San Juan 3:2 - Li Santil hu

² Saꞌ jun li kꞌojyi̱n laj Nicodemo quicuulac chi a̱tinac riqꞌuin li Jesús ut quixye re: —At tzolonel, la̱o nakanau nak riqꞌuin li Dios chalenakat chak chokꞌ aj tzolol ke xban nak ma̱ ani ta̱ru̱k tixba̱nu li milagros li nacaba̱nu la̱at cui ta ma̱cuaꞌ riqꞌuin xcuanquil li Dios, chan.

Q'eqchi Bible

² A'an kiwulak rik'in li Jesus chi q'eq ut kixye re: —At Tzolonel, naqanaw naq rik'in li Yos chalenaqat chaq cho'q aj tzolonel, xb'aan naq maa'ani naru chi b'aanunk re li xninqal eetalil nalajaab'aanu laa'at wi maak'a' li Yos rik'in.

San Juan 3:2 ပူးပေါင်းရင်းမြစ်များ

San Juan 5:36

Li cꞌaꞌru quixchꞌolob laj Juan chicuix, aꞌan ya̱l. Abanan riqꞌuin li cꞌaꞌru ninba̱nu, kꞌaxal cuiꞌchic naxcꞌut chi tzꞌakal anihin la̱in. La̱in ninba̱nu li cꞌaꞌru quixye cue li Yucuaꞌbej. Li cꞌaꞌru ninba̱nu la̱in, aꞌan naxcꞌut nak taklanbilin xban li Yucuaꞌbej.

Hechos 10:38

Ac e̱rabiom resil li Jesucristo aj Nazaret. Li Dios quixqꞌue li Santil Musikꞌej re, ut quixqꞌue xcuanquil. Aꞌan quibe̱c yalak bar chixba̱nunquil li usilal ut chixqꞌuirtesinquileb li tacuasinbileb xban laj tza xban nak li Dios cuan riqꞌuin.

Hechos 2:22

Ex aj Israel, abihomak li tinye e̱re. La̱ex ac nequenau nak li Jesús aj Nazaret, aꞌan qꞌuebil xcuanquil xban li Dios saꞌ e̱ya̱nk la̱ex riqꞌuin li sachba chꞌo̱lej ut li milagro quilajxba̱nu. La̱ex ac nequenau nak riqꞌuin xcuanquil li Dios quixba̱nu li sachba chꞌo̱lej.

San Juan 9:16

Cuanqueb laj fariseo queꞌxye: —Li cui̱nk aꞌan, li Jesús xcꞌabaꞌ, moco taklanbil ta chak xban li Dios xban nak incꞌaꞌ naxqꞌue xlokꞌal li hiloba̱l cutan, chanqueb. Ut cuanqueb cuiꞌchic queꞌyehoc re: —¿Chanru nak tixba̱nu li milagro junak cui̱nk aj ma̱c? chanqueb. Xban nak jalan jala̱nk nequeꞌxcꞌoxla chirix li Jesús, incꞌaꞌ chic junajeb xchꞌo̱leb.

San Juan 12:37

Usta nabal li milagro quixba̱nu li Jesús chiruheb, abanan incꞌaꞌ ajcuiꞌ queꞌpa̱ban.

San Juan 1:38

Li Jesús quixakli ut quixsukꞌisi rib. Quiril nak yo̱queb chi xic chirix. Quixye reheb: —¿Cꞌaꞌut nak yo̱quex chinta̱kenquil? ¿Cꞌaꞌru te̱raj? chan reheb. Queꞌchakꞌoc eb aꞌan ut queꞌxye: —At tzolonel ¿bar nacathilan? chanqueb re.

San Mateo 22:16

Queꞌxtaklaheb lix tzolom rochbeneb li nequeꞌoquen chirix laj Herodes re nak teꞌa̱tinak riqꞌuin li Jesús yal re xsicꞌbal cꞌaꞌru ta̱paltok cuiꞌ riqꞌuin li ra̱tin. Ut queꞌxye re: —At tzolonel, nakanau nak nacara li ya̱l. Ut saꞌ xya̱lal nacacꞌut chiruheb li tenamit cꞌaꞌru naraj li Dios ut ma̱ ani nacaxucua ru ut incꞌaꞌ nacasiqꞌueb ru li ani nacara.

San Juan 7:31

Nabaleb li tenamit queꞌxpa̱b li Cristo ut queꞌxye: —La̱o nakanau nak ta̱cꞌulu̱nk li Cristo, nabaleb li milagro tixba̱nu. Li cui̱nk aꞌin nabal li milagro yo̱ chixba̱nunquil. Cui ta ma̱cuaꞌ li Cristo, ¿chan ta cuiꞌ ru nak tixba̱nu li milagro li yo̱ chixba̱nunquil? chanqueb.

San Juan 20:16

Li Jesús quixye re: —¡María!— Quixsukꞌisi rib lix María ut quixye saꞌ ra̱tinoba̱l aj hebreo: —Raboni.— (Chi jalbil ru naraj naxye aj tzolonel).

San Juan 15:24

Ma̱cꞌaꞌeb raj xma̱c cui ta incꞌaꞌ xeꞌril li milagros li xinba̱nu chiruheb, li milagros li ma̱ ani chic naru xba̱nunquil. Abanan eb aꞌan queꞌril li xinba̱nu. Joꞌcan nak xicꞌ niquineꞌril la̱in ut xicꞌ ajcuiꞌ nequeꞌril lin Yucuaꞌ.

San Juan 3:26

Queꞌcuulac lix tzolom laj Juan riqꞌuin ut queꞌxye re: —At tzolonel, li cui̱nk li quicuulac a̱cuiqꞌuin aran jun pacꞌal li nimaꞌ Jordán, li cachꞌolob chak resil chiku, aꞌan yo̱ chi cubsi̱nc haꞌ. Ut chixjunileb li cristian yo̱queb chi cuulac riqꞌuin, chanqueb.

San Marcos 12:14

Queꞌcuulac riqꞌuin li Jesús ut queꞌxye re: —At tzolonel, nakanau nak la̱at ya̱l nacat-a̱tinac ut incꞌaꞌ nacaxucua ruheb li tenamit. Yalak ani aj e nacaye lix ya̱lal. Ut nacacꞌut chiruheb li cꞌaꞌru naraj li Dios. Ye ke, ¿ma us xqꞌuebal li toj re li acuabej malaj ut incꞌaꞌ? ¿Ma takaqꞌue malaj ut incꞌaꞌ? chanqueb.

Jueces 6:27

Ut laj Gedeón, rochbeneb laje̱b lix mo̱s, queꞌxba̱nu joꞌ quixye li Ka̱cuaꞌ. Abanan incꞌaꞌ quixba̱nu chi cutan. Chiru kꞌojyi̱n ban quixba̱nu xban nak quixucuac chiruheb lix comon ut chiruheb ajcuiꞌ li cui̱nk li cuanqueb saꞌ li tenamit aꞌan.

Isaías 51:7

Cherabihak li cꞌaꞌru ninye, la̱ex li nequenau li us, la̱ex li nequecꞌu̱la lin chakꞌrab saꞌ le̱ chꞌo̱l. Mexxucuac nak eb li tenamit nequexseꞌe ut michꞌinan e̱chꞌo̱l nak nequexhobeꞌ.

Filipenses 1:14

Ut nabaleb laj pa̱banel xeꞌxcacuubresi xchꞌo̱leb saꞌ xpa̱ba̱leb saꞌ xcꞌabaꞌ li Ka̱cuaꞌ xban nak xeꞌxqꞌue retal nak cau inchꞌo̱l usta cuanquin chi pre̱xil saꞌ xcꞌabaꞌ li Jesucristo. Ut nequeꞌxchꞌolob xya̱lal li ra̱tin li Dios chi ma̱cꞌaꞌ xxiuheb.

1 Reyes 17:24

Ut li xma̱lcaꞌan quixye re: —Riqꞌuin aꞌin ninqꞌue retal nak la̱at xprofeta li Dios ut chixjunil li nacaye, aꞌan ya̱l xban nak li Ka̱cuaꞌ naxcꞌut cha̱cuu, chan.

Jeremías 38:16

Ut li rey Sedequías quixba̱nu li juramento saꞌ mukmu riqꞌuin laj Jeremías, ut quixye re: —Saꞌ xcꞌabaꞌ li yoꞌyo̱quil Dios, li naqꞌuehoc kayuꞌam, la̱in incꞌaꞌ tatincamsi, chi moco tatinkꞌaxtesi saꞌ rukꞌeb li cui̱nk li teꞌajok a̱camsinquil, chan.

San Mateo 23:7

Eb aꞌan nequeꞌraj nak teꞌoxlokꞌi̱k ut teꞌqꞌuehekꞌ xsahil xchꞌo̱leb saꞌ eb li be. Ut nequeꞌraj nak li tenamit teꞌxye “tzolonel” reheb.

San Mateo 23:8

Abanan la̱ex me̱rahi ru nak li tenamit teꞌxqꞌue e̱lokꞌal ut teꞌxye “tzolonel” e̱re xban nak jun ajcuiꞌ laj tzolol e̱re cuan. La̱in li Cristo laj tzolol e̱re ut che̱junilex la̱ex e̱ri̱tzꞌin e̱rib.

San Juan 2:11

Aꞌan aꞌin li xbe̱n milagro li quixba̱nu li Jesús nak quixsukꞌisi li haꞌ chokꞌ vino aran Caná re Galilea. Riqꞌuin li milagro aꞌin quixcꞌutbesi nak cuan xcuanquil ut eb lix tzolom queꞌxpa̱b nak li Jesús aꞌan li Ralal li Dios.

San Juan 4:31

Nak toj ma̱jiꞌ nequeꞌcuulac, eb lix tzolom li Jesús yo̱queb chixtzꞌa̱manquil chiru nak ta̱cuaꞌak. Queꞌxye re: —At tzolonel, cuaꞌin, chanqueb re.

San Juan 6:2

Nabaleb yo̱queb chi ta̱ke̱nc re xban nak queꞌrileb li milagro li yo̱ chixba̱nunquil nak naxqꞌuirtesiheb li yaj.

San Juan 10:38

Abanan cui yo̱quin chixba̱nunquil li cꞌaꞌru naraj li Dios, usta incꞌaꞌ niquine̱pa̱b la̱in, cheqꞌue retal li milagro li yo̱quin chixba̱nunquil re nak te̱nau chi tzꞌakal nak li Dios cuan cuiqꞌuin ut la̱in cuanquin riqꞌuin aꞌan, chan li Jesús.

San Juan 14:10

Felipe, ¿ma incꞌaꞌ nacapa̱b nak la̱in ut li Yucuaꞌbej junaj ku chi kibil kib? Li cꞌaꞌru xinye e̱re moco yal injunes ta xinye. Li Yucuaꞌbej cuan cuiqꞌuin, ut aꞌan nacꞌutuc chicuu li cꞌaꞌru ninba̱nu.