San Juan 21:25 - Li Santil hu

²⁵ Toj cuan chic nabal li cꞌaꞌak re ru quilajxba̱nu li Jesús. Cui ta tzꞌi̱banbil retalil chi xjunju̱nkal, la̱in ninye nak ma̱ jokꞌe raj ta̱tzꞌaklok li ruchichꞌochꞌ chokꞌ xnaꞌaj li hu li ta̱tzꞌi̱bama̱nk cuiꞌ retalil. Joꞌcan taxak.

Q'eqchi Bible

²⁵ Toj wank naab'al chik kilajxb'aanu li Jesus. Wi ta te'tz'iib'amanq chi xjunjunqaleb', nink'oxla naq chixjunil li ruuchich'och' moko taatz'aqloq ta cho'q xna'ajeb' li hu te'tz'iib'amanq.

San Juan 21:25 ပူးပေါင်းရင်းမြစ်များ

Salmos 40:5

At Ka̱cuaꞌ, at kaDios, numtajenak li usilal xaba̱nu ke. Ma̱ ani naru nacatkajuntakꞌe̱ta cuiꞌ. Junelic yo̱cat chi cꞌoxlac chikix. Nacuaj raj xyebal resil joꞌ qꞌuial xaba̱nu, abanan incꞌaꞌ ninru xyebal xban nak numtajenak cuiꞌchic la̱ cuusilal.

Salmos 71:15

La̱in rajlal cutan tinye resil nak la̱at ti̱c la̱ chꞌo̱l. La̱at nacatcoloc cue. Incꞌaꞌ naru rajlanquil jarub sut xina̱col chiruheb li xicꞌ nequeꞌiloc cue.

Li xHu LAJ JOB 26:14

Kꞌaxal nim xcuanquil li Dios. Li cꞌaꞌru quixba̱nu riqꞌuin lix cuanquil yo̱co chirilbal anakcuan. Abanan yal caꞌchꞌin ajcuiꞌ naxcꞌut chiku. Toj cuan cuiꞌchic nabal toj ma̱jiꞌ naxcꞌutbesi chiku. La̱o ma̱ jokꞌe takatau ru lix nimal lix cuanquilal.—

Hebreos 11:32

Toj cuan raj nabal tinserakꞌi e̱re, aban incꞌaꞌ ta̱tzꞌaklok li cutan re tinserakꞌik chirix lix pa̱ba̱leb laj Gedeón, laj Barac, laj Sansón, ut laj Jefté; ut tinye ajcuiꞌ raj e̱re chanru lix pa̱ba̱leb laj David, laj Samuel, ut eb li profeta. Aban incꞌaꞌ ta̱tzꞌaklok li cutan.

Hechos 10:38

Ac e̱rabiom resil li Jesucristo aj Nazaret. Li Dios quixqꞌue li Santil Musikꞌej re, ut quixqꞌue xcuanquil. Aꞌan quibe̱c yalak bar chixba̱nunquil li usilal ut chixqꞌuirtesinquileb li tacuasinbileb xban laj tza xban nak li Dios cuan riqꞌuin.

Hechos 20:35

Riqꞌuin chixjunil li xinba̱nu, xincꞌut che̱ru chanru xtenkꞌanquileb li teꞌraj tenkꞌa̱c. Chijulticokꞌ ke li quixye li Ka̱cuaꞌ Jesús: Kꞌaxal us li qꞌuehoc chiru li cꞌuluc, chan.

San Mateo 11:5

Yehomak re nak eb li mutzꞌ nequeꞌiloc chic; eb li ye̱k rok nequeꞌbe̱c chic; eb li saklep rix xeꞌqꞌuirtesi̱c; eb li tzꞌap xic nequeꞌabin chic; eb li camenak nequeꞌcuaclesi̱c cuiꞌchic chi yoꞌyo; ut eb li nebaꞌ yo̱queb chirabinquil resil li usilal, chaꞌkex re.

Eclesiastés 12:12

Qꞌuehomak retal. Nabal li naꞌleb cuan saꞌ ruchichꞌochꞌ. Moco narakeꞌ ta xtzꞌi̱banquil. Abanan ma̱cꞌaꞌ rajbal xtzolbal chixjunil li cꞌaꞌak re ru aꞌan. Li tzoloc chi nabal, aꞌan nalubtesin.

Amós 7:10

Ut laj Amasías laj tij li nacuan aran Bet-el, quixtakla resil riqꞌuin laj Jeroboam lix reyeb laj Israel ut quixye re li rey Jeroboam chi joꞌcaꞌin: —Cꞌajoꞌ yo̱ chixyebal cha̱cuix laj Amós reheb li tenamit Israel. Li tenamit incꞌaꞌ chic nequeꞌxcuy rabinquil li naxye.

San Mateo 19:24

Tinye ajcuiꞌ e̱re nak incꞌaꞌ raj chꞌaꞌaj nak ta̱numekꞌ junak nimla xul camello saꞌ ru junak cu̱x chiru nak ta̱oc junak biom rubel xcuanquil li Dios.

San Marcos 5:16

Ut eb li queꞌiloc re, queꞌxserakꞌi reheb li tenamit chanru qui-ux re li cui̱nk li quicuan ma̱us aj musikꞌej riqꞌuin, joꞌ ajcuiꞌ li cꞌaꞌru queꞌxcꞌul li a̱k.