San Juan 2:11 - Li Santil hu

¹¹ Aꞌan aꞌin li xbe̱n milagro li quixba̱nu li Jesús nak quixsukꞌisi li haꞌ chokꞌ vino aran Caná re Galilea. Riqꞌuin li milagro aꞌin quixcꞌutbesi nak cuan xcuanquil ut eb lix tzolom queꞌxpa̱b nak li Jesús aꞌan li Ralal li Dios.

Q'eqchi Bible

¹¹ A'in kixb'aanu li Jesus cho'q xtiklajik eb' li eetalil, aran Kanahán, sa' xteepal Galilea: kixk'ut li xnimal xloq'al ut eb' li xtzolom ke'xpaab' A'an.

San Juan 2:11 ပူးပေါင်းရင်းမြစ်များ

San Juan 1:14

Li Jesucristo quitzꞌejcualoꞌ ut tzꞌakal cui̱nk nak quicuan arin saꞌ kaya̱nk. Cꞌajoꞌ li rusilal ut aꞌan naxcꞌut lix ya̱lal. Aꞌan li Ralal li Dios li junaj chi ribil ut la̱o xkil lix lokꞌal.

San Juan 3:2

Saꞌ jun li kꞌojyi̱n laj Nicodemo quicuulac chi a̱tinac riqꞌuin li Jesús ut quixye re: —At tzolonel, la̱o nakanau nak riqꞌuin li Dios chalenakat chak chokꞌ aj tzolol ke xban nak ma̱ ani ta̱ru̱k tixba̱nu li milagros li nacaba̱nu la̱at cui ta ma̱cuaꞌ riqꞌuin xcuanquil li Dios, chan.

San Juan 6:2

Nabaleb yo̱queb chi ta̱ke̱nc re xban nak queꞌrileb li milagro li yo̱ chixba̱nunquil nak naxqꞌuirtesiheb li yaj.

San Juan 6:30

Ut queꞌxye cuiꞌchic re: —Tento ta̱cꞌut chiku junak li milagro re nak takapa̱b nak taklanbilat xban li Dios. ¿Cꞌaꞌru li retalil ta̱cꞌut chiku?

San Juan 6:26

Quichakꞌoc li Jesús ut quixye reheb: —Relic chi ya̱l ninye e̱re nak la̱ex yo̱quex chinta̱kenquil xban nak xexinqꞌue chi cuaꞌac toj retal xexnujac. Incꞌaꞌ yo̱quex chinta̱kenquil xban nak xeril li milagro li xinba̱nu.

San Juan 6:14

Nak queꞌril li milagro li quixba̱nu li Jesús, eb li cuanqueb aran queꞌxye: —Relic chi ya̱l li cui̱nk aꞌin, aꞌan li profeta li quiyeheꞌ chak resil junxil nak ta̱cha̱lk saꞌ ruchichꞌochꞌ, chanqueb.

Isaías 40:5

Ut tixcꞌutbesi lix lokꞌal li Ka̱cuaꞌ. Ut chixjunileb li cuanqueb saꞌ ruchichꞌochꞌ teꞌril lix lokꞌal. Li Ka̱cuaꞌ, aꞌan li quiyehoc re aꞌin.

2 Corintios 4:17

Li raylal li nakacꞌul arin saꞌ ruchichꞌochꞌ, aꞌan junpa̱t ajcuiꞌ ut nakacuy xnumsinquil. Li raylal nakacꞌul, yo̱ chikacauresinquil re jun li kalokꞌal ma̱cꞌaꞌ joꞌ xchakꞌal ru ut ta̱cua̱nk chi junelic.

San Juan 14:13

Chixjunil li te̱tzꞌa̱ma saꞌ incꞌabaꞌ, la̱in tinqꞌue e̱re re nak ta̱nima̱k xlokꞌal li Yucuaꞌbej saꞌ incꞌabaꞌ la̱in.

San Juan 12:41

Quixye aꞌin laj Isaías nak quicꞌutbesi̱c chiru lix lokꞌal li Jesús. Joꞌcan nak quixchꞌolob lix ya̱lal.

San Juan 12:37

Usta nabal li milagro quixba̱nu li Jesús chiruheb, abanan incꞌaꞌ ajcuiꞌ queꞌpa̱ban.

San Juan 2:23

Nak li Jesús cuan aran Jerusalén chixnumsinquil li ninkꞌe Pascua, nabaleb queꞌpa̱ban re xban nak queꞌril li milagro li quilajxba̱nu.

San Juan 1:50

Li Jesús quixye re: —Xapa̱b nak la̱in li Cristo xban nak xinye a̱cue nak xinnau chanru la̱ naꞌleb nak cuancat rubel li jun to̱n chi higo. Abanan toj cuan cuiꞌchic xni̱nkal ru naꞌleb talaja̱cuil chiru aꞌin, chan li Jesús.

Salmos 96:3

Yehomak resil lix lokꞌal reheb chixjunileb li tenamit ut yehomak resil li sachba chꞌo̱lej li nalajxba̱nu.

1 Juan 5:13

Xintzꞌi̱ba aꞌin chokꞌ e̱re la̱ex li nequexpa̱ban re li Ralal li Dios re nak la̱ex te̱nau nak cuan e̱yuꞌam chi junelic.

San Juan 4:46

Li Jesús co̱ cuiꞌchic saꞌ li tenamit Caná re Galilea li quixsukꞌisi cuiꞌ li haꞌ chokꞌ vino. Ut aran Capernaum cuan jun li cui̱nk aj cꞌanjel chiru li rey. Yaj li ralal.

San Juan 5:23

Quixba̱nu chi joꞌcan re nak chixjunileb teꞌxqꞌue inlokꞌal joꞌ nak nequeꞌxqꞌue xlokꞌal li Yucuaꞌbej. Li ani incꞌaꞌ naxqꞌue inlokꞌal la̱in li Cꞌajolbej, incꞌaꞌ ajcuiꞌ naxqꞌue xlokꞌal li Yucuaꞌbej li quitaklan chak cue.

Eclesiastés 9:7

Joꞌcan nak anakcuan chatcuaꞌak chi sa saꞌ a̱chꞌo̱l ut chacuucꞌak li vino riqꞌuin sahil chꞌo̱lej xban nak li Dios ma̱cꞌaꞌ naxye riqꞌuin li cꞌaꞌru nacaba̱nu.

Salmos 72:19

Lokꞌoninbil taxak xcꞌabaꞌ chi junelic kꞌe cutan. Ut chixjunileb taxak li cuanqueb saꞌ ruchichꞌochꞌ teꞌxqꞌue xlokꞌal. Joꞌcan taxak.

Deuteronomio 5:24

Ut queꞌxye cue, “Li Ka̱cuaꞌ li kaDios quixcꞌut chiku lix lokꞌal ut lix cuanquilal. Xkabi lix ya̱b xcux nak quia̱tinac chak saꞌ li xam. Nakanau nak li Dios naru naa̱tinac riqꞌuineb li cui̱nk ut incꞌaꞌ teꞌca̱mk li cui̱nk.

Éxodo 4:9

Cui incꞌaꞌ teꞌxpa̱b li cuib chi naꞌleb aꞌin ut incꞌaꞌ teꞌraj teꞌrabi la̱ cua̱tin, ta̱chap caꞌchꞌinak li haꞌ li cuan saꞌ li nimaꞌ ut ta̱hoy saꞌ chꞌochꞌ. Li haꞌ aꞌan ta̱sukꞌi̱k chokꞌ quicꞌ chiru chꞌochꞌ, chan li Ka̱cuaꞌ Dios.

2 Corintios 4:6

Nak toj kꞌojyi̱n chak ru li ruchichꞌochꞌ, li Dios quixye, “Chicua̱nk li cutan re xcutanobresinquil ru li ruchichꞌochꞌ.” Ut aꞌan ajcuiꞌ li nacutanobresin re li kacꞌaꞌux re nak naru takanau chanru lix lokꞌal li Dios. Ut li Jesucristo naxcꞌut chiku lix lokꞌal li Dios.

2 Corintios 3:18

La̱o aj pa̱banel moco tzꞌaptzꞌo ta li kiloba̱l riqꞌuin tꞌicr re xtzꞌapbal xlokꞌal li Dios joꞌ quixba̱nu laj Moisés. Chanchano ban jun lem nak nakacꞌut xlokꞌal li Ka̱cuaꞌ. Ut li Ka̱cuaꞌ aꞌan ajcuiꞌ li Santil Musikꞌej li nocoxjalanobresi ut naxqꞌue kalokꞌal re nak yo̱ko xcꞌutbal xlokꞌal li Cristo.

San Juan 11:15

Abanan nasahoꞌ saꞌ inchꞌo̱l nak ma̱ anihin chak aran nak xcam re nak la̱ex te̱pa̱b nak cuan incuanquil. Yoꞌkeb riqꞌuin, chan li Jesús.

San Juan 1:17

Li Dios quixqꞌue li chakꞌrab re laj Moisés re nak tixcꞌut chiku. Aban lix ya̱lal chirix li Dios ut li rusilal quixcꞌutbesi chiku li Jesucristo.

Malaquías 2:2

Cui incꞌaꞌ nequeba̱nu li cꞌaꞌru ninye ut cui incꞌaꞌ nequeqꞌue e̱chꞌo̱l chixqꞌuebal xlokꞌal lin cꞌabaꞌ, texintzꞌekta̱na ut le̱ rosobtesinquil tinsukꞌisi chokꞌ raylal. Ac xexintzꞌekta̱na xban nak incꞌaꞌ xeqꞌue e̱chꞌo̱l chixba̱nunquil li cꞌaꞌru xinye e̱re.

Éxodo 14:31

Ut eb laj Israel queꞌxxucua ru ut queꞌxlokꞌoni li Ka̱cuaꞌ Dios nak queꞌril li quixba̱nu reheb laj Egipto. Queꞌxpa̱b li Dios ut queꞌabin chiru laj Moisés xban nak aꞌan aj cꞌanjel chiru li Dios.

1 Reyes 17:24

Ut li xma̱lcaꞌan quixye re: —Riqꞌuin aꞌin ninqꞌue retal nak la̱at xprofeta li Dios ut chixjunil li nacaye, aꞌan ya̱l xban nak li Ka̱cuaꞌ naxcꞌut cha̱cuu, chan.

San Juan 1:43

Joꞌ cuulajak chic li Jesús quiraj xic sa li naꞌajej Galilea. Quixtau laj Felipe ut quixye re: —China̱ta̱ke, chan.

San Juan 2:1

Yo̱ chic rox cutan xcꞌulbal a cꞌaꞌak re ru aꞌin nak quicuan jun li sumla̱c saꞌ li tenamit Caná re Galilea. Cuan lix naꞌ li Jesús aran.

San Juan 4:3

Nak quixnau li cꞌaꞌru yo̱queb chixyebal laj fariseo, li Jesús qui-el Judea ut co̱ cuiꞌchic Galilea.

San Juan 4:54

Aꞌan aꞌin li xcab milagro li quixba̱nu li Jesús nak qui-el Judea ut co̱ cuiꞌchic Galilea.

San Juan 7:31

Nabaleb li tenamit queꞌxpa̱b li Cristo ut queꞌxye: —La̱o nakanau nak ta̱cꞌulu̱nk li Cristo, nabaleb li milagro tixba̱nu. Li cui̱nk aꞌin nabal li milagro yo̱ chixba̱nunquil. Cui ta ma̱cuaꞌ li Cristo, ¿chan ta cuiꞌ ru nak tixba̱nu li milagro li yo̱ chixba̱nunquil? chanqueb.

San Juan 9:16

Cuanqueb laj fariseo queꞌxye: —Li cui̱nk aꞌan, li Jesús xcꞌabaꞌ, moco taklanbil ta chak xban li Dios xban nak incꞌaꞌ naxqꞌue xlokꞌal li hiloba̱l cutan, chanqueb. Ut cuanqueb cuiꞌchic queꞌyehoc re: —¿Chanru nak tixba̱nu li milagro junak cui̱nk aj ma̱c? chanqueb. Xban nak jalan jala̱nk nequeꞌxcꞌoxla chirix li Jesús, incꞌaꞌ chic junajeb xchꞌo̱leb.

San Juan 10:41

Nabaleb li tenamit queꞌcuulac riqꞌuin. Yo̱queb chixyebal chi ribileb rib: —Laj Juan ma̱ jun milagro quixba̱nu. Abanan ya̱l chixjunil li quixye chirix li cui̱nk aꞌin, chanqueb.

San Juan 11:47

Ut eb laj fariseo rochbeneb li xbe̱nil aj tij queꞌxchꞌutub ribeb riqꞌuineb li nequeꞌtaklan saꞌ xya̱nkeb laj judío ut queꞌxye reheb: —¿Cꞌaꞌru takaba̱nu? Li cui̱nk aꞌin nabal li milagro yo̱ chixba̱nunquil.

San Juan 12:18

Li qꞌuila tenamit queꞌcuulac chixcꞌulbal li Jesús xban nak queꞌrabi resil li milagro li quixba̱nu.

San Juan 16:27

Lin Yucuaꞌ nequexra la̱ex xban nak la̱ex niquine̱ra la̱in ut xban nak xepa̱b nak riqꞌuin li Dios xinchal chak.

San Juan 16:30

Anakcuan nakaqꞌue retal nak la̱at nacanau chixjunil li cꞌaꞌak re ru. Moco toj ta ta̱yehekꞌ a̱cue. Joꞌcan nak nakapa̱b nak la̱at riqꞌuin li Dios xatchal chak, chanqueb.