San Juan 20:1 - Li Santil hu

¹ Saꞌ li xbe̱n li cutan re li xama̱n nak toj ma̱jiꞌ nasake̱u co̱ lix María Magdala xtenamit saꞌ li mukleba̱l. Nak quicuulac cuan cuiꞌ li mukleba̱l, quixqꞌue retal nak ac isinbil chic li nimla pec li queꞌxqꞌue chire li mukleba̱l.

Q'eqchi Bible

¹ Sa' li xb'een kutan re li xamaan, saqewk re, toj q'oqyink ajwi', koho lix María aj Magdala sa' li muqleb'aal ut kiril naq isinb'il chik li pek chire li muqleb'aal.

San Juan 20:1 ပူးပေါင်းရင်းမြစ်များ

San Marcos 16:9

Toj ekꞌela saꞌ li xbe̱n li cutan re li xama̱n quicuacli li Jesús chi yoꞌyo saꞌ xya̱nkeb li camenak. Li xbe̱n li quixcꞌutbesi cuiꞌ rib li Jesús, aꞌan lix María aj Magdala. Aꞌan li ixk li qui-isi̱c li cuukub chi ma̱us aj musikꞌej riqꞌuin xban li Jesús.

San Mateo 27:60

Ut quixqꞌue saꞌ jun li acꞌ mukleba̱l. Re raj aꞌan li mukleba̱l nak quiyi̱ba̱c saꞌ jun sako̱nac. Ut quixbalkꞌusi jun nimla pec chire li mukleba̱l ut co̱.

San Marcos 15:46

Ut laj José quixlokꞌ jun cha̱bil tꞌicr lino. Quixcubsi chak li camenak chiru li cruz ut quixlan saꞌ li cha̱bil tꞌicr. Ut quixqꞌue saꞌ jun mukleba̱l yi̱banbil saꞌ jun sako̱nac. Ut quixbalkꞌusi jun nimla pec chire li mukleba̱l.

San Juan 20:26

Ac xnumeꞌ chic cuukub cutan nak queꞌxchꞌutub cuiꞌchic ribeb lix tzolom li Jesús. Laj Tomás cuan saꞌ xya̱nkeb. Tzꞌaptzꞌo̱queb lix puertil li cab chi us. Nak queꞌril ac xaka̱mil li Jesús chiruheb ut quixye reheb: —Chicua̱nk taxak li tuktu̱quil usilal e̱riqꞌuin, chan.

San Juan 19:25

Nachꞌ riqꞌuin li cruz xakxo li xnaꞌ li Jesús rochben lix María li ras. Aꞌan li rixakil laj Cleofas. Ut cuan ajcuiꞌ aran lix María, Magdala xtenamit.

Apocalipsis 1:10

Saꞌ li cutan nak nakachꞌutub kib chixlokꞌoninquil li Ka̱cuaꞌ, riqꞌuin xcuanquil li Santil Musikꞌej, li Dios quixcꞌutbesi jun li visión chicuu. Quicuabi jun xya̱b cux chicuix. Chanchan xya̱b jun li trompeta yo̱ chi ecꞌa̱nc.

San Mateo 27:64

Takla xqꞌuebal retal chi us li mukleba̱l toj ta̱numekꞌ li oxib cutan. Ma̱re teꞌcha̱lk lix tzolom chi kꞌek chirelkꞌanquil li camenak ut teꞌxye reheb li tenamit, “Xcuacli cuiꞌchic chi yoꞌyo saꞌ xya̱nkeb li camenak.” Ut kꞌaxal cuiꞌchic chꞌaꞌaj toe̱lk la̱o chiru li xkacꞌul xbe̱n cua.

1 Corintios 16:2

Rajlal xama̱n, saꞌ li xbe̱n cutan re li xama̱n, che̱junju̱nkalex te̱qꞌue li joꞌ qꞌuial texru̱k aꞌ yal joꞌ nimal le̱ tojbal te̱cꞌul. Ut li tumin aꞌin ac xocbilak e̱ban nak tincuulak e̱riqꞌuin re nak incꞌaꞌ yo̱kex chi xococ tumin nak tincuulak la̱in.

Hechos 20:7

Ut saꞌ xbe̱n li cutan re li xama̱n, chꞌutchꞌu̱queb laj pa̱banel chi cuaꞌac saꞌ comonil. Laj Pablo yo̱ chixtzolbaleb. Ac cuulajak naxic. Tuktu kꞌojyi̱n toj yo̱ chi a̱tinac.

San Mateo 27:56

Saꞌ xya̱nkeb aꞌan cuanqueb lix María aj Magdala, ut lix María xnaꞌeb laj Jacobo ut laj José, ut lix naꞌeb li ralal laj Zebedeo.

San Mateo 27:66

Ut co̱eb ut queꞌxtzꞌap chi us li mukleba̱l ut queꞌxqꞌue retalil li pec ut queꞌxcanab li soldado aran chixcꞌacꞌalenquil li mukleba̱l.

San Mateo 28:1

Nak ac xnumeꞌ li hiloba̱l cutan, sake̱uc re li xbe̱n cutan re li xama̱n, quicuulac lix María aj Magdala rochben lix María jun chic chirilbal li mukleba̱l.

San Mateo 28:2

Toj ma̱jiꞌ ajcuiꞌ nequeꞌcuulac nak quicuan jun nimla hi̱c. Ut jun x-ángel li Ka̱cuaꞌ quicube chak saꞌ choxa ut quixbalkꞌusi li pec ut quicꞌojla saꞌ xbe̱n.

San Juan 11:38

Ut quiyotꞌeꞌ cuiꞌchic xchꞌo̱l li Jesús. Co̱ aran cuan cuiꞌ li mukleba̱l yi̱banbil saꞌ jun ochoch pec. Li mukleba̱l tzꞌaptzꞌo riqꞌuin jun nimla pec.

San Juan 11:41

Ut queꞌrisi li pec chire li mukleba̱l li queꞌxqꞌue cuiꞌ li camenak. Li Jesús qui-iloc takecꞌ ut quitijoc. Quixye: —At inYucuaꞌ, ninbantioxi cha̱cuu nak nacacuabi li cꞌaꞌru nintzꞌa̱ma cha̱cuu.