San Juan 2:4 - Li Santil hu

⁴ Ut li Jesús quixye re: —¿Cꞌaꞌut nak nacatchal xyebal cue aꞌan? Toj ma̱jiꞌ xkꞌehil nak tincꞌutbesi lin cuanquil, chan re lix naꞌ.

Q'eqchi Bible

⁴ Kichaq'ok li Jesus ut kixye re: —K'a' taawaj we, at ixq? Maji' nawulak linhonal.

San Juan 2:4 ပူးပေါင်းရင်းမြစ်များ

San Juan 7:6

Quixye li Jesús reheb: —Toj ma̱jiꞌ nacuulac xkꞌehil nak tinxic. La̱ex naru texxic yalak jokꞌe.

San Juan 13:1

Ac cuulajak naticla li ninkꞌe Pascua. Li Jesús ac naxnau nak cuulac re xkꞌehil lix camic re nak ta̱xic cuiꞌchic riqꞌuin lix Yucuaꞌ saꞌ choxa. Junelic naxraheb li ralal xcꞌajol li teꞌcana̱k saꞌ ruchichꞌochꞌ ut nak ac ca̱mc re quixcꞌutbesi chi tzꞌakal lix rahom chiruheb.

San Juan 8:20

Chixjunil aꞌin quixye li Jesús reheb nak yo̱ chixchꞌolobanquil lix ya̱lal chiruheb li cuanqueb saꞌ li templo saꞌ li naꞌajej bar nequeꞌxqꞌue cuiꞌ lix mayejeb. Ut ma̱ ani quichapoc re xban nak toj ma̱jiꞌ nacuulac xkꞌehil.

San Juan 7:30

Ut queꞌraj raj xchapbal re nak teꞌxqꞌue saꞌ tzꞌalam. Abanan incꞌaꞌ ajcuiꞌ queꞌxchap xban nak toj ma̱jiꞌ nacuulac xkꞌehil nak ta̱chapekꞌ.

San Juan 12:23

Li Jesús quixye reheb: —Xcuulac x-o̱ril nak ta̱qꞌuehekꞌ inlokꞌal la̱in li Cꞌajolbej.

Eclesiastés 3:1

Cuan li ho̱nal nak nacꞌulman chixjunil li cꞌaꞌak re ru saꞌ li ruchichꞌochꞌ aꞌin.

San Mateo 8:29

Ut eb aꞌan queꞌxjap re chixyebal: —¿Cꞌaꞌru ta̱cuaj kiqꞌuin, at Jesús? La̱at ralalat li nimajcual Dios. ¿Ma xatchal arin chikachꞌiꞌchꞌiꞌinquil chi toj ma̱jiꞌ xkꞌehil li rakba a̱tin? chanqueb.

2 Samuel 19:22

Ut li rey David quixye: —La̱ex lix yum lix Sarvia, ma̱cuaꞌ la̱ex texyehok cue cꞌaꞌru tinba̱nu. ¿Cꞌaꞌut nak te̱raj nak tine̱takla? La̱in lix reyeb laj Israel. La̱in ninye nak ma̱ ani ta̱camsi̱k saꞌ li cutan aꞌin, chan.

2 Samuel 16:10

Abanan li rey quixye re: —Me̱ye cue chi joꞌcan, la̱ex lix yum lix Sarvia. Cui aꞌan yo̱ chinmajecuanquil, naxba̱nu xban nak li Ka̱cuaꞌ xyehoc re nak tixba̱nu chi joꞌcan. ¿Ani ta biꞌ ta̱ru̱k ta̱yehok re cꞌaꞌut nak yo̱ chixba̱nunquil chi joꞌcan? chan.

San Juan 20:15

Li Jesús quixye re: —At ixk, ¿cꞌaꞌut nak yo̱cat chi ya̱bac? ¿Ani nacasicꞌ? chan. Saꞌ xchꞌo̱l lix María nak aꞌan aj ilol acui̱mk ut quixye re: —Ka̱cuaꞌ, cui la̱at xatcꞌamoc re, ba̱nu usilal, ye cue bar xaqꞌue re nak tincꞌam, chan.

San Juan 20:13

Queꞌxye re: —At ixk, ¿cꞌaꞌut nak yo̱cat chi ya̱bac?— Lix María quixye reheb: —Yo̱quin chi ya̱bac xban nak xeꞌrisi li Ka̱cuaꞌ arin ut incꞌaꞌ ninnau bar xeꞌxqꞌue.—

San Lucas 2:49

Quichakꞌoc li Jesús ut quixye re: —¿Cꞌaꞌut nak yo̱quex chinsicꞌbal? ¿Ma incꞌaꞌ ta biꞌ nequenau nak tento tinba̱nu lix cꞌanjel lin Yucuaꞌ? chan li Jesús.

San Mateo 15:28

Ut li Jesús quixye re: —Kanaꞌ, la̱at relic chi ya̱l xatau ru lix ya̱lal ut chi anchal a̱chꞌo̱l xatpa̱ban. Chi-uxk li cꞌaꞌru xatzꞌa̱ma, chan. Ut saꞌ ajcuiꞌ li ho̱nal aꞌan quiqꞌuira lix coꞌ.

Deuteronomio 33:9

Kꞌaxal cateꞌxra chiruheb lix naꞌ xyucuaꞌeb ut chiruheb ajcuiꞌ li rechꞌalaleb ut lix cocꞌaleb. Queꞌxba̱nu li cꞌaꞌru naxye saꞌ la̱ chakꞌrab ut incꞌaꞌ queꞌxkꞌet li contrato caba̱nu riqꞌuineb.

2 Corintios 5:16

Incꞌaꞌ chic nakaqꞌue retal chanru nak cuanqueb li junju̱nk saꞌ ruchichꞌochꞌ. Anakcuan la̱o chic aj pa̱banel ut jalan chic li kanaꞌleb. Junxil nak toj ma̱jiꞌ nocopa̱ban incꞌaꞌ xkaqꞌue xcuanquil li Cristo xban nak xkacꞌoxla nak yal cui̱nk. Abanan anakcuan nakanau chic lix ya̱lal.

1 Reyes 17:18

Li naꞌbej quixye re laj Elías: —¿Cꞌaꞌru inma̱c cha̱cuu, at xprofeta li Dios? ¿Ma xatchal cuiqꞌuin chixjulticanquil lin ma̱c ut chixcamsinquil lin chꞌina yum? chan.

San Juan 2:3

Nak ac yo̱ li ninkꞌe, qui-osoꞌ li vino. Ut lix naꞌ li Jesús quixye re: —Ma̱cꞌaꞌ chic li vino, chan re.

San Juan 7:8

Ayukex la̱ex saꞌ li ninkꞌe. La̱in incꞌaꞌ tinxic xban nak toj ma̱jiꞌ nacuulac xkꞌehil nak tinxic, chan li Jesús.