San Juan 21:17 - Li Santil hu

¹⁷ Ut li Jesús quixpatzꞌ cuiꞌchic re rox sut: —At Simón, ralalat laj Jonás, ¿ma niquina̱ra?— Ut quirahoꞌ saꞌ xchꞌo̱l laj Pedro xban nak li Jesús quixpatzꞌ re rox sut “¿ma niquina̱ra?”. Joꞌcan nak quixye re li Jesús: —Ka̱cuaꞌ, la̱at nacanau chixjunil li cꞌaꞌak re ru. ¡La̱at nacanau nak nacatinra!— Ut li Jesús quixye cuiꞌchic re: —Chacuilakeb li cualal incꞌajol joꞌ jun li pastor narileb lix carner.

Q'eqchi Bible

¹⁷ Kixpatz' wi' chik re rox sut: —At Simón, ralalat laj Jwan, ma nikinaara? Kiraho'k xch'ool laj Pedro naq ox sut kipatz'e'k re: «Ma nikinaara?». Ut kichaq'ok: —Qaawa', laa'at nakanaw chixjunil. Laa'at xak'e reetal naq nakatinra, chan. Kixye li Jesus re: —Chach'oolaniheb' linkarneer.

San Juan 21:17 ပူးပေါင်းရင်းမြစ်များ

San Juan 13:38

Li Jesús quixye re: —¿Ma ya̱l nak tina̱ta̱ke usta tatcamsi̱k saꞌ incꞌabaꞌ? Relic chi ya̱l ninye a̱cue nak toj ma̱jiꞌ ajcuiꞌ naya̱bac laj tzoꞌ xul nak la̱at ac xaye oxib sut nak incꞌaꞌ nacanau cuu, chan li Jesús.

San Marcos 14:72

Tojoꞌnak quiya̱bac cuiꞌchic xcaꞌ sut li tzoꞌ xul. Ut quinak saꞌ xchꞌo̱l laj Pedro li a̱tin quiyeheꞌ re xban li Jesús, “Nak toj ma̱jiꞌ naya̱bac xcaꞌ sut li tzoꞌ xul, la̱at ac xaye oxib sut nak incꞌaꞌ nacanau cuu”. Nak quijulticoꞌ re laj Pedro li a̱tin aꞌin, cꞌajoꞌ nak quirahoꞌ saꞌ xchꞌo̱l ut qui-oc chi ya̱bac.

San Juan 16:30

Anakcuan nakaqꞌue retal nak la̱at nacanau chixjunil li cꞌaꞌak re ru. Moco toj ta ta̱yehekꞌ a̱cue. Joꞌcan nak nakapa̱b nak la̱at riqꞌuin li Dios xatchal chak, chanqueb.

Apocalipsis 2:23

Ut tinkꞌaxtesiheb chi ca̱mc li nequeꞌta̱ken re. Ut riqꞌuin aꞌin teꞌxqꞌue retal chixjunileb laj pa̱banel nak la̱in ninnau cꞌaꞌru nanumeꞌ saꞌ xchꞌo̱leb li junju̱nk. La̱in ninnau cꞌaꞌru nequecꞌoxla. Ut la̱in tinqꞌue e̱kꞌajca̱munquil che̱ju̱nkal aꞌ yal chanru le̱ yehom e̱ba̱nuhom.

Efesios 4:30

Me̱ba̱nu chic li incꞌaꞌ us re nak incꞌaꞌ ta̱rahokꞌ xchꞌo̱l li Santil Musikꞌej e̱ban. Li Dios quixqꞌue e̱re li Santil Musikꞌej chokꞌ e̱retalil nak rehex chic aꞌan toj saꞌ li cutan nak tixtzꞌakobresi le̱ colbal.

Hechos 15:8

Li Dios naxnau cꞌaꞌru nanumeꞌ saꞌ xchꞌo̱l li junju̱nk. Quixcꞌut chiku nak naxraheb aꞌan nak quixqꞌue li Santil Musikꞌej reheb joꞌ nak quixqꞌue ke la̱o.

San Juan 15:10

Cui te̱ba̱nu li cꞌaꞌru ninye e̱re, la̱in texinra junelic. La̱in xinba̱nu li cꞌaꞌru xye cue lin Yucuaꞌ ut aꞌan junelic niquinixra la̱in.

San Juan 14:15

Cui niquine̱ra, cheba̱nuhak joꞌ xexinchakꞌrabi cuiꞌ.

Salmos 17:3

La̱at nacanau chanru lin cꞌaꞌux. Chi kꞌek chi cutan nacacuil chanru lin naꞌleb. La̱at xayal rix lin pa̱ba̱l ut nacanau nak ma̱cꞌaꞌ ma̱usilal ninba̱nu. Ut la̱at nacanau nak ma̱ jun yibru a̱tin na-el chi xtzꞌu̱mal cue.

2 Pedro 3:1

Ex inherma̱n, aꞌin li xcab hu nintzꞌi̱ba e̱riqꞌuin. Riqꞌuin li cuib chi hu yo̱quin cuiꞌchic chixnumsinquil lix ya̱lal saꞌ le̱ xic re nak te̱cꞌoxla chi us cꞌaꞌru te̱ba̱nu.

1 Pedro 1:6

Usta te̱cꞌul nabal pa̱y ru li raylal re xyalbal rix le̱ pa̱ba̱l saꞌ ruchichꞌochꞌ aꞌin, chisahokꞌ saꞌ le̱ chꞌo̱l xban nak ac colbilex chic.

2 Corintios 1:12

Kꞌaxal nasahoꞌ kachꞌo̱l xban nak nakanau nak saꞌ ti̱quilal nococuan saꞌ ruchichꞌochꞌ. Ut chi anchal kachꞌo̱l xocuan saꞌ ti̱quilal nak xocuan e̱riqꞌuin la̱ex. Moco xban ta nak cuan kanaꞌleb kajunes la̱o nak cuanco saꞌ ti̱quilal. Li Dios ban natenkꞌan ke riqꞌuin lix nimal ruxta̱n.

Hechos 1:24

Ut queꞌoc chi tijoc ut queꞌxye: —At Ka̱cuaꞌ, la̱at nacanau chanru li ra̱m li junju̱nk. Joꞌcan nak nakatzꞌa̱ma cha̱cuu nak ta̱cꞌutbesi chiku ani reheb li cuib aꞌin ta̱sicꞌ ru re ta̱cana̱k chi cꞌanjelac chokꞌ re̱kaj laj Judas.

San Juan 18:27

Ut laj Pedro quixye cuiꞌchic re: —Incꞌaꞌ. Ma̱cuaꞌin, chan. Tojeꞌ ajcuiꞌ ta̱rakekꞌ xyebal aꞌan nak quiya̱bac laj tzoꞌ xul.

San Juan 18:4

Li Jesús ac naxnau chixjunil li cꞌaꞌru tixcꞌul. Joꞌcan nak quichal ut quixakli chiruheb ut quixye: —¿Ani nequesicꞌ? chan reheb.

San Juan 12:8

Li nebaꞌ junelic cua̱nkeb saꞌ e̱ya̱nk. Yalak jokꞌe naru te̱tenkꞌaheb. Abanan la̱in moco cua̱nkin ta chi junelic e̱riqꞌuin, chan li Jesús.

San Mateo 25:40

Ut la̱in tinchakꞌok ut tinye reheb: “Relic chi ya̱l tinye e̱re, cui queba̱nu aꞌin re junak li nequeꞌpa̱ban cue, usta cubenak xcuanquil, cue ajcuiꞌ la̱in queba̱nu chak.”

Lamentaciones 3:33

Moco yal naraj ta xchꞌo̱l li Ka̱cuaꞌ nak naxqꞌue li raylal saꞌ kabe̱n.

Jeremías 17:10

Caꞌaj cuiꞌ la̱in li Ka̱cuaꞌ li ninnaꞌoc re cꞌaꞌru cuan saꞌ lix cꞌaꞌuxeb. Ut la̱in ninqꞌue xkꞌajca̱munquil li junju̱nk aꞌ yal chanru lix yehom xba̱nuhomeb.—

1 Crónicas 29:17

At inDios, la̱in ninnau nak la̱at nacanau li cꞌaꞌru nanumeꞌ saꞌ li kacꞌaꞌux. Nacuulac cha̱cuu li ti̱quilal. Joꞌcan nak la̱in chi anchal inchꞌo̱l xinqꞌue a̱cue chixjunil aꞌin. Ut anakcuan xinqꞌue retal nak chi saheb saꞌ xchꞌo̱leb chixjunileb la̱ tenamit li chꞌutchꞌu̱queb arin xeꞌxqꞌue a̱cue lix mayejeb.

1 Reyes 17:18

Li naꞌbej quixye re laj Elías: —¿Cꞌaꞌru inma̱c cha̱cuu, at xprofeta li Dios? ¿Ma xatchal cuiqꞌuin chixjulticanquil lin ma̱c ut chixcamsinquil lin chꞌina yum? chan.

Josué 22:22

—Li Ka̱cuaꞌ li nimajcual Dios, aꞌan naxnau chixjunil. Aꞌan naxnau cꞌaꞌru aj e nak xkayi̱b li artal aꞌin. Ut aꞌan ta̱cꞌutuk re lix ya̱lal che̱ru. Cui la̱o xkayi̱b li artal aꞌin re takakꞌetkꞌeti kib chiru, malaj ut re xtzꞌekta̱nanquil li Dios, choxqꞌuehak ta chi ca̱mc.

Apocalipsis 3:19

Li ani nequebinra, nintijeb ut ninkꞌuseb. Joꞌcan nak ninye e̱re nak jalomak e̱cꞌaꞌux ut qꞌuehomak e̱chꞌo̱l chinpa̱banquil.

2 Samuel 7:20

¿Cꞌaꞌ chic ru naru tinye a̱cue? La̱at nacanau chanru lin naꞌleb la̱in aj cꞌanjel cha̱cuu, at Ka̱cuaꞌ, at inDios.

San Juan 21:18

Relic chi ya̱l ninye a̱cue nak toj sa̱jat, nacabacꞌ a̱saꞌ a̱junes ut nacatxic yalak bar nacacuaj xic. Abanan nak ac ti̱xakat chic, ta̱yeꞌ la̱ cuukꞌ ut jalan ta̱bacꞌok re ut tatxcꞌam bar incꞌaꞌ nacacuaj xic, chan.

1 Crónicas 17:18

¿Cꞌaꞌ chic ru ta̱ru̱k tinye la̱in chirix lin lokꞌal li xaqꞌue? La̱at nacanau chanru lin naꞌleb, la̱in aj cꞌanjel cha̱cuu.

San Juan 4:16

Li Jesús quixye re: —Ayu. Bok chak la̱ be̱lom ut tatcha̱lk cuiꞌchic arin a̱cuochben, chan.

Hechos 11:10

Oxib sut quiyeheꞌ cue chi joꞌcan ut chirix aꞌan quicꞌameꞌ cuiꞌchic saꞌ choxa li nimla tꞌicr aꞌan.