San Juan 3:27 - Li Santil hu

²⁷ Quichakꞌoc laj Juan ut quixye: —Junak cui̱nk ma̱cꞌaꞌ cꞌaꞌru tixba̱nu chi incꞌaꞌ ta qꞌuebil re xban li Dios.

Q'eqchi Bible

²⁷ Kichaq'ok laj Jwan ut kixye: —Maak'a' truuq taareechani junaq, wi ink'a' ta k'eeb'il chaq re sa' choxa.

San Juan 3:27 ပူးပေါင်းရင်းမြစ်များ

Santiago 1:17

Xban nak chixjunil li cꞌaꞌak re ru tzꞌakal cha̱bil aꞌ li Dios saꞌ choxa naqꞌuehoc chak ke. Li Dios quiyi̱ban re li nacutanobresin ru li choxa. Li Dios ma̱cuaꞌ joꞌ li sakꞌe namoy ru. Li Dios incꞌaꞌ naxjal lix naꞌleb. Aꞌan ban chi junelic.

1 Corintios 4:7

¿Ma jalanex ta biꞌ la̱ex chiruheb li jun chꞌol chic nak nequerecꞌa e̱rib? ¿Ma ma̱cuaꞌ ta biꞌ li Dios quiqꞌuehoc e̱re li cꞌaꞌru cuan e̱re? ¿Cꞌaꞌut nak nequenimobresi e̱rib chixyebal nak cuan cꞌaꞌru e̱re? Incꞌaꞌ naru te̱nimobresi e̱rib xban nak yal xema̱tani li cꞌaꞌru cuan e̱re riqꞌuin li Dios.

1 Corintios 15:10

Abanan xban rusilal li Dios nak la̱in apóstol. Ut li rusilal li Dios incꞌaꞌ quicana chi ma̱cꞌaꞌ rajbal xban nak kꞌaxal cau cuiꞌchic nincꞌanjelac chiru chixjunileb li apóstol. Aban ma̱cuaꞌ injunes nincꞌanjelac. Li Dios natenkꞌan cue xban xnimal rusilal li xinma̱tani.

Amós 7:15

Abanan li Ka̱cuaꞌ qui-isin chak cue saꞌ li cꞌanjel aꞌan, ut quixye cue: —Ayu, toxa̱ye chak li cꞌaꞌru tinye a̱cue. Saꞌ incꞌabaꞌ la̱in toxa̱ye chak li cꞌaꞌru teꞌxcꞌul lin tenamit Israel, chan.

San Mateo 25:15

Quixqꞌue o̱b mil pe̱s re li jun, cuib mil re li jun chic ut quixqꞌue jun mil re li jun chic. Quixqꞌue re li junju̱nk aꞌ yal chanru lix se̱bal xchꞌo̱l chi rilbal. Tojoꞌnak co̱ chi najt.

Jeremías 17:16

At Ka̱cuaꞌ, la̱in incꞌaꞌ xintzꞌa̱ma cha̱cuu nak ta̱takla li raylal saꞌ xbe̱neb, chi moco nacuaj nak teꞌxcꞌul li raylal. La̱at nacanau. La̱at nacacuabi chixjunil li ninye.

Jeremías 1:5

Nak toj ma̱jiꞌ nacana chi yaj aj ixk la̱ naꞌ, la̱in ac ninnau nak tatyoꞌla̱k. Ut toj ma̱jiꞌ nacatyoꞌla nak xatinsantobresi re tatcꞌanjelak chokꞌ inprofeta saꞌ xya̱nkeb chixjunileb li tenamit, chan li Dios.

Números 17:5

Lix xukꞌ li cui̱nk li tinsicꞌ ru la̱in ta̱atzꞌumak. Riqꞌuin aꞌin teꞌxcanab cuechꞌi̱nc eb laj Israel che̱rix la̱ex, chan li Dios.

1 Timoteo 2:7

Ut la̱in li taklanbilin xban li Dios chixyebal resil lix ya̱lal aꞌin chiruheb li ma̱cuaꞌeb aj judío. Taklanbilin chixyebal resil re nak teꞌxnau cꞌaꞌru li ya̱l ut teꞌpa̱ba̱nk. Moco ticꞌtiꞌ ta li yo̱quin chixyebal. Tzꞌakal ya̱l nak xakabanbilin chixyebal li resilal reheb.

San Mateo 21:25

¿Ani quitaklan chak re laj Juan chi cubsi̱nc haꞌ? ¿Ma li Dios malaj ut cui̱nk quitaklan re? chan reheb. Eb aꞌan queꞌxcꞌoxla ut queꞌxye chi ribileb rib: —¿Cꞌaꞌru takasume cuiꞌ? Cui takaye nak aꞌ li Dios xtaklan chak re, aꞌan tixye ke cꞌaꞌut nak incꞌaꞌ xkapa̱b li cꞌaꞌru quixye laj Juan.

Romanos 12:6

Jalan jala̱nk li kama̱tan qꞌuebil ke re tocꞌanjelak xban xnimal rusilal li Dios. Chikaqꞌuehak chi cꞌanjelac eb li ma̱tan aꞌin. Li ani qꞌuebil xma̱tan chixchꞌolobanquil xya̱lal li colba-ib, tento tixchꞌolob xya̱lal. Chicꞌanjelak joꞌ naraj lix pa̱ba̱l qꞌuebil re xban li Dios.

San Marcos 13:34

Chanchan jun li cui̱nk najt co̱ saꞌ xvia̱j. Toj ma̱jiꞌ naxic nak quixqꞌueheb xcuanquileb laj cꞌanjel chiru. Quixcanab xcꞌanjel li junju̱nk. Ut quixye re laj ilol cab nak junelic yoꞌon cua̱nk.

Efesios 1:1

La̱in laj Pablo. La̱in x-apóstol li Jesucristo xban nak joꞌcan quiraj li Dios. Yo̱quin chixtzꞌi̱banquil li hu aꞌin e̱riqꞌuin la̱ex laj pa̱banel li cuanquex Éfeso. Yo̱quin chi tzꞌi̱bac e̱riqꞌuin che̱junilex la̱ex li nequeqꞌue e̱chꞌo̱l chixpa̱banquil li Jesucristo.

Gálatas 1:1

La̱in laj Pablo. La̱in x-apóstol li Jesucristo. Moco taklanbilin ta xban cui̱nk, chi moco saꞌ xcꞌabaꞌ junak cui̱nk. Taklanbilin ban xban li Jesucristo ut xban li Acuabej Dios, li quicuaclesin cuiꞌchic re chi yoꞌyo li Jesucristo saꞌ xya̱nkeb li camenak.

1 Corintios 12:11

Abanan chixjunil li ma̱tan aꞌin qꞌuebil ke xban li jun chi Santil Musikꞌej. Aꞌan naqꞌuehoc xma̱taneb li junju̱nk joꞌ naraj aꞌan.

1 Corintios 3:5

¿Ani ta biꞌ laj Apolos? Ut, ¿anihin ta biꞌ la̱in? La̱o yal aj cꞌanjelo chiru li Ka̱cuaꞌ. Xkachꞌolob xya̱lal che̱ru nak xepa̱b li Ka̱cuaꞌ. Ut chi kacabichalo nococꞌanjelac joꞌ taklanbilo cuiꞌ xban li Ka̱cuaꞌ.

Romanos 1:5

Saꞌ xcꞌabaꞌ li Ka̱cuaꞌ Jesucristo qꞌuebilin chokꞌ apóstol xban li Dios re xchꞌolobanquil xya̱lal chiruheb li tenamit yalak bar re nak teꞌxpa̱b li Jesucristo ut teꞌxba̱nu li cꞌaꞌru naraj.

1 Corintios 1:1

La̱in laj Pablo. Sicꞌbil chak cuu xban li Dios re nak tincꞌanjelak chokꞌ x-apóstol li Jesucristo xban nak joꞌcan quiraj li Dios. Cuochben laj Sóstenes li cuech aj pa̱banelil.

San Juan 6:65

Ut quixye ajcuiꞌ li Jesús reheb: —Joꞌcan nak xinye e̱re nak ma̱ ani ta̱ru̱k ta̱pa̱ba̱nk cue cui incꞌaꞌ ta kꞌaxtesinbil cue xban li Yucuaꞌbej, chan.

San Juan 10:41

Nabaleb li tenamit queꞌcuulac riqꞌuin. Yo̱queb chixyebal chi ribileb rib: —Laj Juan ma̱ jun milagro quixba̱nu. Abanan ya̱l chixjunil li quixye chirix li cui̱nk aꞌin, chanqueb.