San Juan 4:15 - Li Santil hu

¹⁵ Li ixk quixye re: —Ka̱cuaꞌ, qꞌue cue li haꞌ aꞌan re nak incꞌaꞌ chic ta̱chakik cue, chi moco tincha̱lk chic toj arin chirisinquil inhaꞌ, chan.

Q'eqchi Bible

¹⁵ Kiyehe'k ut re xb'aan li ixq: —Qaawa', k'e we li ha' a'in re naq ink'a' chik taachaqiq we chi moko tinchalq chik arin chi risinkil inha'.

San Juan 4:15 ပူးပေါင်းရင်းမြစ်များ

San Juan 6:34

Eb aꞌan queꞌxye re: —At Ka̱cuaꞌ, ta̱qꞌue ta ke rajlal li cua aꞌan.—

Romanos 8:5

Ut eb li toj nequeꞌxba̱nu li najter naꞌleb, caꞌaj cuiꞌ li cꞌaꞌru naxrahi ru lix chꞌo̱leb nequeꞌxcꞌoxla xba̱nunquil. Abanan eb li nequeꞌcuan joꞌ naxye li Santil Musikꞌej, eb aꞌan nequeꞌxqꞌue xchꞌo̱l chixba̱nunquil li cꞌaꞌru naraj li Santil Musikꞌej.

Romanos 6:23

Lix tojbal rix li ma̱c, aꞌan li ca̱mc. Aban li ma̱tan naxqꞌue ke li Dios, aꞌan li junelic yuꞌam saꞌ xcꞌabaꞌ li Ka̱cuaꞌ Jesucristo laj Colol ke.

San Juan 6:26

Quichakꞌoc li Jesús ut quixye reheb: —Relic chi ya̱l ninye e̱re nak la̱ex yo̱quex chinta̱kenquil xban nak xexinqꞌue chi cuaꞌac toj retal xexnujac. Incꞌaꞌ yo̱quex chinta̱kenquil xban nak xeril li milagro li xinba̱nu.

Salmos 4:6

At Ka̱cuaꞌ, nabaleb nequeꞌyehoc re: ¿Ani ta cuiꞌ ta̱ba̱nu̱nk usilal ke? chanqueb. Aꞌut la̱in tintzꞌa̱ma cha̱cuu, at Ka̱cuaꞌ, chacuil taxak xtokꞌoba̱l ku.

1 Juan 5:20

Ut la̱o nakanau nak li Ralal li Dios quicꞌulun saꞌ ruchichꞌochꞌ. Quixqꞌue kanaꞌleb re xnaubal bar cuan li tzꞌakal Dios. Ut junajo chic riqꞌuin li tzꞌakal Dios xban nak xkapa̱b li Jesucristo li Ralal li Dios. Aꞌan li naqꞌuehoc ke li yuꞌam chi junelic.

Santiago 4:3

Ut nak nequextzꞌa̱man chiru li Dios, incꞌaꞌ nequecꞌul xban nak incꞌaꞌ nequetzꞌa̱ma joꞌ naraj li Dios. Incꞌaꞌ nequecꞌul xban nak nequetzꞌa̱ma yal re xsachbal saꞌ li joꞌ ma̱joꞌil naꞌleb.

1 Corintios 2:14

Li ani ma̱cꞌaꞌ li Santil Musikꞌej riqꞌuin incꞌaꞌ naxcꞌu̱luban lix ya̱lal li naxcꞌut li Santil Musikꞌej. Aꞌan to̱ntil naꞌleb chiru xban nak incꞌaꞌ naxtau ru. Caꞌaj cuiꞌ li ani cuan li Santil Musikꞌej riqꞌuin naru tixtau ru xban nak li Santil Musikꞌej aꞌan li nacꞌutuc re lix ya̱lal chiru.

San Juan 4:16

Li Jesús quixye re: —Ayu. Bok chak la̱ be̱lom ut tatcha̱lk cuiꞌchic arin a̱cuochben, chan.

San Juan 6:35

Li Jesús quixye reheb: —La̱in li cua aꞌan. La̱in ninqꞌuehoc junelic yuꞌam. Li ani napa̱ban cue ta̱cꞌojoba̱k xchꞌo̱l. Incꞌaꞌ chic ta̱tzꞌoca̱k ut incꞌaꞌ chic ta̱chakik re. Chanchan nak ac xrakeꞌ chi tzaca̱nc.