San Juan 20:12 - Li Santil hu

¹² Quiril cuib li ángel sak li rakꞌeb. Cꞌojcꞌo̱queb aran bar quicuan cuiꞌ li Jesús. Jun cuan saꞌ xjolom ut jun cuan chi rok.

Q'eqchi Bible

¹² ut kiril wiib'eb' li ánjel, saq li raq'eb', k'ojk'ookeb' b'arwi' kijilib'aak li Jesus: jun chi xjolom ut jun chi roq.

San Juan 20:12 ပူးပေါင်းရင်းမြစ်များ

Apocalipsis 3:4

La̱in ninnau nak aran Sardis toj cuanqueb cuib oxib saꞌ e̱ya̱nk li ti̱c xchꞌo̱leb. Incꞌaꞌ xeꞌxtzꞌajni ribeb riqꞌuin xba̱nunquil li ma̱usilal. La̱in tinye reheb nak xcꞌulubeb cua̱nc cuiqꞌuin chi tikto̱queb riqꞌuin saki akꞌej xban nak ti̱c xchꞌo̱leb.

Apocalipsis 7:14

Ut la̱in quinchakꞌoc ut quinye re: —Ka̱cuaꞌ, la̱at nacatnaꞌoc re.— Ut aꞌan quixye cue: —Aꞌaneb aꞌin li xeꞌcuyuc chak xnumsinquil li nimla raylal xeꞌxcꞌul. Aꞌaneb li cuybil sachbil lix ma̱queb xban nak quihoyeꞌ xquiqꞌuel li Jun li chanchan carner nak quicam saꞌ xcꞌabaꞌeb.

Hechos 1:10

Toj yo̱queb ajcuiꞌ chirilbal nak yo̱ chi xic li Jesús saꞌ choxa nak xaka̱mileb cuibeb li cui̱nk chiruheb. Sakeb li rakꞌ.

San Mateo 17:2

Ut nak cuanqueb aran, quijalanoꞌ li riloba̱l li Jesús chiruheb. Ut nalemtzꞌun li riloba̱l joꞌ li sakꞌe ut li rakꞌ saksakpotzꞌin quicꞌutun ut nalemtzꞌun.

Daniel 7:9

Nak yo̱quin chirilbal aꞌin, queꞌxakaba̱c li cꞌojariba̱l ut li Ti̱xil Cui̱nk li cuan chi junelic quicꞌojla. Li rakꞌ aꞌan sak sak chanchan li nieve. Ut li rismal chanchan li saki nokꞌ. Lix cꞌojariba̱l cuan saꞌ xbe̱n li ruedas ut yo̱ xxamlel.

2 Crónicas 5:12

Ut chixjunileb laj levitas li nequeꞌbichan queꞌxakli chixcꞌatk li artal saꞌ li este. Aꞌaneb laj Asaf, laj Hemán, ut laj Jedutún rochbeneb li ralal ut eb li rechꞌalal. Li rakꞌeb yi̱banbil riqꞌuin li cha̱bil tꞌicr lino. Cuanqueb saꞌ rukꞌeb lix cuajbeb, li sursu̱quil chꞌi̱chꞌ, li arpa, ut li salterio. Ut cuanqueb ajcuiꞌ jun ciento riqꞌuin junmay (120) laj tij li nequeꞌxya̱basi li trompeta.