San Juan 21:16 - Li Santil hu

¹⁶ Ut li Jesús quixye cuiꞌchic re: —At Simón, ralalat laj Jonás, ¿ma niquina̱ra?— Laj Pedro quixye: —Ka̱cuaꞌ, la̱at nacanau nak nacatinra.— Ut li Jesús quixye re: —Chacuilakeb li cualal incꞌajol joꞌ jun li pastor narileb lix carner, chan.

Q'eqchi Bible

¹⁶ Kixpatz' wi' chik re xka' sut: —At Simón, ralalat laj Jwan, ma nikinaara? Kichaq'ok a'an: —Hehe', Qaawa'. Laa'at nakanaw naq nakatinra, chan. Kixye li Jesus re: —Chab'eresiheb' linkarneer.

San Juan 21:16 ပူးပေါင်းရင်းမြစ်များ

Hechos 20:28

Joꞌcan nak ilomak e̱rib chi us la̱ex ut ilomakeb laj pa̱banel li xeꞌqꞌueheꞌ cheril xban li Santil Musikꞌej, li quixlokꞌeb riqꞌuin lix lokꞌlaj quiqꞌuel. Cherilak laj pa̱banel joꞌ nak naril chi us lix carner li pastor.

1 Pedro 5:2

La̱ex laj cꞌamol be, tintzꞌa̱ma che̱ru nak te̱qꞌue e̱chꞌo̱l chirilbaleb li ralal xcꞌajol li Dios joꞌ nak laj ilol xul narileb lix xul chi anchal xchꞌo̱l. Te̱qꞌue e̱chꞌo̱l chixchꞌolaninquileb laj pa̱banel li kꞌaxtesinbil e̱re xban li Dios chi ma̱cuaꞌ minbil e̱ru. Te̱ba̱nu ban chi anchal e̱chꞌo̱l. Me̱ba̱nu yal xban xrahinquil ru le̱ tojbal. Cheba̱nu ban xban nak te̱raj cꞌanjelac chiru li Dios.

1 Pedro 2:25

La̱ex sachso̱quex saꞌ le̱ ma̱c nak quexcuan chak. Chanchanex li carner sachenak li nachaꞌchaꞌi rib yalak bar chi ma̱cꞌaꞌ aj ilol re. Abanan anakcuan xexchal cuiꞌchic riqꞌuin li Cristo ut aꞌan chic ta̱ilok e̱re.

Salmos 100:3

Chenauhak nak li Ka̱cuaꞌ, aꞌan li tzꞌakal Dios. La̱o li ralal xcꞌajol. Aꞌan li quiyoꞌobtesin ke ut aꞌan ajcuiꞌ li na-iloc ke joꞌ jun li pastor narileb lix carner.

Salmos 95:7

Li Ka̱cuaꞌ, aꞌan li kaDios ut la̱o lix tenamit. Aꞌan na-iloc ke joꞌ nak li pastor narileb lix carner.

Hebreos 13:20

Aꞌ li Ka̱cuaꞌ Dios aꞌan laj qꞌuehol tuktu̱quil usilal, li Dios li quicuaclesin cuiꞌchic re chi yoꞌyo li Jesucristo saꞌ xya̱nkeb li camenak. Riqꞌuin lix lokꞌlaj quiqꞌuel li Jesucristo xakabanbil xcuanquil li acꞌ contrato chi junelic. Li Jesucristo na-iloc ke joꞌ junak cui̱nk narileb lix carner.

San Juan 18:25

Laj Pedro toj xakxo chi kꞌixi̱nc chire xam. Ut queꞌxye cuiꞌchic re: —¿Ma ma̱cuaꞌ ta biꞌ la̱at xcomoneb lix tzolom li cui̱nk aꞌan? Ut laj Pedro quiticꞌtiꞌic ut quixye: —Incꞌaꞌ. Ma̱cuaꞌin.—

San Juan 18:17

Ut li ixk, li nacꞌacꞌalen re li oqueba̱l quixye re laj Pedro, —¿Ma ma̱cuaꞌ ta biꞌ la̱at jun reheb lix tzolom li cui̱nk aꞌan? chan re. Laj Pedro quichakꞌoc ut quixye: —Incꞌaꞌ. Ma̱cuaꞌin.—

San Lucas 19:10

La̱in li Cꞌajolbej xincꞌulun chixsicꞌbal ut chixcolbal li sachenakeb, chan li Jesús.

San Mateo 26:72

Ut laj Pedro quiticꞌtiꞌic cuiꞌchic xcaꞌ cua. Quixpatzꞌ xcꞌabaꞌ li Dios ut quixye: —Incꞌaꞌ ninnau ru li cui̱nk aꞌan, chan.

San Mateo 25:32

Ut teꞌchꞌutuba̱k chicuu chixjunil xte̱paleb li tenamit li cuanqueb saꞌ ruchichꞌochꞌ. Tojoꞌnak tinsiqꞌueb ru ut tinqꞌueheb saꞌ cuib chꞌu̱tal joꞌ nak li pastor narisiheb lix carner saꞌ xya̱nkeb li chiba̱t.

San Mateo 2:6

Joꞌcaꞌin tzꞌi̱banbil saꞌ li Santil Hu: Li tenamit Belén, xchꞌochꞌeb laj Judá, moco kꞌaxal caꞌchꞌin ta lix cuanquil saꞌ xya̱nkeb li xni̱nkal ru tenamit re Judá xban nak aran ta̱e̱lk jun Acuabej ut aꞌan ta̱beresi̱nk re lin tenamit Israel. (Miq. 5:2)

Zacarías 13:7

Li nimajcual Dios quixye: —Tincanab chi camsi̱c laj ilol reheb li carner. Tinkꞌaxtesi re ca̱mc li natenkꞌan cue. Ta̱camsi̱k laj ilol reheb li carner ut eb li carner teꞌxchaꞌchaꞌi ribeb. Ut tincꞌut injoskꞌil chiruheb li carner.

Apocalipsis 7:17

Ut li Jun li chanchan carner li cꞌojcꞌo aran saꞌ xyiheb li cꞌojariba̱l, aꞌan ta̱ilok reheb joꞌ jun li cha̱bil pastor narileb lix carner. Ut aꞌan ta̱qꞌuehok re lix yuꞌameb chi junelic. Incꞌaꞌ chic teꞌya̱bak xban nak li Dios ta̱cꞌojoba̱nk xchꞌo̱leb.—

San Juan 21:17

Ut li Jesús quixpatzꞌ cuiꞌchic re rox sut: —At Simón, ralalat laj Jonás, ¿ma niquina̱ra?— Ut quirahoꞌ saꞌ xchꞌo̱l laj Pedro xban nak li Jesús quixpatzꞌ re rox sut “¿ma niquina̱ra?”. Joꞌcan nak quixye re li Jesús: —Ka̱cuaꞌ, la̱at nacanau chixjunil li cꞌaꞌak re ru. ¡La̱at nacanau nak nacatinra!— Ut li Jesús quixye cuiꞌchic re: —Chacuilakeb li cualal incꞌajol joꞌ jun li pastor narileb lix carner.