San Juan 4:14 - Li Santil hu

¹⁴ Aꞌut li teꞌucꞌak re li haꞌ tinqꞌue la̱in, ma̱ jokꞌe chic ta̱chakik reheb. Li haꞌ li tinqꞌue la̱in jalan cuiꞌ. Aꞌan li junelic yuꞌam. Chanchan jun li yuꞌam haꞌ li cuan chi junelic. Ma̱cꞌaꞌ rosoꞌjic, chan li Jesús.

Q'eqchi Bible

¹⁴ a'ut li taa'uk'uq re li ha' tink'e laa'in, maajoq'e chik taachaqiq re: li ha' tink'e laa'in wanq rik'in jo' jun yu'amha' nab'ululnak re li junelik yu'am.

San Juan 4:14 ပူးပေါင်းရင်းမြစ်များ

San Juan 6:35

Li Jesús quixye reheb: —La̱in li cua aꞌan. La̱in ninqꞌuehoc junelic yuꞌam. Li ani napa̱ban cue ta̱cꞌojoba̱k xchꞌo̱l. Incꞌaꞌ chic ta̱tzꞌoca̱k ut incꞌaꞌ chic ta̱chakik re. Chanchan nak ac xrakeꞌ chi tzaca̱nc.

Isaías 49:10

Incꞌaꞌ chic teꞌtzꞌoca̱k chi moco ta̱chakik reheb, ut lix tikcual li sakꞌe incꞌaꞌ ta̱chꞌiꞌchꞌiꞌi̱nk reheb xban nak li Jun li na-uxta̱nan ruheb tixberesiheb ut tixcꞌameb cuan cuiꞌ li yuꞌam haꞌ.

Apocalipsis 7:16

Incꞌaꞌ chic teꞌtzꞌoca̱k chi moco ta̱chakik reheb. Incꞌaꞌ chic teꞌxcꞌul xtikcual li sakꞌe chi moco teꞌlubk xban tik.

San Juan 11:26

Ut li ani cuan xyuꞌam ut niquinixpa̱b, incꞌaꞌ ta̱ca̱mk chi junaj cua. Cua̱nk ban xyuꞌam chi junelic. ¿Ma nacapa̱b aꞌin? chan li Jesús.

San Juan 6:58

Joꞌcan nak la̱in li cua li quinchal chak saꞌ choxa. Moco joꞌ ta li cua li queꞌxcuaꞌ le̱ xeꞌto̱nil yucuaꞌ. Aꞌan incꞌaꞌ quixqꞌue xyuꞌameb chi junelic. Abanan chixjunileb li teꞌcuaꞌok re li cua aꞌin, eb aꞌan teꞌcua̱nk xyuꞌameb chi junelic, chan li Jesús.

1 Juan 5:20

Ut la̱o nakanau nak li Ralal li Dios quicꞌulun saꞌ ruchichꞌochꞌ. Quixqꞌue kanaꞌleb re xnaubal bar cuan li tzꞌakal Dios. Ut junajo chic riqꞌuin li tzꞌakal Dios xban nak xkapa̱b li Jesucristo li Ralal li Dios. Aꞌan li naqꞌuehoc ke li yuꞌam chi junelic.

2 Corintios 1:22

Ut li Dios quixtakla chak li Santil Musikꞌej chi cua̱nc kiqꞌuin chokꞌ retalil nak reho chic. Xban nak li Santil Musikꞌej cuan kiqꞌuin, nakanau chi ya̱l nak takacꞌul chixjunil li quixyechiꞌi ke.

Romanos 6:23

Lix tojbal rix li ma̱c, aꞌan li ca̱mc. Aban li ma̱tan naxqꞌue ke li Dios, aꞌan li junelic yuꞌam saꞌ xcꞌabaꞌ li Ka̱cuaꞌ Jesucristo laj Colol ke.

1 Pedro 1:22

Saꞌ xcꞌabaꞌ li Santil Musikꞌej chꞌajobresinbil le̱ ra̱m riqꞌuin nak nequepa̱b li tzꞌakal ya̱l. Riqꞌuin aꞌin naru te̱raheb li herma̱n ut incꞌaꞌ te̱ra e̱rib chi yal xcab rix e̱chꞌo̱l. Te̱ra ban e̱rib chi tzꞌakal.

San Juan 10:10

Laj e̱lkꞌ nachal chi elkꞌac ut chi camsi̱nc ut chi sachoc. La̱in xinchal re nak ta̱cua̱nk e̱yuꞌam chi tzꞌakal. Ta̱cua̱nk e̱yuꞌam chi junelic.

Efesios 4:30

Me̱ba̱nu chic li incꞌaꞌ us re nak incꞌaꞌ ta̱rahokꞌ xchꞌo̱l li Santil Musikꞌej e̱ban. Li Dios quixqꞌue e̱re li Santil Musikꞌej chokꞌ e̱retalil nak rehex chic aꞌan toj saꞌ li cutan nak tixtzꞌakobresi le̱ colbal.

Romanos 5:21

Xban nak cuan li ma̱c, cuan ajcuiꞌ li ca̱mc. Abanan xban xnimal rusilal, li Dios naxqꞌue xti̱quilal li kachꞌo̱l ut li kayuꞌam chi junelic saꞌ xcꞌabaꞌ li Ka̱cuaꞌ Jesucristo.

San Mateo 25:46

Ut eb aꞌan teꞌxic saꞌ li tojba ma̱c chi junelic. Abanan li ti̱queb xchꞌo̱l cua̱nkeb xyuꞌam chi junelic.—

Isaías 55:1

Li Ka̱cuaꞌ quixye: —Che̱junilex la̱ex li ta̱chakik e̱re, cha̱lkex chi ucꞌac chire li haꞌ. La̱ex li ma̱cꞌaꞌ e̱tumin, cha̱lkex. Lokꞌonkex ut cuaꞌinkex. Cha̱lkex lokꞌonkex chi ma̱cꞌaꞌ e̱tumin. Lokꞌomak le̱ vino ut le̱ leche chi ma̱cꞌaꞌ xtzꞌak.

Isaías 58:11

La̱in tinberesi̱nk e̱re ut tintenkꞌa̱nk e̱re. Chanchan nak naxqꞌue li hab saꞌ li tikcual chꞌochꞌ. Tinqꞌue e̱cacuilal. Chanchanakex li acui̱mk saꞌ li cha̱bil chꞌochꞌ li incꞌaꞌ napaltoꞌ cuiꞌ li haꞌ. Chanchanakex li yuꞌam haꞌ li incꞌaꞌ nachakic.

Jeremías 2:13

Cuib li ma̱c queꞌxba̱nu lin tenamit. Quineꞌxtzꞌekta̱na la̱in li Dios, li chanchanin li yuꞌam haꞌ li incꞌaꞌ na-osoꞌ xban nak ninqꞌue xyuꞌameb. Chanchan nak queꞌxbec xjulel li haꞌ, li incꞌaꞌ natꞌil haꞌ chi saꞌ, nak queꞌxlokꞌoni li jalanil dios.

Jeremías 31:25

La̱in tinqꞌueheb xcacuilal li lublu̱queb. Ut tincꞌojob ajcuiꞌ xchꞌo̱leb li raheb saꞌ xchꞌo̱l, chan li Dios.

Ezequiel 47:9

Chixjunil li xul li teꞌcua̱nk saꞌ li nimaꞌ aꞌan ta̱cua̱nk xyuꞌameb. Nabaleb li car li teꞌcua̱nk saꞌ li palau bar ta̱oc cuiꞌ li nimaꞌ. Ta̱cua̱nk xyuꞌameb chixjunil li xul li teꞌcua̱nk saꞌ li haꞌ aꞌan.

San Mateo 5:6

Us xak reheb li teꞌraj ru xba̱nunquil li ti̱quilal. Chanchan li teꞌtzꞌoca̱k ut teꞌchakik re. Us xak reheb xban nak li Dios ta̱tenkꞌa̱nk reheb chixba̱nunquil li us.

San Juan 4:10

Li Jesús quixye re: —Cui ta nacanau cꞌaꞌru li ma̱tan li naxqꞌue li Dios, ut cui ta nacanau anihin la̱in li yo̱quin chixtzꞌa̱manquil cuucꞌa a̱cue, la̱at ta̱tzꞌa̱ma raj a̱cuucꞌa cuiqꞌuin ut tinqꞌue raj a̱cue li haꞌ li naqꞌuehoc junelic yuꞌam, chan li Jesús.

San Juan 4:11

Quichakꞌoc li ixk ut quixye re: —Ka̱cuaꞌ, ¿Cꞌaꞌ ta cuiꞌ ru ta̱cuisi cuiꞌ li haꞌ? Cham cuan chak. Ut, ¿chan ta cuiꞌ ru nak ta̱qꞌue li haꞌ li naqꞌuehoc yuꞌam?

San Juan 4:13

Quichakꞌoc li Jesús ut quixye re: —Chixjunileb li teꞌucꞌak re li haꞌ aꞌin, ta̱chakik cuiꞌchic reheb.

San Juan 4:36

Laj kꞌolonel naxcꞌul xtojbal ut nasahoꞌ saꞌ xchꞌo̱l rochben laj acuinel. Joꞌcan ajcuiꞌ li ani naxchꞌolob xya̱lal re nak teꞌpa̱ba̱nk li cristian. Li jun aꞌan ta̱cua̱nk lix kꞌajca̱munquil xban nak cua̱nkeb li teꞌre̱chani li junelic yuꞌam saꞌ xcꞌabaꞌ aꞌan.

San Juan 6:27

Mixic e̱chꞌo̱l caꞌaj cuiꞌ riqꞌuin xsicꞌbal li tzacae̱mk li na-osoꞌ. Cheqꞌuehak ban e̱chꞌo̱l chixsicꞌbal li tzacae̱mk li incꞌaꞌ nalaj na-osoꞌ. Aꞌan li junelic yuꞌam li ninqꞌue la̱in li Cꞌajolbej. Aꞌan aj e nak quixqꞌue incuanquil ut quinixtakla chak li Yucuaꞌbej, chan li Jesús.

San Juan 7:37

Li rosoꞌjic li ninkꞌe, aꞌan li cutan li kꞌaxal lokꞌ chiruheb. Saꞌ li ho̱nal aꞌan, li Jesús quixakli chiruheb ut quixye chi cau xya̱b xcux: —Li ani ta̱chakik re, cha̱lk cuiqꞌuin. La̱in tinqꞌue rucꞌa.

Apocalipsis 7:17

Ut li Jun li chanchan carner li cꞌojcꞌo aran saꞌ xyiheb li cꞌojariba̱l, aꞌan ta̱ilok reheb joꞌ jun li cha̱bil pastor narileb lix carner. Ut aꞌan ta̱qꞌuehok re lix yuꞌameb chi junelic. Incꞌaꞌ chic teꞌya̱bak xban nak li Dios ta̱cꞌojoba̱nk xchꞌo̱leb.—

Levítico 11:36

Abanan moco muxbilak ta ru li yuꞌam haꞌ ut li becbil haꞌ li ta̱nak cuiꞌ li camenak xul. Abanan li ani ta̱chꞌeꞌok re jun li camenak xul, muxbil chic ru ta̱cana̱k.