San Juan 3:6 - Li Santil hu

⁶ Li ani yoꞌlajenak riqꞌuin lix naꞌ xyucuaꞌ cuan xyuꞌam saꞌ ruchichꞌochꞌ. Abanan li ani yoꞌlajenak riqꞌuin li Santil Musikꞌej cuan xyuꞌam chi junelic.

Q'eqchi Bible

⁶ Li yo'lajenaq rik'in tz'ejwalej a'an tz'ejwalej, ut li yo'lajenaq rik'in li Musiq'ej a'an musiq'ej.

San Juan 3:6 ပူးပေါင်းရင်းမြစ်များ

2 Corintios 5:17

Joꞌcan ut cui junak xpa̱b li Cristo, acꞌobresinbil aꞌan. Lix yuꞌam quicuan junxil xnumeꞌ ut anakcuan acꞌ chic lix yuꞌam.

1 Juan 3:9

Ma̱ jun ralal xcꞌajol li Dios yo̱k chi ma̱cobc xban nak li Dios cuan riqꞌuin. Ut incꞌaꞌ naru nak yo̱k chi ma̱cobc xban nak aꞌan tzꞌakal ralal xcꞌajol li Dios.

1 Corintios 6:17

Ut ani naxjunaji rib riqꞌuin li Ka̱cuaꞌ, aꞌan junaj chic riqꞌuin saꞌ musikꞌej.

Romanos 7:18

La̱in ninnau nak moco cha̱bilin ta. Chalen saꞌ inyoꞌlajic la̱in chak aj ma̱c. Nacuaj raj xba̱nunquil li us, abanan incꞌaꞌ ninru chixba̱nunquil.

Génesis 6:12

Li Dios quiril nak kꞌaxal numtajenak li ma̱usilal saꞌ ruchichꞌochꞌ.

Salmos 51:10

Chajal taxak li cua̱m ut ta̱ti̱cobresi taxak lin chꞌo̱l. Cha-acꞌobresi taxak lin cꞌaꞌux re nak cha̱bilak chic lin naꞌleb.

Li xHu LAJ JOB 25:4

¿Chanru nak tixti̱cobresi xchꞌo̱l junak cui̱nk chiru aꞌan nak nequecꞌoxla la̱ex? Ut, ¿chanru nak tzꞌakalak re ru lix yuꞌam li cui̱nk li nayoꞌla saꞌ ruchichꞌochꞌ?

Li xHu LAJ JOB 14:4

¿Ma naru ta biꞌ nacuan li us riqꞌuineb li incꞌaꞌ useb xnaꞌleb? Ma̱ jokꞌe.

Romanos 8:13

Cui toj yo̱quex chixba̱nunquil li naxrahi ru le̱ chꞌo̱l, texca̱mk. Aban cui riqꞌuin e̱tenkꞌanquil xban li Santil Musikꞌej, te̱canab xba̱nunquil le̱ yehom e̱ba̱nuhom li quilaje̱ba̱nu chak junxil, ta̱cua̱nk e̱yuꞌam chi junelic.

Efesios 2:3

Joꞌcan ajcuiꞌ la̱o aj judío. Junxil xkaba̱nu chak li ma̱usilal li naxrahi ru li kachꞌo̱l xba̱nunquil. Xkaba̱nu li incꞌaꞌ us li xkaj xba̱nunquil kajunes. Joꞌcan nak tento raj takacꞌul xtojbal li kama̱c joꞌ eb chixjunileb li incꞌaꞌ nequeꞌraj pa̱ba̱nc.

Colosenses 2:11

Xban nak xepa̱b li Jesucristo, junajex chic riqꞌuin ut chanchan nak xecꞌul li circuncisión, aban ma̱cuaꞌ joꞌ li circuncisión nequeꞌxba̱nu laj judío. Li xecꞌul la̱ex, aꞌan nak li Jesucristo quirisi saꞌ le̱ chꞌo̱l lix rahinquil ru li ma̱usilal.

Gálatas 5:24

Li ani re chic li Jesucristo, chanchan nak quiqꞌueheꞌ chiru cruz lix najter naꞌleb xban nak ac xcanab xba̱nunquil chi junaj cua li najter naꞌleb li quixrahi ru xba̱nunquil junxil.

San Juan 1:13

Queꞌoc chokꞌ ralal xcꞌajol li Dios xban nak joꞌcan quiraj li Dios. Moco yal xcꞌaꞌux cui̱nk ta. Moco joꞌ ta nak nayoꞌla junak cristian arin saꞌ ruchichꞌochꞌ. Yoꞌlajenakeb ban chic saꞌ musikꞌej ut ralal xcꞌajoleb chic li Dios.

Romanos 7:5

Junxil xkaba̱nu chak li cꞌaꞌru incꞌaꞌ us li quixrahi chak ru li kachꞌo̱l. Li chakꞌrab quixcꞌut chiku cꞌaꞌru li incꞌaꞌ us ut aꞌ chic li incꞌaꞌ us quicuulac chiku xba̱nunquil. Ut riqꞌuin xba̱nunquil aꞌan cuan li ca̱mc.

Génesis 6:5

Li Ka̱cuaꞌ Dios quiril nak yo̱ chi numta̱c lix ma̱queb li cristian saꞌ ruchichꞌochꞌ. Caꞌaj cuiꞌ li ma̱usilal nequeꞌxcꞌoxla.

Génesis 5:3

Ac cuan jun ciento riqꞌuin laje̱b xcaꞌcꞌa̱l (130) chihab re laj Adán nak quiyoꞌla li rox ralal. Li ralal chanchan ajcuiꞌ na-iloc laj Adán. Aj Set quixqꞌue chokꞌ xcꞌabaꞌ.

Romanos 7:25

Caꞌaj cuiꞌ li Ka̱cuaꞌ Jesucristo ta̱colok cue chiru lin najter naꞌleb. Ac xinkꞌaxtesi cuib rubel xcuanquil lix chakꞌrab li Dios ut acꞌ chic lin naꞌleb. Ninqꞌue inchꞌo̱l chixpa̱banquil li Dios, aban xban nak yal cui̱nkin, toj cuan lin najter naꞌleb cuiqꞌuin. Abanan ninbantioxi chiru li Dios xban nak li Ka̱cuaꞌ Jesucristo ta̱tenkꞌa̱nk cue re nak tincanab xba̱nunquil lin najter naꞌleb.

San Juan 3:7

Misach a̱chꞌo̱l xban nak xinye a̱cue nak tento tatyoꞌla̱k cuiꞌchic xcaꞌ sut.