San Juan 21:23 - Li Santil hu

²³ Joꞌcan nak qui-el resil saꞌ xya̱nkeb laj pa̱banel nak li jun aꞌan incꞌaꞌ ta̱ca̱mk. Abanan ma̱cuaꞌ joꞌcan quixye li Jesús. Incꞌaꞌ quixye nak incꞌaꞌ ta̱ca̱mk. Caꞌaj cuiꞌ quixye, “Cui la̱in tincuaj nak yoꞌyo̱k toj tincꞌulu̱nk, ¿cꞌaꞌru ta̱cuaj re la̱at?”

Q'eqchi Bible

²³ Jo'kan naq kisutunk resil sa' xyanqeb' laj paab'anel naq ink'a' taakamq li tzolom a'an. Ab'an li Jesus moko kixye ta re laj Pedro naq ink'a' taakamq, kixye b'an: “Wi twaj naq a'in taakanaaq toj reetal tolin'elq, k'a' taawaj re?”.

San Juan 21:23 ပူးပေါင်းရင်းမြစ်များ

Li xHu LAJ JOB 33:13

¿Cꞌaꞌut nak yo̱cat chixcuechꞌbal rix li Dios? ¿Cꞌaꞌut nak nacaye nak incꞌaꞌ naxsume li cꞌaꞌru nacatzꞌa̱ma chiru?

Deuteronomio 29:29

Cuan li naꞌleb li incꞌaꞌ quixcꞌutbesi chiku li Ka̱cuaꞌ xban nak aꞌan re li Ka̱cuaꞌ li kaDios. Abanan li cꞌaꞌru quixcꞌutbesi chiku, aꞌan ke la̱o ut reheb li kalal kacꞌajol li teꞌcua̱nk mokon re nak takaba̱nu li cꞌaꞌru naxye saꞌ li chakꞌrab aꞌin.

Hechos 1:15

Saꞌ eb li cutan aꞌan jun ciento riqꞌuin junmay chixjunileb laj pa̱banel li chꞌutchꞌu̱queb aran. Laj Pedro quixakli saꞌ xya̱nkeb ut qui-oc chixyebal reheb:

Daniel 4:35

Chixjunileb li cuanqueb saꞌ ruchichꞌochꞌ ma̱cꞌaꞌeb xcuanquil chiru aꞌan. Li Ka̱cuaꞌ kꞌaxal nim xcuanquil saꞌ xbe̱neb li cuanqueb saꞌ choxa joꞌ ajcuiꞌ saꞌ ruchichꞌochꞌ. Naxba̱nu li cꞌaꞌru naraj aꞌan ut ma̱ ani naru naa̱tinac chirix.

Li xHu LAJ JOB 28:28

Ut quixye reheb li cristian, “Li ani cuan xnaꞌleb, aꞌan li nacꞌanjelac chicuu chi tzꞌakal. Ut li ani se̱b xchꞌo̱l, aꞌan li naxcanab xba̱nunquil li ma̱usilal,” chan li Dios.—

San Mateo 16:27

La̱in li Cꞌajolbej tincha̱lk riqꞌuin xnimal xlokꞌal lin Yucuaꞌ cuochbeneb lix ángel. Tojoꞌnak tinqꞌue lix kꞌajca̱munquil chi xjunju̱nkaleb joꞌ chanru lix yehom xba̱nuhom.

Hechos 6:3

Ex herma̱n, sicꞌomak saꞌ e̱ya̱nk cuukubak chi cui̱nk cha̱bilakeb xnaꞌleb ut nujenakeb chi Santil Musikꞌej riqꞌuineb. Cha̱bilak xyehom xba̱nuhomeb. Aꞌaneb li teꞌqꞌuehekꞌ saꞌ li cꞌanjel aꞌin.

Hechos 28:14

Saꞌ li naꞌajej aꞌan cuanqueb aj pa̱banel katauheb. Eb aꞌan queꞌxtzꞌa̱ma chiku nak tocana̱k cuukubak cutan riqꞌuineb. Ut chirix aꞌan co̱o cuiꞌchic Roma.

1 Corintios 4:5

Joꞌcan nak mexrakoc a̱tin chirix le̱ ras e̱ri̱tzꞌin. Cheroybeni toj ta̱cuulak xkꞌehil nak tol-e̱lk cuiꞌchic li Ka̱cuaꞌ Jesucristo ut aꞌan tixcꞌutbesi li incꞌaꞌ nanauman anakcuan. Tixcꞌutbesi li cꞌaꞌru nanumeꞌ saꞌ xchꞌo̱l li junju̱nk. Ut li Dios tixqꞌue xlokꞌal li junju̱nk aꞌ yal chanru lix yehom xba̱nuhom.

1 Corintios 11:26

Joꞌcan nak ninye e̱re rajlal nak te̱tzaca a caxlan cua aꞌin ut te̱rucꞌ xsaꞌ li secꞌ aꞌin, te̱jultica xcamic li Cristo. Cheba̱nuhak aꞌan toj ta̱cꞌulu̱nk cuiꞌchic li Ka̱cuaꞌ Jesucristo.

Santiago 5:7

Joꞌcan ut ex herma̱n, checuyak roybeninquil lix cꞌulunic li Ka̱cuaꞌ Jesucristo. Joꞌ laj cꞌalom naxcuy roybeninquil jokꞌe natꞌaneꞌ li hab re nak ta̱a̱uk ut naxcuy ajcuiꞌ roybeninquil nak nacuulac xkꞌehil li kꞌoloc re nak tixkꞌol ru li racui̱mk.

Apocalipsis 2:25

Caꞌaj cuiꞌ tinye e̱re aꞌin: Cacuubresihomak e̱chꞌo̱l saꞌ le̱ pa̱ba̱l toj ta̱cuulak xkꞌehil nak tincuulak e̱riqꞌuin.