San Juan 2:23 - Li Santil hu

²³ Nak li Jesús cuan aran Jerusalén chixnumsinquil li ninkꞌe Pascua, nabaleb queꞌpa̱ban re xban nak queꞌril li milagro li quilajxba̱nu.

Q'eqchi Bible

²³ Naq toj wankaq aran Jerusalén, sa' xninq'ehinkil li Paswa, naab'aleb' ke'paab'ank re xb'aan naq ke'ril li xninqal eetalil kixb'aanu.

San Juan 2:23 ပူးပေါင်းရင်းမြစ်များ

San Lucas 8:13

Ut li iyaj li quinak saꞌ xya̱nk li pec, aꞌan retalileb li nequeꞌabin re li ra̱tin li Dios ut nequeꞌxpa̱b chi saheb saꞌ xchꞌo̱l. Abanan incꞌaꞌ nacana saꞌ xchꞌo̱leb. Nak nayaleꞌ rix lix pa̱ba̱leb, incꞌaꞌ nequeꞌxcuy xnumsinquil. Nachꞌinan ban xchꞌo̱leb.

San Juan 6:14

Nak queꞌril li milagro li quixba̱nu li Jesús, eb li cuanqueb aran queꞌxye: —Relic chi ya̱l li cui̱nk aꞌin, aꞌan li profeta li quiyeheꞌ chak resil junxil nak ta̱cha̱lk saꞌ ruchichꞌochꞌ, chanqueb.

Gálatas 5:6

Cui la̱o reho chic li Jesucristo, ma̱cꞌaꞌ naxye cui takacꞌul li circuncisión malaj ut incꞌaꞌ. Li kꞌaxal tento xba̱nunquil, aꞌan xpa̱banquil li Jesucristo. Ut cui ya̱l nak nakapa̱b li Cristo, ta̱cꞌutu̱nk li kapa̱ba̱l xban nak nocorahoc.

San Juan 7:31

Nabaleb li tenamit queꞌxpa̱b li Cristo ut queꞌxye: —La̱o nakanau nak ta̱cꞌulu̱nk li Cristo, nabaleb li milagro tixba̱nu. Li cui̱nk aꞌin nabal li milagro yo̱ chixba̱nunquil. Cui ta ma̱cuaꞌ li Cristo, ¿chan ta cuiꞌ ru nak tixba̱nu li milagro li yo̱ chixba̱nunquil? chanqueb.

San Juan 3:2

Saꞌ jun li kꞌojyi̱n laj Nicodemo quicuulac chi a̱tinac riqꞌuin li Jesús ut quixye re: —At tzolonel, la̱o nakanau nak riqꞌuin li Dios chalenakat chak chokꞌ aj tzolol ke xban nak ma̱ ani ta̱ru̱k tixba̱nu li milagros li nacaba̱nu la̱at cui ta ma̱cuaꞌ riqꞌuin xcuanquil li Dios, chan.

San Juan 2:13

Nak ac yo̱ chi cuulac xkꞌehil li Pascua, lix ninkꞌe eb laj judío, li Jesús quicuulac Jerusalén.

San Juan 2:11

Aꞌan aꞌin li xbe̱n milagro li quixba̱nu li Jesús nak quixsukꞌisi li haꞌ chokꞌ vino aran Caná re Galilea. Riqꞌuin li milagro aꞌin quixcꞌutbesi nak cuan xcuanquil ut eb lix tzolom queꞌxpa̱b nak li Jesús aꞌan li Ralal li Dios.

San Juan 4:45

Nak quicuulac li Jesús saꞌ li tenamit Galilea, quicꞌuleꞌ saꞌ xya̱lal xbaneb li queꞌcuulac aran Jerusalén chixnumsinquil li ninkꞌe Pascua xban nak queꞌril chixjunil li quilajxba̱nu li Jesús.

San Juan 5:36

Li cꞌaꞌru quixchꞌolob laj Juan chicuix, aꞌan ya̱l. Abanan riqꞌuin li cꞌaꞌru ninba̱nu, kꞌaxal cuiꞌchic naxcꞌut chi tzꞌakal anihin la̱in. La̱in ninba̱nu li cꞌaꞌru quixye cue li Yucuaꞌbej. Li cꞌaꞌru ninba̱nu la̱in, aꞌan naxcꞌut nak taklanbilin xban li Yucuaꞌbej.

San Juan 6:2

Nabaleb yo̱queb chi ta̱ke̱nc re xban nak queꞌrileb li milagro li yo̱ chixba̱nunquil nak naxqꞌuirtesiheb li yaj.

San Juan 11:45

Ut nabaleb laj judío li cuanqueb rochben lix María queꞌxpa̱b li Jesús nak queꞌril li milagro li quixba̱nu.

1 Juan 3:23

Ut aꞌan aꞌin lix chakꞌrab quixqꞌue ke li Dios, nak chopa̱ba̱nk saꞌ xcꞌabaꞌ li Jesucristo li Ralal li Dios ut takara kib chi kibil kib, joꞌ coxchakꞌrabi cuiꞌ.