San Juan 20:16 - Li Santil hu

¹⁶ Li Jesús quixye re: —¡María!— Quixsukꞌisi rib lix María ut quixye saꞌ ra̱tinoba̱l aj hebreo: —Raboni.— (Chi jalbil ru naraj naxye aj tzolonel).

Q'eqchi Bible

¹⁶ Kixye li Jesus re: —María! A'an kixsutq'isi rib' ut kixye re sa' aatinob'aal hebreo: —Rabbuní! (naraj naxye: “At Tzolonel!”).

San Juan 20:16 ပူးပေါင်းရင်းမြစ်များ

San Juan 10:3

Li nacꞌacꞌalen re li oqueba̱l naxnau ru aꞌan ut naxte li oqueba̱l chiru. Ut eb li carner nequeꞌxnau ru li xya̱b xcux nak naxbokeb chi xju̱nkaleb riqꞌuin lix cꞌabaꞌeb ut narisiheb saꞌ li corral.

San Juan 1:38

Li Jesús quixakli ut quixsukꞌisi rib. Quiril nak yo̱queb chi xic chirix. Quixye reheb: —¿Cꞌaꞌut nak yo̱quex chinta̱kenquil? ¿Cꞌaꞌru te̱raj? chan reheb. Queꞌchakꞌoc eb aꞌan ut queꞌxye: —At tzolonel ¿bar nacathilan? chanqueb re.

Hechos 10:3

Saꞌ jun li cutan saꞌ oxib o̱r tana re ecuu laj Cornelio quiril saꞌ visión nak qui-oc jun li ángel riqꞌuin ut quixye re: —At Cornelio, chan.

Hechos 9:4

Quitꞌaneꞌ saꞌ chꞌochꞌ laj Saulo ut quirabi jun xya̱b cux yo̱ chixyebal re: —At Saulo, at Saulo, ¿Cꞌaꞌut nak yo̱cat chixba̱nunquil raylal cue?—

San Juan 6:25

Nak queꞌxtau li Jesús jun pacꞌal li palau, queꞌxye re: —At tzolonel, ¿Jokꞌe xatchal arin?—

Isaías 43:1

Anakcuan ut joꞌcaꞌin naxye e̱re li nimajcual Dios, li quiyoꞌobtesin e̱re la̱ex aj Israel, li ralal xcꞌajolex laj Jacob: —Mexxucuac xban nak La̱in xincoloc e̱re ut la̱in xinqꞌuehoc e̱cꞌabaꞌ. La̱ex cuehex chic.

Génesis 22:11

Tojoꞌnak jun lix ángel li Ka̱cuaꞌ Dios quia̱tinac chak saꞌ choxa ut quixye re laj Abraham: —¡Abraham! ¡Abraham!— Ut laj Abraham quichakꞌoc ut quixye re: —Arin cuanquin, chan.

San Juan 20:28

Ut laj Tomás quixye re: —¡At Ka̱cuaꞌ, at inDios!—

San Juan 13:13

—La̱ex nequeye aj tzolonel cue ut nequeye ajcuiꞌ Ka̱cuaꞌ cue. Us nak nequeye chi joꞌcan xban nak ya̱l ajcuiꞌ nak la̱in li Ka̱cuaꞌ ut la̱in aj tzolol e̱re.

San Juan 11:28

Nak ac xye aꞌin, lix Marta co̱ saꞌ rochoch chixbokbal lix María li ri̱tzꞌin. Ut quixye re chi timil re nak incꞌaꞌ teꞌrabi chixjunileb: —Xcꞌulun laj tzolonel ut ta̱raj a̱tinac a̱cuiqꞌuin, chan re.

San Juan 5:2

Saꞌ li tenamit Jerusalén bar cuan cuiꞌ li oqueba̱l li nequeꞌrocsi cuiꞌ li carner, cuan jun li haꞌ Betesda xcꞌabaꞌ saꞌ ra̱tinoba̱leb laj hebreo. Aran cuan o̱b li muheba̱l.

San Juan 3:2

Saꞌ jun li kꞌojyi̱n laj Nicodemo quicuulac chi a̱tinac riqꞌuin li Jesús ut quixye re: —At tzolonel, la̱o nakanau nak riqꞌuin li Dios chalenakat chak chokꞌ aj tzolol ke xban nak ma̱ ani ta̱ru̱k tixba̱nu li milagros li nacaba̱nu la̱at cui ta ma̱cuaꞌ riqꞌuin xcuanquil li Dios, chan.

San Juan 1:49

Quichakꞌoc laj Natanael ut quixye re: —At tzolonel, la̱at li Ralal li Dios. La̱at lix Reyeb laj Israel, chan re li Jesús.

San Lucas 10:41

Li Jesús quichakꞌoc ut quixye re: —Marta, la̱at naxic a̱cꞌaꞌux chirix la̱ qꞌuila cꞌanjel xban nak caꞌaj cuiꞌ aꞌan nacacꞌoxla.

San Mateo 14:27

Aꞌut li Jesús ticto quira̱tinaheb ut quixye reheb: —Mexxucuac. La̱in li yo̱quex chicuilbal. Cacuubresihomak e̱chꞌo̱l, chan reheb.

Cantares 5:2

Usta yo̱quin chi cua̱rc, abanan quicuabi nak li cui̱nk li ninra yo̱ chixtꞌochbal li puerta. Quixye cue: —At, inraro̱quil ixakil, te li puerta. At xsum cua̱m, la̱at chanchanat jun li mucuy xban nak ma̱cꞌaꞌ a̱paltil. Xtꞌaka li cuismal xban li xchuꞌque ut yo̱ chi tꞌuluc xyaꞌal.—

Cantares 3:4

Tojeꞌ ajcuiꞌ tine̱lk riqꞌuineb nak quintau li narahoc cue. Quinchap chi rukꞌ ut incꞌaꞌ chic quicuachꞌab toj retal quincꞌam saꞌ rochoch lin naꞌ.

1 Samuel 3:10

Quicuulac li Ka̱cuaꞌ riqꞌuin laj Samuel ut quixbok cuiꞌchic joꞌ quixba̱nu xbe̱n sut ut quixye re: —At Samuel, at Samuel, chan li Ka̱cuaꞌ. Laj Samuel quichakꞌoc ut quixye re: —La̱in aj cꞌanjel cha̱cuu, at Ka̱cuaꞌ. Ye cue cꞌaꞌru ta̱cuaj, chan.

1 Samuel 3:6

Ut li Ka̱cuaꞌ quixye: —At Samuel.— Ut laj Samuel quicuacli ut co̱ cuiꞌchic riqꞌuin laj Elí ut quixye re: —Cueꞌquin, ka̱cuaꞌ. Xcuabi nak xina̱bok, chan. Laj Elí quixye re: —At Samuel, la̱in incꞌaꞌ xatinbok. Ayu cuiꞌchic chi cua̱rc, chan.

Éxodo 33:17

Ut li Ka̱cuaꞌ Dios quixye re laj Moisés: —La̱in tinba̱nu li cꞌaꞌru xatzꞌa̱ma chicuu xban nak la̱at xacꞌam a̱cuib saꞌ usilal cuiqꞌuin ut la̱at sicꞌbil a̱cuu inban, chan.

Éxodo 3:4

Quiril li Ka̱cuaꞌ Dios nak laj Moisés quijiloc chixcꞌatk. Ut saꞌ li qꞌuix li yo̱ chi cꞌatc, quia̱tinac li Dios ut quixye: —At Moisés, chan. Laj Moisés quixye: —Cueꞌquin, chan.

Génesis 45:12

Anakcuan qꞌuehomak retal la̱ex chixjunilex, joꞌ ajcuiꞌ la̱at, at Benjamín. La̱in tzꞌakal li yo̱quin chi a̱tinac saꞌ le̱ ra̱tinoba̱l.

Génesis 22:1

Mokon chic li Dios quixyal rix lix pa̱ba̱l laj Abraham. Li Dios quixye re: —Abraham.— Ut aꞌan quixye: —Cueꞌquin, Ka̱cuaꞌ.—

San Marcos 10:51

Li Jesús quixye re: —¿Cꞌaꞌru ta̱cuaj tinba̱nu a̱cue?— Ut li mutzꞌ quixye: —Ka̱cuaꞌ, tincuaj nak ta̱ilok li xnakꞌ cuu.—