San Juan 20:29 - Li Santil hu

²⁹ Li Jesús quixye re: —La̱at toj xacuil cuu, tojoꞌnak xina̱pa̱b. Abanan la̱in ninye a̱cue, us xak reheb li nequeꞌpa̱ban cue chi incꞌaꞌ xeꞌril cuu, chan li Jesús re.

Q'eqchi Bible

²⁹ Li Jesus kixye re: —Toj xinaawil naq xapaab'. Us xaq reheb' li maak'a' xe'ril ut xe'xpaab'.

San Juan 20:29 ပူးပေါင်းရင်းမြစ်များ

1 Pedro 1:8

Nequera li Cristo usta incꞌaꞌ nequeril ru. Nequepa̱b li Cristo, usta incꞌaꞌ e̱rilom ru. Kꞌaxal cuiꞌchic numtajenak xsahil saꞌ e̱chꞌo̱l chixpa̱banquil. Ut incꞌaꞌ nequetau junak a̱tin re xchꞌolobanquil lix sahil e̱chꞌo̱l xban nak kꞌaxal lokꞌ.

2 Corintios 5:7

Nak yoꞌyo̱co arin saꞌ ruchichꞌochꞌ, toj ma̱jiꞌ nakil ru li Ka̱cuaꞌ. Abanan cau kachꞌo̱l nak li Ka̱cuaꞌ cuan kiqꞌuin.

Hebreos 11:1

¿Cꞌaꞌru li pa̱ba̱l? Li pa̱ba̱l aꞌan xnaubal nak relic chi ya̱l takacꞌul li yo̱co chiroybeninquil. Usta incꞌaꞌ nakil ru aban nakanau nak takacꞌul.

Hebreos 11:27

Xban xpa̱ba̱l laj Moisés qui-el chak saꞌ li tenamit Egipto ut incꞌaꞌ quixucuac chiru li rey usta yo̱ xjoskꞌil saꞌ xbe̱n. Quixcacuubresi xchꞌo̱l xban nak naxnau nak li Dios cuan riqꞌuin. Chanchan li yo̱ chirilbal ru, aban li Dios ma̱ ani na-iloc ru.

San Lucas 1:45

Us xak a̱cue xban nak xapa̱b nak ta̱cꞌulma̱nk li cꞌaꞌru xye li Ka̱cuaꞌ, chan lix Elisabet.

San Juan 4:48

Li Jesús quixye re li cui̱nk: —La̱ex incꞌaꞌ nequepa̱b nak li Dios quitaklan chak cue cui incꞌaꞌ tincꞌut junak milagro che̱ru retalil nak cuan incuanquil, chan.

San Juan 20:8

Ut qui-oc ajcuiꞌ chi saꞌ li mukleba̱l li tzolom li quicuulac xbe̱n cua. Quiril li tꞌicr aran ut quixpa̱b nak ac xcuacli cuiꞌchic chi yoꞌyo li Jesús.

Hebreos 11:39

Nak nakabi aꞌin chirixeb laj pa̱banel, nakanau nak tzꞌakal re ru lix pa̱ba̱leb. Aban toj ma̱jiꞌ quitzꞌakloc ru lix colbaleb li quiyechiꞌi̱c reheb xban li Dios.

San Mateo 13:16

Us xak e̱re la̱ex xban nak nequex-iloc ut nequeqꞌue retal li cꞌaꞌru nequeril. Nequex-abin ut nequetau ru lix ya̱lal.

San Juan 20:28

Ut laj Tomás quixye re: —¡At Ka̱cuaꞌ, at inDios!—