San Juan 3:25 - Li Santil hu

²⁵ Queꞌoc chixcuechꞌinquil ribeb lix tzolom laj Juan riqꞌuineb laj judío. Queꞌxcuechꞌi ribeb chirix li cubi haꞌ li yo̱queb chixba̱nunquil.

Q'eqchi Bible

²⁵ Kiwank jun wech'ij ib' rik'ineb' li xtzolom laj Jwan ut jun aj judiiy, chirix li ch'ajob'resink ib'.

San Juan 3:25 ပူးပေါင်းရင်းမြစ်များ

San Juan 2:6

Ut aran cuanqueb cuakib li ni̱nki cuc yi̱banbil riqꞌuin pec. Aꞌan nacꞌanjelac chokꞌ xnaꞌaj xhaꞌeb laj judío re xchꞌajobresinquil ribeb joꞌ naxye saꞌ lix chakꞌrabeb. Li junju̱nk chi cuc aꞌan naxcꞌam oxib ni̱nki cuc chi haꞌ.

Hebreos 6:2

Ac nequenau xya̱lal li cubi haꞌ. Nequenau xya̱lal li xqꞌuebal li kukꞌ saꞌ xbe̱neb laj pa̱banel. Ac nequenau nak teꞌcuacli̱k cuiꞌchic chi yoꞌyo li camenak. Ut nequenau ajcuiꞌ nak ta̱cuulak xkꞌehil nak ta̱rakekꞌ a̱tin chi junaj cua saꞌ xbe̱neb li ma̱jiꞌ nequeꞌpa̱ban.

San Mateo 3:11

Ya̱l nak la̱in nincubsi e̱haꞌ riqꞌuin haꞌ retalil nak xyotꞌeꞌ e̱chꞌo̱l ut xejal e̱cꞌaꞌux. Abanan cha̱lc re li kꞌaxal nim xcuanquil. Xban nak kꞌaxal nim xcuanquil chicuu la̱in, moco incꞌulub ta nak tincuisi lix xa̱b. Aꞌan tixcubsi e̱haꞌ riqꞌuin li Santil Musikꞌej ut riqꞌuin xam.

1 Pedro 3:21

Li butꞌi haꞌ, aꞌan retalil li cubi haꞌ colbilex cuiꞌ anakcuan. Li cubi haꞌ, aꞌan ma̱cuaꞌ re risinquil lix tzꞌajnil li katibel. Cuan ban xya̱lal. Aꞌan retalil nak cuybil sachbil chic li kama̱c. Ut nakatzꞌa̱ma chiru li Dios nak cha̱bilak li kacꞌaꞌux. Colbilo xban nak quicuacli cuiꞌchic chi yoꞌyo li Jesucristo.

Hebreos 9:23

Joꞌcan nak tento nak queꞌxrachrachi lix quiqꞌuel li xul chiru li tabernáculo joꞌ ajcuiꞌ chiruheb li cꞌaꞌ re ru cuan chi saꞌ re xsantobresinquileb. Li tabernáculo yal retalil li choxa. Ut li choxa santobresinbil riqꞌuin jun mayej kꞌaxal cuiꞌchic lokꞌ. Aꞌan lix lokꞌlaj quiqꞌuel li Ka̱cuaꞌ Jesucristo.

Hebreos 9:10

Saꞌ lix pa̱ba̱leb junxil cuan li chakꞌrab chirix li cꞌaꞌru teꞌxtzaca ut cꞌaꞌru teꞌrucꞌ joꞌ ajcuiꞌ chanru nak teꞌchꞌajok re xsantobresinquileb rib. Usta incꞌaꞌ quijala lix naꞌlebeb, aban tento queꞌxba̱nu li chakꞌrab aꞌan toj quicuulac xkꞌehil nak li Dios quixjal nak quixqꞌue li acꞌ naꞌleb.

San Marcos 7:8

La̱ex nequetzꞌekta̱na lix chakꞌrab li Dios, ut aꞌ chic le̱ najter naꞌleb nequeba̱nu, joꞌ riqꞌuin xchꞌajbal li secꞌ ut li xar ut li cꞌaꞌak ru chi chakꞌrabil reheb li cui̱nk.—