San Juan 4:1 - Li Santil hu

¹ Quicuulac resil riqꞌuineb laj fariseo nak kꞌaxal nabaleb li yo̱queb chi ta̱ke̱nc re li Jesús chiruheb li yo̱queb chi ta̱ke̱nc re laj Juan ut yo̱queb chi cubsi̱c xhaꞌeb.

Q'eqchi Bible

¹ Eb' laj Pariseey ke'rab'i resil naq li Jesus q'axal naab'aleb' naxq'unb'esiheb' xch'ool chi ok cho'q xtzolom ut naxkub'siheb' xha', q'axal naab'aleb' chik chiruheb' li yookeb' chi taaqenk re laj Jwan

San Juan 4:1 ပူးပေါင်းရင်းမြစ်များ

San Juan 3:26

Queꞌcuulac lix tzolom laj Juan riqꞌuin ut queꞌxye re: —At tzolonel, li cui̱nk li quicuulac a̱cuiqꞌuin aran jun pacꞌal li nimaꞌ Jordán, li cachꞌolob chak resil chiku, aꞌan yo̱ chi cubsi̱nc haꞌ. Ut chixjunileb li cristian yo̱queb chi cuulac riqꞌuin, chanqueb.

San Juan 3:22

Chirix chic aꞌin, li Jesús co̱ saꞌ li naꞌajej Judea rochbeneb lix tzolom. Aran queꞌcana cuib oxib cutan ut yo̱ chi cubsi̱nc haꞌ.

2 Corintios 4:5

Incꞌaꞌ yo̱co chixchꞌolobanquil che̱ru nak la̱o toe̱pa̱b. Yo̱co ban chixchꞌolobanquil xya̱lal nak li Jesucristo aꞌan li Ka̱cuaꞌ. Ut la̱o yal aj cꞌanjelo che̱ru saꞌ xcꞌabaꞌ li Jesucristo.

1 Corintios 15:47

Nak quiyoꞌobtesi̱c laj Adán xban li Dios, chꞌochꞌ qui-oc. Abanan li Jesucristo moco yoꞌobtesinbil ta. Aꞌan musikꞌej ut saꞌ choxa quichal chak.

1 Corintios 2:8

Ma̱ jun li nequeꞌtaklan saꞌ ruchichꞌochꞌ queꞌxtau ru li naꞌleb aꞌin. Cui ta queꞌxtau ru, incꞌaꞌ raj queꞌxcamsi chiru cruz li Ka̱cuaꞌ Jesucristo, laj e̱chal re li lokꞌal.

Hechos 10:36

La̱ex nequenau nak li Dios quixtakla resil li colba-ib reheb laj Israel. Li colba-ib, aꞌan li naqꞌuehoc tuktu̱quil usilal saꞌ xcꞌabaꞌ li Jesucristo. Ut li Jesucristo, aꞌan li Ka̱cuaꞌ, ut nim xcuanquil saꞌ xbe̱n chixjunil.

Apocalipsis 19:16

Tzꞌi̱banbil xcꞌabaꞌ chiru li rakꞌ ut chiru li raꞌ. Aꞌan aꞌin lix cꞌabaꞌ: Li Rey li kꞌaxal nim xcuanquil saꞌ xbe̱neb chixjunileb li rey. Li Ka̱cuaꞌ, li kꞌaxal nim xcuanquil saꞌ xbe̱neb chixjunileb li nequeꞌtaklan.

Santiago 2:1

Ex inherma̱n, la̱ex nequepa̱b li Ka̱cuaꞌ Jesucristo, li kꞌaxal nim xlokꞌal. Joꞌcan nak junakiqueb nak te̱rileb le̱ ras e̱ri̱tzꞌin. Moco jun ta sa te̱ril ut jun ta incꞌaꞌ.

San Lucas 2:11

Anakcuan xyoꞌla jun laj Colol e̱re saꞌ lix tenamit laj David ut aꞌan li Cristo li Ka̱cuaꞌ li yechiꞌinbil xban li Dios.

San Lucas 19:34

Eb lix tzolom li Jesús queꞌchakꞌoc ut queꞌxye: —Li Ka̱cuaꞌ ta̱ajok ru li bu̱r, chanqueb.

San Lucas 19:31

Ut cui ani napatzꞌoc e̱re cꞌaꞌut nak yo̱quex chixhitbal, te̱ye re nak li Ka̱cuaꞌ ta̱ajok ru li chꞌina bu̱r, chaꞌakex, chan li Jesús.

San Lucas 1:76

At cualal, la̱at xprofeta li nimajcual Dios. La̱at tatxic xbe̱n cua chiru li Ka̱cuaꞌ ut ta̱chꞌolob lix ya̱lal chiruheb li tenamit re nak teꞌxcauresi ribeb chixcꞌulbal li Ka̱cuaꞌ.

San Lucas 7:13

Nak li Ka̱cuaꞌ Jesús quiril li xnaꞌ li camenak, quiril xtokꞌoba̱l ru ut quixye re: —Matya̱bac, chan.

San Lucas 7:19

—¿Ma la̱at laj Colonel li yechiꞌinbil li yo̱co chiroybeninquil? ¿Malaj toj takoybeni junak chic?—

1 Corintios 1:17

Li Cristo incꞌaꞌ quinixtakla chak chi cubsi̱nc haꞌ. Quinixtakla ban chak chixjulticanquil resil li colba-ib. Abanan ma̱cuaꞌ riqꞌuin a̱tin chꞌaꞌaj xtaubal ru xya̱lal quina̱tinac. Cui ta riqꞌuin a̱tin chꞌaꞌaj xtaubal ru quina̱tinac, cuan raj incꞌaꞌ queꞌtaꞌoc ru ut ta̱cana̱k raj chi ma̱cꞌaꞌ rajbal xcamic li Cristo chiruheb.