San Juan 4:20 - Li Santil hu

²⁰ Eb li kaxeꞌto̱nil yucuaꞌ la̱o aj Samaria queꞌtijoc chiru li Dios saꞌ li tzu̱l li cuan arin. Abanan la̱ex aj judío nequeye nak toj aran Jerusalén cuan li tzꞌakal naꞌajej re lokꞌoni̱nc. Ye cue bar cuan li tzꞌakal xya̱lal, chan li ixk.

Q'eqchi Bible

²⁰ Eb' li qana' qayuwa' xe'loq'onink sa' xb'een li tzuul a'in ut laa'ex nekeye naq li na'ajej b'arwi' tento li loq'onink a'an Jerusalén.

San Juan 4:20 ပူးပေါင်းရင်းမြစ်များ

Deuteronomio 27:12

—Nak ac xexnumeꞌ jun pacꞌal li nimaꞌ Jordán, aꞌineb li xte̱paleb laj Israel li teꞌxakli̱k saꞌ li tzu̱l Gerizim chixyebal resil li rosobtesinquileb li tenamit: eb li ralal xcꞌajol laj Simeón, eb li ralal xcꞌajol laj Leví, eb li ralal xcꞌajol laj Judá, eb li ralal xcꞌajol laj Isacar, eb li ralal xcꞌajol laj José ut eb li ralal xcꞌajol laj Benjamín.

Deuteronomio 11:29

Nak li Ka̱cuaꞌ texcꞌam saꞌ li naꞌajej li te̱re̱chani, te̱ye resilal le̱ rosobtesinquil saꞌ li tzu̱l Gerizim. Ut saꞌ li tzu̱l Ebal te̱ye resilal le̱ tzꞌekta̱nanquil.

2 Crónicas 7:12

Ut saꞌ jun li kꞌojyi̱n li Dios quixcꞌutbesi rib chiru laj Salomón ut quixye re: —La̱in xcuabi la̱ tij. La̱in xinsicꞌ ru li naꞌajej aꞌin chokꞌ xnaꞌaj lin templo re teꞌmayejak cuiꞌ.

San Lucas 9:53

Abanan li cuanqueb saꞌ li tenamit aꞌan incꞌaꞌ queꞌraj xcꞌulbal li Jesús xban nak queꞌxqꞌue retal nak yo̱ chi xic Jerusalén.

Salmos 132:13

Li Ka̱cuaꞌ quixsicꞌ ru li naꞌajej Sión chokꞌ xnaꞌaj. Aran naraj cua̱nc chi junelic.

Salmos 78:68

Quixsicꞌ ban ruheb li ralal xcꞌajol laj Judá. Ut saꞌ lix tenamiteb quixyi̱b lix templo saꞌ li tzu̱l Sión li raro xban.

2 Crónicas 7:16

La̱in xinsicꞌ ru ut xinsantobresi li templo aꞌin re nak la̱in tincua̱nk arin chi junelic. La̱in tin-ilok re ut junelic cua̱nk saꞌ inchꞌo̱l.

2 Crónicas 6:6

Abanan anakcuan xinsicꞌ ru li tenamit Jerusalén re nak aran teꞌxyi̱b jun li templo re tineꞌxlokꞌoni cuiꞌ. Ut xinsicꞌ ru laj David re nak aꞌan ta̱takla̱nk saꞌ xbe̱neb lin tenamit Israel,” chan li Dios re lin yucuaꞌ.

1 Crónicas 22:1

Joꞌcan nak laj David quixye: —Arin ta̱yi̱ba̱k lix templo li Dios. Ut arin ajcuiꞌ ta̱cua̱nk li artal bar ta̱cꞌatma̱nk cuiꞌ lix mayejeb laj Israel, chan.

1 Crónicas 21:26

Laj David quixyi̱b li artal saꞌ li naꞌajej aꞌan re xlokꞌoninquil li Dios. Quixqꞌue lix mayej re xcꞌambal rib saꞌ usilal riqꞌuin li Dios ut quixqꞌue lix cꞌatbil mayej. Ut quixya̱ba xcꞌabaꞌ li Ka̱cuaꞌ. Ut li Ka̱cuaꞌ quirabi li cꞌaꞌru quixtzꞌa̱ma chiru ut quixtakla chak li xam saꞌ choxa saꞌ li artal.

1 Reyes 9:3

Ut li Ka̱cuaꞌ quixye re: —Xcuabi la̱ tij nak xatzꞌa̱ma chicuu. La̱in xinsantobresi li templo aꞌin li xayi̱b re tinlokꞌoni̱k cuiꞌ chi junelic. La̱in junelic tincua̱nk saꞌ li templo ut la̱in tin-ilok re chi junelic.

Isaías 66:1

Aꞌan aꞌin li naxye li Ka̱cuaꞌ li nimajcual Dios: —Li choxa, aꞌan lin cꞌojariba̱l ut li ruchichꞌochꞌ, aꞌan xnaꞌaj li cuok. ¿Ma naru ta biꞌ te̱yi̱b jun li ochoch re tincua̱nk cuiꞌ? ¿Ma naru ta biꞌ te̱yi̱b innaꞌaj re tinhila̱nk cuiꞌ?

San Juan 4:12

Laj Jacob li kaxeꞌto̱nil yucuaꞌ quixcanab chokꞌ ke li becbil haꞌ aꞌin. Arin qui-ucꞌac aꞌan ut arin ajcuiꞌ queꞌucꞌac li ralal xcꞌajol ut lix queto̱mk. ¿Ma la̱at ta biꞌ kꞌaxal nim a̱cuanquil chiru aꞌan? chan li ixk.