San Juan 4:12 - Li Santil hu

¹² Laj Jacob li kaxeꞌto̱nil yucuaꞌ quixcanab chokꞌ ke li becbil haꞌ aꞌin. Arin qui-ucꞌac aꞌan ut arin ajcuiꞌ queꞌucꞌac li ralal xcꞌajol ut lix queto̱mk. ¿Ma la̱at ta biꞌ kꞌaxal nim a̱cuanquil chiru aꞌan? chan li ixk.

Q'eqchi Bible

¹² Ma nim tab'i' laawankil chiru li qayuwa' laj Jakob, li kixk'e qe li yo'leb'aal ha' a'in b'arwi' ki'uk'ak a'an, eb' li ralal xk'ajol ut li xketomq?

San Juan 4:12 ပူးပေါင်းရင်းမြစ်များ

Hebreos 3:3

Abanan li Jesucristo numtajenak cuiꞌchic xlokꞌal chiru xlokꞌal laj Moisés. Li Jesucristo, aꞌan chanchan jun aj cablanel. Li ani nayi̱ban junak cab, aꞌan kꞌaxal nim xcuanquil saꞌ xbe̱n usta kꞌaxal cha̱bil li cab li naxyi̱b.

San Juan 4:6

Ut aran cuan jun li becbil haꞌ li quixtakla xbecbal laj Jacob najter. Cuaꞌleb na chic quicuulac aran li Jesús. Quicꞌojla chire li becbil haꞌ chi hila̱nc xban nak quilub chi be̱c.

San Mateo 12:42

Li ixk li quicuan chokꞌ reina saꞌ li tenamit li cuan saꞌ li sur ta̱cuacli̱k chak saꞌ xkꞌehil nak ta̱rakekꞌ a̱tin saꞌ e̱be̱n ut tixye nak cuan e̱ma̱c xban nak incꞌaꞌ nequexpa̱ban. Aꞌan quichal chak toj saꞌ xmaril li ruchichꞌochꞌ chirabinquil lix naꞌleb laj Salomón. Ut la̱in kꞌaxal cuiꞌchic cuan innaꞌleb chiru laj Salomón ut cuanquin arin saꞌ e̱ya̱nk. Abanan incꞌaꞌ nequepa̱b li cua̱tin.

San Juan 8:53

¿Ma kꞌaxal nim ta biꞌ a̱cuanquil la̱at chiru laj Abraham li kaxeꞌto̱nil yucuaꞌ? Aꞌan quicam ut queꞌcam ajcuiꞌ li profeta. ¿Anihat la̱at nak nacaye chi joꞌcan? chanqueb re.

San Juan 4:5

Nak yo̱ chi numecꞌ Samaria, quicuulac saꞌ li tenamit Sicar. Li tenamit aꞌan nachꞌ cuan riqꞌuin li naꞌajej li quixqꞌue laj Jacob re laj José li ralal.

San Juan 4:13

Quichakꞌoc li Jesús ut quixye re: —Chixjunileb li teꞌucꞌak re li haꞌ aꞌin, ta̱chakik cuiꞌchic reheb.

San Juan 4:20

Eb li kaxeꞌto̱nil yucuaꞌ la̱o aj Samaria queꞌtijoc chiru li Dios saꞌ li tzu̱l li cuan arin. Abanan la̱ex aj judío nequeye nak toj aran Jerusalén cuan li tzꞌakal naꞌajej re lokꞌoni̱nc. Ye cue bar cuan li tzꞌakal xya̱lal, chan li ixk.