San Juan 3:14 - Li Santil hu

¹⁴ Nak toj cuanqueb laj judío saꞌ li chaki chꞌochꞌ, laj Moisés quixtaksi chiru jun cheꞌ jun li cꞌantiꞌ yi̱banbil riqꞌuin li chꞌi̱chꞌ bronce. Joꞌcan ajcuiꞌ la̱in li Cꞌajolbej. Tento nak tintaksi̱k chiru jun li cheꞌ,

Q'eqchi Bible

¹⁴ Ut kama' naq laj Moisés kixtaqsi li k'anti' sa' li chaqich'och', jo'kan ajwi' tento taataqsiiq li K'ajolb'ej,

San Juan 3:14 ပူးပေါင်းရင်းမြစ်များ

San Juan 8:28

Ut quixye ajcuiꞌ li Jesús reheb: —Nak acak xine̱taksi chiru li cruz re incamsinquil toj aran te̱qꞌue retal nak la̱in li taklanbilin chak xban li Dios. Ut te̱nau nak ma̱cꞌaꞌ ninba̱nu injunes. Li cꞌaꞌru ninye la̱in, aꞌan li quixcꞌutbesi chicuu lin Yucuaꞌ.

Hechos 2:23

Li Jesús quikꞌaxtesi̱c saꞌ e̱rukꞌ la̱ex xban nak ac joꞌcan chak saꞌ xchꞌo̱l li Dios nak joꞌcan tixcꞌul. Ut la̱ex quechap ut quekꞌaxtesi saꞌ rukꞌeb li cui̱nk li incꞌaꞌ useb xnaꞌleb. Ut eb aꞌan queꞌxcamsi chiru cruz.

San Mateo 26:54

Abanan cui tixtakla raj chak eb li ángel, ¿chan raj ru nak ta̱tzꞌaklok ru li tzꞌi̱banbil saꞌ li Santil Hu, li naxye nak joꞌcaꞌin tento ta̱cꞌulma̱nk? chan li Jesús.

Salmos 22:16

Li incꞌaꞌ useb xnaꞌleb li yo̱queb chixba̱nunquil raylal cue, chanchaneb jun chꞌu̱tal chi joskꞌ aj tzꞌiꞌ teꞌraj tiꞌoc. Xeꞌxhop li cuok ut xeꞌxhop li cuukꞌ.

2 Reyes 18:4

Laj Ezequías quixjuqꞌui li naꞌajej najt xteram li nequeꞌxlokꞌoni cuiꞌ li yi̱banbil dios. Quixjori li ni̱nki jalam u̱ch Asera xcꞌabaꞌ. Ut quixpuqꞌui li yi̱banbil dios. Ut quixjori ajcuiꞌ li cꞌantiꞌ yi̱banbil riqꞌuin bronce li quixyi̱b laj Moisés xban nak eb laj Israel yo̱queb chixcꞌatbal lix incienso chiru. Nehustán quiqꞌueheꞌ chokꞌ xcꞌabaꞌ li cꞌantiꞌ aꞌan.

San Lucas 24:20

Eb li xbe̱nil aj tij ut eb li nequeꞌtaklan saꞌ kabe̱n queꞌxkꞌaxtesi chi camsi̱c ut queꞌxqꞌue chiru cruz.

Isaías 11:10

Ta̱cuulak xkꞌehil nak saꞌ xya̱nkeb li ralal xcꞌajol laj Isaí ta̱cꞌulu̱nk jun li ta̱takla̱nk. Ut aꞌanak jun etalil chiruheb li tenamit. Chixjunileb teꞌsicꞌok re. Ut li tenamit li ta̱cua̱nk cuiꞌ kꞌaxal lokꞌak.

San Mateo 8:20

Ut li Jesús quichakꞌoc ut quixye re: —Cꞌoxla chi us ma ta̱cuy inta̱kenquil. Li yac cuanqueb xjul saꞌ pec, ut li xul li nequeꞌrupupic chiru choxa cuanqueb xsoc, abanan la̱in li Cꞌajolbej ma̱cꞌaꞌ innaꞌaj bar ta̱ru̱k tinyocob cuiꞌ cuib, chan.

San Juan 6:51

La̱in li yoꞌyo̱quil cua. Quinchal chak saꞌ choxa. Li ani napa̱ban cue la̱in incꞌaꞌ ta̱sachk. Cua̱nk ban xyuꞌam chi junelic. Li cua li tinqꞌue la̱in, aꞌan lin tibel nak tinkꞌaxtesi cuib chi ca̱mc re nak ta̱ru̱k teꞌcua̱nk xyuꞌameb chi junelic li cuanqueb saꞌ ruchichꞌochꞌ, chan li Jesús.

San Juan 18:32

Riqꞌuin aꞌin quitzꞌakloc ru li quixye li Jesús chanru nak ta̱camsi̱k.