San Juan 21:15 - Li Santil hu

¹⁵ Nak ac xeꞌcuaꞌac, li Jesús quixye re laj Simón Pedro: —At Simón, ralalat laj Jonás, ¿ma kꞌaxal niquina̱ra chiruheb aꞌin?— Laj Pedro quixye re: —Ka̱cuaꞌ, la̱at nacanau nak nacatinra, chan. Ut li Jesús quixye re: —Chacuilakeb li cualal incꞌajol li toj kꞌuneb xchꞌo̱l saꞌ lix pa̱ba̱leb joꞌ jun li pastor narileb lix cocꞌ carner.—

Q'eqchi Bible

¹⁵ Naq ak xe'wa'ak, kixye li Jesus re laj Simón Pedro: —At Simón, ralalat laj Jwan, ma q'axal nikinaara chiruheb' a'in? Kixye a'an: —Hehe', Qaawa'. Laa'at nakanaw naq nakatinra. Kixye li Jesus re: —Chach'oolaniheb' linkok' karneer.

San Juan 21:15 ပူးပေါင်းရင်းမြစ်များ

Romanos 15:1

La̱o, li ac cau kachꞌo̱l saꞌ li kapa̱ba̱l, chikacuyeb xma̱c li toj kꞌuneb xchꞌo̱l saꞌ xpa̱ba̱leb ut takatenkꞌaheb saꞌ li chꞌaꞌajquilal. Incꞌaꞌ chikasicꞌ li us caꞌaj cuiꞌ chokꞌ ke la̱o.

1 Juan 4:19

La̱o nakara li Dios xban nak aꞌan xrahoc ke xbe̱n cua.

Isaías 40:11

Li Ka̱cuaꞌ ta̱rileb li ralal xcꞌajol chi cha̱bil joꞌ nak li pastor narileb lix carner. Tixchꞌutubeb lix cocꞌ carner ut tixcꞌam saꞌ xbe̱n xtel. Ut saꞌ tu̱lanil tixberesiheb lix naꞌeb li cocꞌ carner.

1 Pedro 1:8

Nequera li Cristo usta incꞌaꞌ nequeril ru. Nequepa̱b li Cristo, usta incꞌaꞌ e̱rilom ru. Kꞌaxal cuiꞌchic numtajenak xsahil saꞌ e̱chꞌo̱l chixpa̱banquil. Ut incꞌaꞌ nequetau junak a̱tin re xchꞌolobanquil lix sahil e̱chꞌo̱l xban nak kꞌaxal lokꞌ.

Efesios 6:24

Chicua̱nk taxak li rusilal li Dios e̱riqꞌuin che̱junilex la̱ex li nequexrahoc re li Ka̱cuaꞌ Jesucristo chi anchal e̱chꞌo̱l ut chi junelic. Joꞌcan taxak.

Hechos 20:28

Joꞌcan nak ilomak e̱rib chi us la̱ex ut ilomakeb laj pa̱banel li xeꞌqꞌueheꞌ cheril xban li Santil Musikꞌej, li quixlokꞌeb riqꞌuin lix lokꞌlaj quiqꞌuel. Cherilak laj pa̱banel joꞌ nak naril chi us lix carner li pastor.

1 Juan 5:1

Chixjunileb li nequeꞌpa̱ban re nak li Jesús aꞌan li Cristo, aꞌaneb li ralal xcꞌajol li Dios. Ut cui la̱o nakara li Acuabej Dios, takaraheb ajcuiꞌ li ralal xcꞌajol.

San Juan 16:27

Lin Yucuaꞌ nequexra la̱ex xban nak la̱ex niquine̱ra la̱in ut xban nak xepa̱b nak riqꞌuin li Dios xinchal chak.

Jeremías 3:15

La̱in tinxakabeb li ani teꞌilok e̱re. Eb aꞌan cua̱nkeb xnaꞌleb chi cꞌamoc be che̱ru joꞌ li nacuaj la̱in, chan li Dios.

Ezequiel 34:23

La̱in tinqꞌue aj ilol reheb. La̱in tinqꞌue laj David laj cꞌanjel chicuu chi iloc reheb ut aꞌan tixchꞌolaniheb.

1 Pedro 2:25

La̱ex sachso̱quex saꞌ le̱ ma̱c nak quexcuan chak. Chanchanex li carner sachenak li nachaꞌchaꞌi rib yalak bar chi ma̱cꞌaꞌ aj ilol re. Abanan anakcuan xexchal cuiꞌchic riqꞌuin li Cristo ut aꞌan chic ta̱ilok e̱re.

Hebreos 4:13

Ma̱ ani naru tixmuk rib chiru li Dios xban nak aꞌan quiyi̱ban re chixjunil li cꞌaꞌak re ru cuan. Cutan saken chiru li Dios li kayehom kaba̱nuhom. Ma̱cꞌaꞌ mukmu chiru li Dios li toxkachꞌolob cuiꞌ kayehom kaba̱nuhom.

San Lucas 22:32

Abanan la̱in xintijoc cha̱cuix re nak incꞌaꞌ ta̱canab la̱ pa̱ba̱l. Ut nak tatsukꞌi̱k cuiꞌchic cuiqꞌuin, ta̱qꞌue xcacuilal xchꞌo̱leb la̱ cuech aj pa̱banelil, chan li Jesús.

Hebreos 13:20

Aꞌ li Ka̱cuaꞌ Dios aꞌan laj qꞌuehol tuktu̱quil usilal, li Dios li quicuaclesin cuiꞌchic re chi yoꞌyo li Jesucristo saꞌ xya̱nkeb li camenak. Riqꞌuin lix lokꞌlaj quiqꞌuel li Jesucristo xakabanbil xcuanquil li acꞌ contrato chi junelic. Li Jesucristo na-iloc ke joꞌ junak cui̱nk narileb lix carner.

Romanos 14:1

Checꞌulakeb chi sa saꞌ e̱chꞌo̱l li toj kꞌuneb xchꞌo̱l saꞌ lix pa̱ba̱leb ut me̱cuechꞌi rix lix cꞌaꞌuxeb.

San Mateo 16:17

Tojoꞌnak quichakꞌoc li Jesús ut quixye re: —Us xak a̱cue, at Simón, ralalat laj Jonás, xban nak moco cui̱nk ta xcꞌutbesin cha̱cuu lix ya̱lal aꞌin. Lin Yucuaꞌ cuan saꞌ choxa, aꞌan ban li xcꞌutbesin cha̱cuu.

Jeremías 23:4

Ut la̱in tinxakabeb cuiꞌchic laj ilol reheb. Ut incꞌaꞌ chic teꞌxucuak chi moco teꞌsachekꞌ ruheb, chan.

Apocalipsis 2:23

Ut tinkꞌaxtesiheb chi ca̱mc li nequeꞌta̱ken re. Ut riqꞌuin aꞌin teꞌxqꞌue retal chixjunileb laj pa̱banel nak la̱in ninnau cꞌaꞌru nanumeꞌ saꞌ xchꞌo̱leb li junju̱nk. La̱in ninnau cꞌaꞌru nequecꞌoxla. Ut la̱in tinqꞌue e̱kꞌajca̱munquil che̱ju̱nkal aꞌ yal chanru le̱ yehom e̱ba̱nuhom.

1 Pedro 2:2

Li cꞌulaꞌal nak toj nayoꞌla naraj ru tuꞌuc. Us raj nak joꞌcano taxak la̱o riqꞌuin ra̱tin li Dios. Takaj taxak ru xtzolbal ra̱tin li Dios xban nak aꞌan li tzꞌakal ya̱l. Tocacuu̱k taxak saꞌ li kapa̱ba̱l ut tzꞌakalako taxak chiru li Dios re nak tocolekꞌ.

Gálatas 5:6

Cui la̱o reho chic li Jesucristo, ma̱cꞌaꞌ naxye cui takacꞌul li circuncisión malaj ut incꞌaꞌ. Li kꞌaxal tento xba̱nunquil, aꞌan xpa̱banquil li Jesucristo. Ut cui ya̱l nak nakapa̱b li Cristo, ta̱cꞌutu̱nk li kapa̱ba̱l xban nak nocorahoc.

San Juan 21:12

Li Jesús quixye reheb: —Quimkex ut cuaꞌinkex.— Ut ma̱ jun reheb lix tzolom quiraj xpatzꞌbal re ma aꞌan li Ka̱cuaꞌ xban nak ac nequeꞌxnau nak aꞌan li Ka̱cuaꞌ.

San Juan 21:7

Ut lix tzolom li Jesús, li raro xban, quixye re laj Pedro: —¡Aꞌan li Ka̱cuaꞌ!— Ut laj Pedro, nak quirabi nak aꞌan li Ka̱cuaꞌ, quixqꞌue cuiꞌchic li rakꞌ chirix xban nak quirisi nak qui-oc chi caribc, ut quixcut rib saꞌ li haꞌ re ta̱xic riqꞌuin li Jesús.

San Mateo 18:10

La̱in ninye e̱re cheqꞌuehak retal me̱tzꞌekta̱na junak reheb li kꞌuneb xchꞌo̱l saꞌ lix pa̱ba̱l xban nak eb aꞌan cꞌacꞌalenbileb xbaneb li ángel, li cuanqueb riqꞌuin lin Yucuaꞌ cuan saꞌ choxa.

Efesios 4:14

Moco joꞌcakex ta chic li cocꞌal. Li cocꞌal nequeꞌxpa̱b li cꞌaꞌak re ru nequeꞌyeheꞌ re. La̱ex ma̱cuaꞌex chic cocꞌal. Joꞌcan nak me̱qꞌue e̱rib chi balakꞌi̱c xbaneb li nequeꞌbalakꞌin riqꞌuin jalanil tijleb.

1 Corintios 8:11

La̱ex nequenau nak naru te̱tzaca li mayejanbil tzacae̱mk. Abanan, ma̱re yal e̱ma̱c la̱ex nak ta̱oc cuiꞌchic chi ma̱cobc li toj ma̱jiꞌ nacacuu saꞌ xpa̱ba̱l. La̱ex nequenau nak li Cristo quicam ajcuiꞌ saꞌ xcꞌabaꞌ eb aꞌan.

San Juan 8:42

Li Jesús quixye reheb: —Cui ta ya̱l nak li Dios e̱yucuaꞌ, niquine̱ra raj la̱in xban nak riqꞌuin li Dios quinchal chak. Cuanquin arin saꞌ e̱ya̱nk. Incꞌaꞌ quintakla chak cuib injunes. Aꞌ li Dios, aꞌan li quitaklan chak cue.

San Marcos 14:29

Ut laj Pedro quixye re: —Usta chixjunileb tateꞌxcanab abanan la̱in incꞌaꞌ tatincanab.—

San Lucas 12:32

Mexxucuac ex cualal incꞌajol. Usta incꞌaꞌ qꞌuihex, abanan le̱ yucuaꞌ cuan saꞌ choxa cꞌojcꞌo xchꞌo̱l chixqꞌuebal e̱re lix nimajcual cuanquilal.

Génesis 33:13

Ut laj Jacob quixye: —Ka̱cuaꞌ Esaú, la̱at nacanau nak eb li cocꞌal toj coqꞌueb. Incꞌaꞌ naru nakaqꞌueheb chi be̱c chi cau chixjunil li cutan. Joꞌeb ajcuiꞌ li queto̱mk li toj coqꞌueb. Cui takalubtesiheb chiru jun cutan naru nequeꞌcam chiku saꞌ be, chan.

San Mateo 10:37

Ut ani kꞌaxal naxra xnaꞌ xyucuaꞌ chicuu la̱in, moco xcꞌulub ta nak tincꞌul chokꞌ cualal. Ut ani kꞌaxal naxra li ralal xcꞌajol chicuu la̱in, moco xcꞌulub ta nak tincꞌul chokꞌ cualal.

2 Reyes 20:3

—La̱in nintzꞌa̱ma cha̱cuu, at Ka̱cuaꞌ Dios, chijulticokꞌ taxak a̱cue nak la̱in xincꞌanjelac cha̱cuu chi anchal inchꞌo̱l ut xinba̱nu li us joꞌ nacuulac cha̱cuu, chan. Ut quiya̱bac chi kꞌaxal ra saꞌ xchꞌo̱l.

2 Samuel 7:20

¿Cꞌaꞌ chic ru naru tinye a̱cue? La̱at nacanau chanru lin naꞌleb la̱in aj cꞌanjel cha̱cuu, at Ka̱cuaꞌ, at inDios.

San Juan 13:37

Laj Pedro quixye cuiꞌchic re: —Ka̱cuaꞌ, ¿cꞌaꞌut nak incꞌaꞌ ta̱ru̱k tinxic cha̱cuix anakcuan? La̱in tatinta̱ke usta tincamsi̱k xban a̱ta̱kenquil, chan.

San Juan 1:42

Ut quixcꞌam laj Simón riqꞌuin li Jesús. Li Jesús quiril aꞌan ut quixye re: —La̱at laj Simón li ralal laj Jonás. Anakcuan Pedro chic a̱cꞌabaꞌ.— (Chi jalbil ru naraj naxye “Pec”.)

San Mateo 26:35

Ut laj Pedro quixye cuiꞌchic: —Ma̱ jokꞌe tinye nak incꞌaꞌ ninnau a̱cuu, usta tineꞌxcamsi a̱cuochben, chan. Ut joꞌcan ajcuiꞌ queꞌxye chixjunileb lix tzolom.

San Mateo 26:33

Ut laj Pedro quichakꞌoc ut quixye: —Usta chixjunileb tateꞌxcanab, abanan la̱in incꞌaꞌ tatincanab, chan.

Hechos 20:29

La̱in ninnau nak tine̱lk saꞌ e̱ya̱nk, chanchanakeb laj xoj nak teꞌcha̱lk li jalaneb xnaꞌleb chixpoꞌbal ru le̱ pa̱ba̱l. Eb aꞌan incꞌaꞌ teꞌril xtokꞌoba̱l e̱ru.

Ezequiel 46:24

Ut li cui̱nk quixye cue: —Aꞌaneb aꞌin li naꞌajej li teꞌcꞌu̱ba̱nk cuiꞌ li nequeꞌcꞌanjelac saꞌ li templo. Arin teꞌxchik li mayej li nequeꞌxqꞌue eb li tenamit, chan.