San Juan 3:15 - Li Santil hu

¹⁵ re nak chixjunileb li teꞌpa̱ba̱nk cue la̱in incꞌaꞌ teꞌsachk. Teꞌcua̱nk ban xyuꞌam chi junelic.

Q'eqchi Bible

¹⁵ re naq chixjunil li taapaab'anq re wanq xyu'am chi junelik.

San Juan 3:15 ပူးပေါင်းရင်းမြစ်များ

San Juan 3:16

Li Dios cꞌajoꞌ nak quixraheb li cuanqueb saꞌ ruchichꞌochꞌ nak quixqꞌue li Ralal junaj chi ribil re nak chixjunileb li ani teꞌpa̱ba̱nk re incꞌaꞌ teꞌsachk. Ta̱cua̱nk ban xyuꞌameb chi junelic.

San Juan 6:40

Li Yucuaꞌbej li quitaklan chak cue, aꞌan naraj nak chixjunileb li teꞌxqꞌue retal nak la̱in li Cꞌajolbej ut tineꞌxpa̱b ta̱cua̱nk xyuꞌameb chi junelic. Ut la̱in tincuaclesiheb ut tinqꞌue xyuꞌameb saꞌ rosoꞌjiqueb li cutan, chan li Jesús.

San Juan 3:36

Li ani napa̱ban re li Cꞌajolbej cuan xyuꞌam chi junelic. Ut li ani incꞌaꞌ napa̱ban re li Cꞌajolbej incꞌaꞌ ta̱cua̱nk xyuꞌam chi junelic. Cuan ban li tojba ma̱c saꞌ xbe̱n, chan laj Juan.

San Juan 20:31

Abanan li joꞌ qꞌuial tzꞌi̱banbil retalil saꞌ li hu aꞌin, quitzꞌi̱ba̱c re nak te̱pa̱b nak li Jesús, aꞌan li Cristo. Aꞌan li Ralal li Dios. Quitzꞌi̱ba̱c re nak riqꞌuin xpa̱banquil ta̱cua̱nk e̱yuꞌam chi junelic saꞌ xcꞌabaꞌ aꞌan.

1 Juan 5:1

Chixjunileb li nequeꞌpa̱ban re nak li Jesús aꞌan li Cristo, aꞌaneb li ralal xcꞌajol li Dios. Ut cui la̱o nakara li Acuabej Dios, takaraheb ajcuiꞌ li ralal xcꞌajol.

Hebreos 7:25

Li Jesucristo aꞌan tzꞌakal ta̱colok reheb chixjunileb li nequeꞌpa̱ban re li Dios saꞌ xcꞌabaꞌ aꞌan. Li Jesucristo yoꞌyo chi junelic ut naa̱tinac chirixeb chiru li Dios.

1 Juan 5:20

Ut la̱o nakanau nak li Ralal li Dios quicꞌulun saꞌ ruchichꞌochꞌ. Quixqꞌue kanaꞌleb re xnaubal bar cuan li tzꞌakal Dios. Ut junajo chic riqꞌuin li tzꞌakal Dios xban nak xkapa̱b li Jesucristo li Ralal li Dios. Aꞌan li naqꞌuehoc ke li yuꞌam chi junelic.

Isaías 45:22

Cha̱lkex cuiqꞌuin re nak texcolekꞌ che̱junilex li cuanquex saꞌ ruchichꞌochꞌ xban nak la̱in li tzꞌakal Dios ut ma̱cꞌaꞌ chic junak dios. Caꞌaj cuiꞌ la̱in.

San Juan 6:47

Relic chi ya̱l tinye e̱re nak li ani napa̱ban cue, li jun aꞌan cuan xyuꞌam chi junelic.

San Juan 1:12

Abanan chixjunileb li queꞌcꞌuluc re ut queꞌpa̱ban re nak aꞌan taklanbil chak xban li Dios, aꞌaneb li quixcꞌuleb chokꞌ ralal xcꞌajol li Dios.

San Juan 5:24

Relic chi ya̱l ninye e̱re nak li ani na-abin re li cꞌaꞌru ninye ut naxpa̱b li Dios li quitaklan chak cue, li jun aꞌan cuan xyuꞌam chi junelic. Incꞌaꞌ ta̱xic saꞌ tojba ma̱c xban nak incꞌaꞌ chic tenebanbil li ca̱mc saꞌ xbe̱n. Cua̱nk ban chic xyuꞌam chi junelic.

San Lucas 19:10

La̱in li Cꞌajolbej xincꞌulun chixsicꞌbal ut chixcolbal li sachenakeb, chan li Jesús.

Gálatas 2:16

Abanan nakanau nak ma̱ ani ta̱ti̱cobresi̱k xchꞌo̱l chiru li Dios riqꞌuin xba̱nunquil li cꞌaꞌru naxye li chakꞌrab. Riqꞌuin ban xpa̱banquil li Jesucristo. La̱o xkapa̱b li Ka̱cuaꞌ Jesucristo re ta̱ti̱cobresi̱k kachꞌo̱l chiru li Dios riqꞌuin xpa̱banquil li Cristo ut ma̱cuaꞌ riqꞌuin xba̱nunquil li naxye li chakꞌrab cocoleꞌ. Riqꞌuin xba̱nunquil li naxye li chakꞌrab, ma̱ ani ta̱ti̱cobresi̱k xchꞌo̱l chiru li Dios.

1 Juan 2:25

Li yuꞌam ma̱cꞌaꞌ rosoꞌjic, aꞌan li naxyechiꞌi ke li Jesucristo.

Hebreos 10:39

Aban, la̱o ma̱cuaꞌo xcomoneb li nequeꞌxcanab xpa̱banquil li Dios. Eb aꞌan teꞌxic saꞌ xbalba. La̱o nakapa̱b li Dios ut tocolekꞌ.

Hechos 8:36

Nak yo̱queb chi xic, queꞌcuulac cuan cuiꞌ jun li haꞌ. Ut li cui̱nk quixye: —Arin cuan haꞌ. ¿Ma incꞌaꞌ ta̱ru̱k ta̱cube̱k inhaꞌ la̱in? chan.

San Marcos 16:16

Li ani ta̱pa̱ba̱nk ut ta̱cube̱k xhaꞌ, aꞌan ta̱colekꞌ; aꞌut li ani incꞌaꞌ ta̱pa̱ba̱nk, aꞌan ta̱xic saꞌ tojba ma̱c.

Gálatas 2:20

Li Jesucristo quicam chiru li cruz ut chanchan nak quinqꞌueheꞌ ajcuiꞌ la̱in cuochben. Ma̱cuaꞌ chic la̱in li yoꞌyo̱quin. Aꞌ chic li Cristo cuan cuiqꞌuin. Ut acꞌ chic lin yuꞌam xban nak xinpa̱b li Jesucristo li Ralal li Dios li quirahoc cue ut quixkꞌaxtesi rib chi ca̱mc saꞌ incꞌabaꞌ.

2 Corintios 4:3

Cui incꞌaꞌ natauman ru lix ya̱lal li colba-ib li nakachꞌolob la̱o, aꞌ li incꞌaꞌ nequeꞌxtau ru, aꞌan eb li nequeꞌsach.

1 Corintios 1:18

Nak nequeꞌrabi resil lix camic li Cristo chiru li cruz, ma̱cꞌaꞌ na-oc cuiꞌ chiruheb li teꞌxic saꞌ xbalba. To̱ntil naꞌleb aꞌan chanqueb. Aban chiku la̱o li ac xocoleꞌ kꞌaxal lokꞌ aꞌan xban nak aꞌan xcuanquil li Dios.

Romanos 5:21

Xban nak cuan li ma̱c, cuan ajcuiꞌ li ca̱mc. Abanan xban xnimal rusilal, li Dios naxqꞌue xti̱quilal li kachꞌo̱l ut li kayuꞌam chi junelic saꞌ xcꞌabaꞌ li Ka̱cuaꞌ Jesucristo.

Hechos 13:41

Aꞌan aꞌin li queꞌxtzꞌi̱ba li profeta junxil: Cherabihak, la̱ex li nequextzꞌekta̱nan re li cua̱tin. Chisachk e̱naꞌleb ut chex-osokꞌ ta. La̱in yo̱quin chixba̱nunquil jun li sachba chꞌo̱lej saꞌ eb li cutan aꞌin. Li sachba chꞌo̱lej li yo̱quin chixba̱nunquil incꞌaꞌ raj te̱pa̱b cui yal ani ta junak ta̱serakꞌi̱nk e̱re.— (Hab. 1:5)

San Mateo 18:10

La̱in ninye e̱re cheqꞌuehak retal me̱tzꞌekta̱na junak reheb li kꞌuneb xchꞌo̱l saꞌ lix pa̱ba̱l xban nak eb aꞌan cꞌacꞌalenbileb xbaneb li ángel, li cuanqueb riqꞌuin lin Yucuaꞌ cuan saꞌ choxa.

San Juan 16:33

Xinye e̱re li cꞌaꞌak re ru aꞌin re nak texcua̱nk cuiqꞌuin ut ta̱cua̱nk e̱riqꞌuin li tuktu̱quilal. Saꞌ li ruchichꞌochꞌ te̱cꞌul li raylal. Abanan cacuubresihomak le̱ chꞌo̱l xban nak la̱in ac xinnumta saꞌ xbe̱n li nataklan saꞌ ruchichꞌochꞌ, chan li Jesús reheb lix tzolom.

Números 21:9

Ut laj Moisés quixyi̱b jun li cꞌantiꞌ riqꞌuin li chꞌi̱chꞌ bronce ut quixtaksi saꞌ ruꞌuj jun li cheꞌ. Nak queꞌtiꞌeꞌ xban cꞌantiꞌ, li cristian li queꞌril li cꞌantiꞌ bronce incꞌaꞌ queꞌcam.

Isaías 11:10

Ta̱cuulak xkꞌehil nak saꞌ xya̱nkeb li ralal xcꞌajol laj Isaí ta̱cꞌulu̱nk jun li ta̱takla̱nk. Ut aꞌanak jun etalil chiruheb li tenamit. Chixjunileb teꞌsicꞌok re. Ut li tenamit li ta̱cua̱nk cuiꞌ kꞌaxal lokꞌak.

San Mateo 25:46

Ut eb aꞌan teꞌxic saꞌ li tojba ma̱c chi junelic. Abanan li ti̱queb xchꞌo̱l cua̱nkeb xyuꞌam chi junelic.—

San Juan 6:27

Mixic e̱chꞌo̱l caꞌaj cuiꞌ riqꞌuin xsicꞌbal li tzacae̱mk li na-osoꞌ. Cheqꞌuehak ban e̱chꞌo̱l chixsicꞌbal li tzacae̱mk li incꞌaꞌ nalaj na-osoꞌ. Aꞌan li junelic yuꞌam li ninqꞌue la̱in li Cꞌajolbej. Aꞌan aj e nak quixqꞌue incuanquil ut quinixtakla chak li Yucuaꞌbej, chan li Jesús.