San Juan 3:8 - Li Santil hu

⁸ Li ikꞌ nanumeꞌ bar naraj chi incꞌaꞌ nacanau bar nachal chak chi moco nacanau bar yo̱ chi xic. Incꞌaꞌ nacacuil ru. Caꞌaj cuiꞌ lix ya̱b nacacuabi nak nanumeꞌ. Joꞌcan ajcuiꞌ lix yuꞌameb li yoꞌlajenakeb riqꞌuin li Santil Musikꞌej. Cuan xyuꞌameb chi junelic chi incꞌaꞌ nacanau chi tzꞌakal chanru, chan li Jesús.

Q'eqchi Bible

⁸ Li iq' yalaq b'ar na'apunk ut nakawab'i li xyaab', ab'an ink'a' nakanaw b'ar ta nachalk ut b'ar ta naxik. Jo'kaneb' ajwi' li yo'lajenaqeb' rik'in Musiq'ej.

San Juan 3:8 ပူးပေါင်းရင်းမြစ်များ

1 Corintios 2:11

Ma̱ ani nanaꞌoc re cꞌaꞌru cuan saꞌ xchꞌo̱l li junju̱nk. Caꞌaj cuiꞌ li junju̱nk nanaꞌoc re. Joꞌcan ajcuiꞌ lix cꞌaꞌux li Dios. Ma̱ ani nanaꞌoc re. Caꞌaj cuiꞌ li Santil Musikꞌej nanaꞌoc re.

Hechos 2:2

Queꞌrabi jun choki̱nc chanchan xya̱b cacuil ikꞌ yo̱ chi cha̱lc saꞌ choxa. Chixjunileb li cuanqueb saꞌ li cab queꞌrabi.

Ezequiel 37:9

Ut li Ka̱cuaꞌ quixye cue: —At ralal cui̱nk, ye li cꞌaꞌru xinye a̱cue. A̱tina li musikꞌej. Ta̱ye re: At musikꞌej, cha̱lkat bar nachal cuiꞌ li ikꞌ saꞌ xca̱ pacꞌalil li ruchichꞌochꞌ. Tola̱cuapuheb li camenak aꞌin li queꞌcamsi̱c re nak teꞌcuacli̱k cuiꞌchic chi yoꞌyo, chan.

1 Juan 2:29

La̱ex nequenau nak li Cristo ti̱c xchꞌo̱l. Ut chenauhak ajcuiꞌ nak chixjunileb li nequeꞌba̱nun re li ti̱quilal, aꞌan tzꞌakal ralal xcꞌajol li Dios.

Hechos 4:31

Nak ac xeꞌrakeꞌ chi tijoc, qui-ecꞌasi̱c li naꞌajej li chꞌutchꞌu̱queb cuiꞌ. Ut chixjunileb li cuanqueb aran queꞌnujac riqꞌuin li Santil Musikꞌej. Ut cauheb xchꞌo̱l chixyebal li ra̱tin li Dios.—

1 Corintios 12:11

Abanan chixjunil li ma̱tan aꞌin qꞌuebil ke xban li jun chi Santil Musikꞌej. Aꞌan naqꞌuehoc xma̱taneb li junju̱nk joꞌ naraj aꞌan.

San Juan 1:13

Queꞌoc chokꞌ ralal xcꞌajol li Dios xban nak joꞌcan quiraj li Dios. Moco yal xcꞌaꞌux cui̱nk ta. Moco joꞌ ta nak nayoꞌla junak cristian arin saꞌ ruchichꞌochꞌ. Yoꞌlajenakeb ban chic saꞌ musikꞌej ut ralal xcꞌajoleb chic li Dios.

Salmos 107:29

Li Ka̱cuaꞌ quixkꞌus li ikꞌ ut quixtukub ru li palau.

Salmos 107:25

Yal riqꞌuin li ra̱tin li Dios quixtakla jun li cacuil ikꞌ ut quirecꞌasi ru li palau ut quichal lix cau ok xban.

Salmos 135:7

Li Ka̱cuaꞌ naxtakla li chok saꞌ chixjunil li ruchichꞌochꞌ ut naxtakla li ca̱k joꞌ ajcuiꞌ li ikꞌ.

Eclesiastés 1:6

Joꞌcan ajcuiꞌ li ikꞌ. Nanumeꞌ saꞌ li sur ut nanumeꞌ ajcuiꞌ saꞌ li norte. Li bar ac xnumeꞌ cuiꞌ, nanumeꞌ cuiꞌchic. Ut joꞌcan rajlal naxba̱nu.

San Juan 3:7

Misach a̱chꞌo̱l xban nak xinye a̱cue nak tento tatyoꞌla̱k cuiꞌchic xcaꞌ sut.

San Juan 3:9

Quichakꞌoc laj Nicodemo ut quixye re: —¿Chanru nak nacꞌulman aꞌin? Incꞌaꞌ nintau ru, chan.