San Juan 21:1 - Li Santil hu

¹ Mokon chic quixcꞌutbesi cuiꞌchic rib li Jesús chiruheb lix tzolom chire li palau Tiberias. Joꞌcaꞌin nak quixcꞌut rib chiruheb:

Q'eqchi Bible

¹ Chirix chik a'an, li Jesus kixk'ut wi' chik rib' chiruheb' li xtzolom chire li palaw wank Tiberias. Jo'ka'in naq kixk'ut rib':

San Juan 21:1 ပူးပေါင်းရင်းမြစ်များ

San Juan 6:1

Mokon chic li Jesús co̱ cuiꞌchic jun pacꞌal li palau Galilea. Nequeꞌxye ajcuiꞌ Tiberias re li palau aꞌan.

San Juan 6:23

Ut cuanqueb cuiꞌchic jucub queꞌel chak Tiberias queꞌcuulac chixcꞌatk li naꞌajej li queꞌcuaꞌac cuiꞌ nak ac xbantioxi li Jesús chiru li Dios.

San Mateo 28:16

Ut lix tzolom junlaju co̱eb Galilea saꞌ xbe̱n li tzu̱l li queꞌyeheꞌ reheb xban li Jesús.

San Mateo 28:7

Ayukex saꞌ junpa̱t ut yehomak reheb lix tzolom nak ac xcuacli chi yoꞌyo saꞌ xya̱nkeb li camenak. Ut anakcuan ta̱xic Galilea ut aꞌan xbe̱n cua ta̱cuulak che̱ru la̱ex. Aran toxe̱ril ru. Caꞌaj cuiꞌ aꞌin li tinye e̱re, chan li ángel.

San Mateo 26:32

Ut nak acak xincuacli cuiꞌchic chi yoꞌyo saꞌ xya̱nkeb li camenak la̱in xbe̱n cua tinxic che̱ru la̱ex aran Galilea, chan li Jesús.

San Juan 21:14

Aꞌin li rox sut nak quixcꞌutbesi cuiꞌchic rib li Jesús chiruheb lix tzolom nak ac xcuacli cuiꞌchic chi yoꞌyo saꞌ xya̱nkeb li camenak.

San Marcos 16:12

Ut chirix aꞌan, li Jesús quixcꞌutbesi cuiꞌchic rib chiruheb cuib lix tzolom nak yo̱queb chi xic saꞌ cꞌaleba̱l. Jalan chic rilbal nak quixcꞌutbesi rib chiruheb.

San Marcos 16:7

Ayukex, yehomak chak reheb lix tzolom, joꞌ ajcuiꞌ re laj Pedro, nak aꞌan xbe̱n cua ta̱xic Galilea che̱ru la̱ex. Aran toxe̱ril ru joꞌ quixye e̱re, chan.

San Marcos 16:14

Mokon chic eb li junlaju chi xtzolom cuanqueb saꞌ me̱x nak quixcꞌutbesi rib li Jesús chiruheb. Ut quixkꞌuseb xban nak incꞌaꞌ queꞌpa̱ban ut xban xcacuil lix chꞌo̱leb. Incꞌaꞌ queꞌxpa̱b li cꞌaꞌru queꞌxye li queꞌiloc ru li Jesús xbe̱n cua nak ac xcuacli cuiꞌchic chi yoꞌyo saꞌ xya̱nkeb li camenak.

Hechos 1:3

Nak ac xrahobtesi̱c ut ac xcamsi̱c, quicuacli cuiꞌchic chi yoꞌyo ut quixcꞌutbesi cuiꞌchic rib chiruheb. Caꞌcꞌa̱l cutan quicuan saꞌ ruchichꞌochꞌ ut nabal sut quixcꞌutbesi rib chiruheb re nak teꞌxnau chi tzꞌakal nak quicuacli cuiꞌchic chi yoꞌyo. Quixchꞌolob xya̱lal chiruheb chanru nak ta̱cua̱nk xnimal xcuanquilal li Dios saꞌ xbe̱neb li tenamit.