San Juan 3:29 - Li Santil hu

²⁹ Junak cui̱nk xic re chi sumla̱c cuan li ixakilbej riqꞌuin. Ut li rami̱g cuan aran ut nasahoꞌ saꞌ xchꞌo̱l chirabinquil li naxye li be̱lomej. Li Cristo, aꞌan joꞌ jun li be̱lomej ut la̱in yal joꞌ jun li rami̱g. La̱in nasahoꞌ saꞌ inchꞌo̱l nak yo̱queb chi xic li cristian riqꞌuin xban nak aꞌan li tzꞌakal aj Colonel.

Q'eqchi Bible

²⁹ Li ani aj ik'in wank li ixaqilb'ej a'an li b'eelomej; ut li ramiiw li b'eelomej li nawank aran ut narab'i, k'ajo' naq nasaho'k sa' xch'ool chi rab'inkil xyaab' xkux li b'eelomej. A'an a'in li xsahil inch'ool, ut ak tz'aqlojenaq chik ru.

San Juan 3:29 ပူးပေါင်းရင်းမြစ်များ

Oseas 2:19

Joꞌcaꞌin quixye li Ka̱cuaꞌ reheb lix tenamit: —La̱ex aj Israel, chanchanex li cuixakil. Texincꞌam chi jun aj cua cuiqꞌuin. Texincꞌam saꞌ ti̱quilal ut saꞌ xya̱lal. Junelic texinra ut tincuuxta̱na e̱ru.

San Mateo 9:15

Ut li Jesús quichakꞌoc ut quixye reheb li tijleb aꞌin: —¿Ma naru ta biꞌ nak rahak saꞌ xchꞌo̱leb li nequeꞌbokeꞌ riqꞌuin sumla̱c nak toj cuan li be̱lomej saꞌ xya̱nkeb? La̱in joꞌ jun li be̱lomej. Ta̱cuulak xkꞌehil nak tin-isi̱k saꞌ xya̱nkeb tojoꞌnak teꞌxba̱nu x-ayu̱n eb lin tzolom, chan.

Ezequiel 16:8

Mokon chic la̱in quinnumeꞌ cuancat cuiꞌ ut quinqꞌue retal nak xat-ixkiloꞌ ut ac xcuulac xkꞌehil nak ta̱cua̱nk a̱be̱lom. Joꞌcan nak catintzꞌap riqꞌuin lin tꞌicr xban nak tꞌustꞌu̱cat. Quinba̱nu li contrato nak quinsumla a̱cuiqꞌuin ut la̱at chic cue.

Isaías 54:5

La̱in li Ka̱cuaꞌ li quinyoꞌobtesin e̱re. Chanchanakin le̱ be̱lom. “Nimajcual Dios” incꞌabaꞌ. La̱in li Ka̱cuaꞌ lix santil Dios laj Israel. La̱in tincolok e̱re. La̱in li kꞌaxal nim incuanquil saꞌ xbe̱neb chixjunileb li cuanqueb saꞌ ruchichꞌochꞌ.

Apocalipsis 21:9

Quichal jun reheb li cuukub chi ángel li queꞌcuan li cuukub chi secꞌ riqꞌuineb, li cuan cuiꞌ li cuukub chi raylal li queꞌxcꞌul saꞌ rosoꞌjic, ut quixye cue: —Quim. Tincꞌut cha̱cuu li ixk li ta̱sumla̱k cuiꞌ li Jun li chanchan carner, chan.

Filipenses 2:2

Anakcuan nintzꞌa̱ma ajcuiꞌ che̱ru nak junajak taxak e̱chꞌo̱l re nak junelic sahak saꞌ inchꞌo̱l e̱riqꞌuin. Cherahak e̱rib chi ribil e̱rib ut chexcua̱nk saꞌ xya̱lal chi ribil e̱rib ut junajak taxak le̱ cꞌaꞌux.

San Juan 16:24

Chalen anakcuan toj ma̱cꞌaꞌ nequetzꞌa̱ma saꞌ incꞌabaꞌ. Chextzꞌa̱ma̱nk ut ta̱qꞌuehekꞌ e̱re re nak kꞌaxal cuiꞌchic ta̱sahokꞌ saꞌ e̱chꞌo̱l, chan li Jesús.

1 Juan 1:4

Saꞌ li hu aꞌin nakatakla xyebal e̱re re nak chitzꞌaklok ru lix sahil e̱chꞌo̱l che̱junilex, joꞌ ajcuiꞌ lix sahil kachꞌo̱l la̱o.

2 Corintios 11:2

La̱in kꞌaxal nequexincꞌoxla joꞌ nak li Dios nequexcꞌoxla. Ut nacuaj nak caꞌaj cuiꞌ li Cristo te̱ta̱ke. Joꞌ nak li yucuaꞌbej naxkꞌaxtesi lix rabin chi sumla̱c riqꞌuin jun chi cui̱nk, joꞌcan ajcuiꞌ nak xexinkꞌaxtesi riqꞌuin li Cristo. Aꞌan joꞌ li be̱lomej.

San Lucas 15:6

ut ta̱xic saꞌ rochoch. Tixchꞌutubeb li rami̱g ut li rech cabal ut tixye reheb: —Chisahokꞌ saꞌ kachꞌo̱l cuochbenex xban nak xintau lin carner li quisach, chaꞌak reheb.

Cantares 5:1

At xsum cua̱m, la̱in nacatinra. La̱in xin-oc saꞌ lix naꞌaj li cuacui̱mk. Yo̱quin chixsicꞌbal li mirra ut li sununquil ban. Yo̱quin chixloubal li xyaꞌal cab ut yo̱quin chirucꞌbal li vino ut li leche. Cuaꞌinkex, ex kas ki̱tzꞌin, ut ucꞌankex, la̱ex li nequexkara. Tzacahomak li joꞌ qꞌuial te̱raj.

San Mateo 25:1

Lix nimajcual cuanquilal li Dios, aꞌan chanchan li quicꞌulman saꞌ jun li sumla̱c. Li laje̱b chi tukꞌ ixk queꞌxcꞌam lix candil ut co̱eb saꞌ jun li sumla̱c chixcꞌulbal li be̱lomej.

Jeremías 2:2

—Ayu ut ye reheb laj Jerusalén chi cau xya̱b a̱cux nak la̱in li Ka̱cuaꞌ ninye chi joꞌcaꞌin: Jultic cue chanru nak xine̱ra saꞌ e̱sa̱jilal. Xine̱ra joꞌ jun li ixakilbej naxra lix be̱lom. Xine̱ta̱ke saꞌ li chaki chꞌochꞌ li incꞌaꞌ na-el cuiꞌ li acui̱mk.

Isaías 66:11

Ta̱sahokꞌ saꞌ e̱chꞌo̱l riqꞌuin li tenamit Jerusalén nak ta̱qꞌuehekꞌ xlokꞌal. Saꞌ le̱ tenamit ta̱e̱lk chi us li cꞌaꞌak ru te̱tzaca. Textzaca̱nk toj retal ta̱cꞌojla̱k e̱chꞌo̱l. Chanchan nak li naꞌbej naxchꞌolani lix cꞌulaꞌal toj retal nacꞌojla xchꞌo̱l.

Cantares 3:11

Ex tukꞌ ixk li cuanquex Sión, quimkex chirilbal li rey Salomón. Cuan saꞌ xjolom li corona li quiqꞌueheꞌ re xban lix naꞌ saꞌ li cutan nak quisumla. Quiqꞌueheꞌ re saꞌ li cutan nak kꞌaxal sa saꞌ xchꞌo̱l.

2 Juan 1:12

Cuan raj chic nabal tinye e̱re, abanan incꞌaꞌ nacuaj xtzꞌi̱banquil saꞌ li hu aꞌin. La̱in nacuaj xic e̱riqꞌuin re nak toa̱tinak ut takil xsahil kachꞌo̱l chi kibil kib.

San Juan 17:13

Anakcuan xic cue a̱cuiqꞌuin. Abanan yo̱quin chixyebal li cꞌaꞌak re ru aꞌin nak toj cuanquin saꞌ ruchichꞌochꞌ re nak ta̱cua̱nk xsahil xchꞌo̱leb aꞌan joꞌ li xsahil inchꞌo̱l la̱in.

San Mateo 22:2

Quixye reheb: —Lix nimajcual cuanquilal li Dios chanchan jun li rey li quixninkꞌei lix sumlajic li ralal.

San Juan 3:30

Tento nak aꞌan ta̱nima̱nk xcuanquil ut la̱in ta̱cube̱k incuanquil, chan laj Juan.

San Juan 15:11

La̱in ninye e̱re aꞌin re nak textzꞌako̱nk riqꞌuin lix sahil inchꞌo̱l la̱in. Cui te̱ba̱nu li cꞌaꞌru ninye e̱re, numtajenakak xsahil e̱chꞌo̱l la̱ex.