San Juan 3:5 - Li Santil hu

⁵ Quichakꞌoc li Jesús ut quixye re: —Relic chi ya̱l ninye a̱cue nak ani incꞌaꞌ ta̱yoꞌla̱k riqꞌuin haꞌ ut riqꞌuin li Santil Musikꞌej moco ta̱ru̱k ta ta̱oc rubel lix nimajcual cuanquilal li Dios.

Q'eqchi Bible

⁵ Kichaq'ok li Jesus ut kixye: —Relik chi yaal ninye aawe: ani ink'a' taayo'laaq rik'in ha' ut Musiq'ej moko truuq ta taa'ok sa' li xnimajwal awab'ejihom li Yos.

San Juan 3:5 ပူးပေါင်းရင်းမြစ်များ

Hechos 2:38

Laj Pedro quichakꞌoc ut quixye reheb: —Chiyotꞌekꞌ e̱chꞌo̱l ut jalomak e̱cꞌaꞌux ut ta̱cubsi̱k e̱haꞌ chi junju̱nkalex saꞌ xcꞌabaꞌ li Jesucristo re nak tixcuy e̱ma̱c li Dios ut tixqꞌue e̱re li Santil Musikꞌej.

Efesios 5:26

Li Jesucristo quixmayeja rib re xsantobresinquileb laj pa̱banel riqꞌuin nak teꞌxcꞌul li cubi haꞌ saꞌ xcꞌabaꞌ li Cristo ut riqꞌuin li ra̱tin li Dios.

1 Pedro 3:21

Li butꞌi haꞌ, aꞌan retalil li cubi haꞌ colbilex cuiꞌ anakcuan. Li cubi haꞌ, aꞌan ma̱cuaꞌ re risinquil lix tzꞌajnil li katibel. Cuan ban xya̱lal. Aꞌan retalil nak cuybil sachbil chic li kama̱c. Ut nakatzꞌa̱ma chiru li Dios nak cha̱bilak li kacꞌaꞌux. Colbilo xban nak quicuacli cuiꞌchic chi yoꞌyo li Jesucristo.

1 Corintios 6:11

Usta cuanqueb junju̱nk saꞌ e̱ya̱nk joꞌcan queꞌxba̱nu chak, abanan anakcuan cuybil sachbil chic lix ma̱queb. Santobresinbileb chic ut ti̱cobresinbileb chic lix chꞌo̱l saꞌ xcꞌabaꞌ li Ka̱cuaꞌ Jesucristo ut xban li Santil Musikꞌej.

San Mateo 3:11

Ya̱l nak la̱in nincubsi e̱haꞌ riqꞌuin haꞌ retalil nak xyotꞌeꞌ e̱chꞌo̱l ut xejal e̱cꞌaꞌux. Abanan cha̱lc re li kꞌaxal nim xcuanquil. Xban nak kꞌaxal nim xcuanquil chicuu la̱in, moco incꞌulub ta nak tincuisi lix xa̱b. Aꞌan tixcubsi e̱haꞌ riqꞌuin li Santil Musikꞌej ut riqꞌuin xam.

San Juan 3:3

Quichakꞌoc li Jesús ut quixye re: —Relic chi ya̱l ninye a̱cue, ma̱ ani naru ta̱oc rubel xnimajcual cuanquilal li Dios cui incꞌaꞌ ta̱yoꞌla̱k cuiꞌchic xcaꞌ sut, chan li Jesús.

San Marcos 16:16

Li ani ta̱pa̱ba̱nk ut ta̱cube̱k xhaꞌ, aꞌan ta̱colekꞌ; aꞌut li ani incꞌaꞌ ta̱pa̱ba̱nk, aꞌan ta̱xic saꞌ tojba ma̱c.

1 Corintios 2:12

Li Dios quixqꞌue ke jun li Musikꞌej. Ma̱cuaꞌ yal xmusikꞌ cui̱nk li cuan kiqꞌuin. Aꞌ lix Santil Musikꞌ li Dios, aꞌan li cuan kiqꞌuin. Li Dios quixqꞌue ke li Santil Musikꞌej re nak takatau ru li cꞌaꞌru naxqꞌue ke riqꞌuin xnimal rusilal.

San Juan 1:13

Queꞌoc chokꞌ ralal xcꞌajol li Dios xban nak joꞌcan quiraj li Dios. Moco yal xcꞌaꞌux cui̱nk ta. Moco joꞌ ta nak nayoꞌla junak cristian arin saꞌ ruchichꞌochꞌ. Yoꞌlajenakeb ban chic saꞌ musikꞌej ut ralal xcꞌajoleb chic li Dios.

1 Juan 5:1

Chixjunileb li nequeꞌpa̱ban re nak li Jesús aꞌan li Cristo, aꞌaneb li ralal xcꞌajol li Dios. Ut cui la̱o nakara li Acuabej Dios, takaraheb ajcuiꞌ li ralal xcꞌajol.

1 Juan 2:29

La̱ex nequenau nak li Cristo ti̱c xchꞌo̱l. Ut chenauhak ajcuiꞌ nak chixjunileb li nequeꞌba̱nun re li ti̱quilal, aꞌan tzꞌakal ralal xcꞌajol li Dios.

Gálatas 6:15

Usta takacꞌul li circuncisión, usta incꞌaꞌ, ma̱cꞌaꞌ chic na-oc cuiꞌ chiku xban nak reho chic li Jesucristo. Li kꞌaxal lokꞌ aꞌan li acꞌ yuꞌam li naxqꞌue ke li Dios.

Romanos 14:17

Lix cuanquilal li Dios incꞌaꞌ nakatau riqꞌuin cꞌaꞌru nakatzaca chi moco riqꞌuin li cꞌaꞌru nakucꞌ; natauman ban riqꞌuin li ti̱quilal, li tuktu̱quil usilal ut li sahil chꞌo̱lejil li naxqꞌue ke li Santil Musikꞌej.

San Mateo 28:19

Joꞌcan utan texxic saꞌ chixjunil li ruchichꞌochꞌ ut te̱chꞌolob lix ya̱lal chiruheb chixjunileb li tenamit re nak teꞌpa̱ba̱nk. Te̱cubsiheb xhaꞌ saꞌ xcꞌabaꞌ li Dios Acuabej, saꞌ xcꞌabaꞌ li Dios Cꞌajolbej ut saꞌ xcꞌabaꞌ li Dios Santil Musikꞌej.

San Mateo 18:3

Ut quixye reheb: —Relic chi ya̱l tinye e̱re cui incꞌaꞌ te̱jal e̱naꞌleb ut cui incꞌaꞌ kꞌunak e̱chꞌo̱l joꞌ li chꞌina al aꞌin, incꞌaꞌ tex-oc saꞌ lix nimajcual cuanquilal li Dios.

1 Pedro 1:2

Ac najter kꞌe cutan qui-ala chak saꞌ xchꞌo̱l li Dios Acuabej nak la̱exak li sicꞌbil e̱ru xban. Santobresinbilakex chic xban li Santil Musikꞌej re nak tex-abi̱nk ut texpa̱ba̱nk chiru li Jesucristo. Cuybilak chic le̱ ma̱c xban xquiqꞌuel li Jesucristo. Ut chicua̱nk taxak chi nabal li rusilal li Dios e̱riqꞌuin ut li tuktu̱quilal saꞌ e̱ya̱nk.

Hechos 3:19

Joꞌcan ut nak yotꞌomak e̱chꞌo̱l ut jalomak e̱cꞌaꞌux ut sicꞌomak li Ka̱cuaꞌ re nak aꞌan tixcuy tixsach le̱ ma̱c. Ut li Ka̱cuaꞌ tixqꞌue xcacuilal ut xsaylal e̱chꞌo̱l.

San Lucas 13:3

—Tinye e̱re nak incꞌaꞌ. Cui la̱ex incꞌaꞌ te̱yotꞌ e̱chꞌo̱l ut te̱jal e̱cꞌaꞌux, tex-osokꞌ ajcuiꞌ la̱ex che̱junilex.

San Mateo 5:20

Tinye ajcuiꞌ e̱re nak cui lix ti̱quilal le̱ chꞌo̱l incꞌaꞌ tixkꞌax ru xti̱quilal xchꞌo̱leb laj tzꞌi̱b ut eb laj fariseo, incꞌaꞌ tex-oc rubel lix nimajcual cuanquilal li Dios.

Romanos 8:2

Lix cuanquil li Santil Musikꞌej li naqꞌuehoc yuꞌam saꞌ xcꞌabaꞌ li Jesucristo, aꞌan nacoloc cue chiru lix cuanquil li ma̱c ut li ca̱mc.

San Lucas 13:24

Li Jesús quichakꞌoc ut quixye: —Joꞌcan nak qꞌuehomak e̱chꞌo̱l chi oc saꞌ li oqueba̱l li caꞌchꞌin ru. Nabaleb raj li teꞌraj oc, abanan incꞌaꞌ teꞌru̱k chi oc.

San Lucas 13:5

La̱in ninye e̱re nak incꞌaꞌ. Ut cui la̱ex incꞌaꞌ te̱yotꞌ e̱chꞌo̱l ut te̱jal e̱cꞌaꞌux, tex-osokꞌ ajcuiꞌ la̱ex, chan li Jesús.

San Mateo 19:24

Tinye ajcuiꞌ e̱re nak incꞌaꞌ raj chꞌaꞌaj nak ta̱numekꞌ junak nimla xul camello saꞌ ru junak cu̱x chiru nak ta̱oc junak biom rubel xcuanquil li Dios.

San Mateo 21:31

¿Ani reheb li cuib aꞌan xba̱nun re li quiraj lix yucuaꞌ? chan. Eb aꞌan queꞌchakꞌoc ut queꞌxye: —Li xbe̱n.— Ut li Jesús quixye reheb: —Relic chi ya̱l tinye e̱re nak eb laj titzꞌol toj ut eb laj yumbe̱t teꞌoc xbe̱n cua che̱ru saꞌ lix nimajcual cuanquilal li Dios.

San Marcos 9:47

Cui li xnakꞌ a̱cuu ta̱qꞌuehok a̱cue chi ma̱cobc, us raj cui ta̱cuisi. Mas us nak tat-oc saꞌ xnimajcual cuanquilal li Dios riqꞌuin jun li xnakꞌ a̱cuu chiru nak tatxic saꞌ li xbalba riqꞌuin cuib xnakꞌ a̱cuu.

San Marcos 10:14

Nak li Jesús quixqꞌue retal li yo̱queb chixba̱nunquil, cꞌajoꞌ nak quipoꞌ ut quixye reheb lix tzolom: —Canabomakeb li cocꞌal chi cha̱lc cuiqꞌuin. Me̱ram chiruheb xban nak lix nimajcual cuanquilal li Dios, aꞌan reheb li nequeꞌpa̱ban joꞌ nak nequeꞌpa̱ban li cocꞌal.

San Juan 3:4

Laj Nicodemo quixye re: —¿Chan ta cuiꞌ ru nak ta̱yoꞌla̱k cuiꞌchic xcaꞌ sut junak cui̱nk? ¿Ma ta̱ru̱k ta biꞌ ta̱oc cuiꞌchic riqꞌuin lix naꞌ ut ta̱yoꞌla̱k cuiꞌchic xcaꞌ sut? chan.

1 Corintios 15:50

Ex inherma̱n, li nacuaj xyebal e̱re, aꞌan aꞌin: li katibel ut li kaquiqꞌuel incꞌaꞌ ta̱oc saꞌ lix nimajcual cuanquilal li Dios xban nak aꞌan nakꞌa. Li bar cuan nakꞌa incꞌaꞌ naru ta̱re̱chani lix nimajcual cuanquilal li Dios xban nak aꞌan incꞌaꞌ nakꞌa.