San Juan 4:19 - Li Santil hu

¹⁹ Quixye li ixk re: —Ka̱cuaꞌ, joꞌ li la̱at anchal profeta.

Q'eqchi Bible

¹⁹ Kixye li ixq re: —Qaawa', nink'e reetal naq laa'at propeet.

San Juan 4:19 ပူးပေါင်းရင်းမြစ်များ

San Juan 6:14

Nak queꞌril li milagro li quixba̱nu li Jesús, eb li cuanqueb aran queꞌxye: —Relic chi ya̱l li cui̱nk aꞌin, aꞌan li profeta li quiyeheꞌ chak resil junxil nak ta̱cha̱lk saꞌ ruchichꞌochꞌ, chanqueb.

San Lucas 7:39

Nak quiril aꞌin laj fariseo li quibokoc re li Jesús chi cuaꞌac, quixye saꞌ xchꞌo̱l: Cui ta tzꞌakal profeta li cui̱nk aꞌin tixnau raj chanru lix yuꞌam li ixk aꞌin li yo̱ chi chꞌeꞌoc re li rok. Tixnau raj nak li ixk aꞌin incꞌaꞌ us xnaꞌleb.

San Juan 9:17

Joꞌcan nak eb laj fariseo queꞌxpatzꞌ cuiꞌchic re li cui̱nk, li mutzꞌ nak quicuan. Queꞌxye re: —Ut la̱at, ¿cꞌaꞌru nacaye chirix li cui̱nk aꞌin li xqꞌuehoc a̱cue chi iloc? chanqueb re. Ut li cui̱nk quixye reheb: —La̱in ninye nak aꞌan profeta, chan.

San Lucas 7:16

Nak queꞌril li cꞌaꞌru quicꞌulman chixjunileb li cuanqueb aran, cꞌajoꞌ nak queꞌxucuac ut queꞌoc chixqꞌuebal xlokꞌal li Dios. Ut queꞌxye: —Jun xnimal ru profeta xcꞌulun saꞌ kaya̱nk.— Ut queꞌxye ajcuiꞌ: —Li Dios xchal chixtenkꞌanquil lix tenamit, chanqueb.

San Juan 7:40

Nak queꞌrabi li cꞌaꞌru quixye li Jesús, cuan queꞌyehoc: —Relic chi ya̱l li cui̱nk aꞌin profeta.—

San Mateo 21:11

Ut eb li tenamit li yo̱queb chi xic chirix yo̱queb chixyebal: —Aꞌan aꞌin li Jesús li profeta, aj Nazaret re Galilea, chanqueb.

San Lucas 24:19

Ut li Jesús quixye reheb: —¿Cꞌaꞌru anchal aꞌan? chan. Eb aꞌan queꞌxye re: —Chirix li Jesús aj Nazaret. Aꞌan profeta nak quicuan. Nim xcuanquil. Cha̱bil quixba̱nu ut cha̱bil quixye chiru li Dios ut chiruheb li tenamit.

2 Reyes 6:12

Jun saꞌ xya̱nkeb quixye re: —At rey, ma̱ jun ke yo̱ chi oque̱nc chirix li rey aꞌan. Aran cuan li profeta Eliseo ut aꞌan naxye re li rey chixjunil li nacacꞌu̱b ru, usta nayeman chi mukmu saꞌ la̱ cuariba̱l, chan.

2 Reyes 5:26

Laj Eliseo quixye re: —¿Ma incꞌaꞌ ta biꞌ ninnau nak laj Naamán x-el saꞌ lix carruaje cha̱cꞌulbal? Anakcuan ma̱cuaꞌ xkꞌehil xcꞌulbal li tumin ut li cha̱bil tꞌicr, chi moco lix naꞌaj li acui̱mk uva ut olivo, chi moco li carner ut li cuacax, chi moco li mo̱s.

San Juan 4:29

—Yoꞌkeb chicuix chirilbal jun li cui̱nk quixye cue chixjunil lin yehom inba̱nuhom. Ma̱re aꞌan li Cristo li yo̱co chiroybeninquil, chan.

Deuteronomio 18:15

Li Ka̱cuaꞌ le̱ Dios tixqꞌue junak profeta saꞌ e̱ya̱nk sicꞌbil ru xban joꞌ la̱in. E̱comon ajcuiꞌ la̱ex. Tento nak chiru aꞌan tex-abi̱nk.

San Juan 4:18

xban nak o̱b li cui̱nk cuanjenak a̱cuiqꞌuin. Ut li jun li cuan a̱cuiqꞌuin anakcuan ma̱cuaꞌ ajcuiꞌ a̱be̱lom. Ya̱l li xaye nak ma̱cꞌaꞌ a̱be̱lom, chan li Jesús.