklok ru li tzꞌi̱banbil saꞌ li Santil Hu, li Jesús quixye: —Ta̱chakik cue, chan.

San Mateo 9:19

Quicuacli li Jesús ut co̱ chirix rochbeneb lix tzolom.